صفحة 3 من 4 الأولىالأولى 1234 الأخيرةالأخيرة
النتائج 21 إلى 30 من 34

الموضوع: لأهل التجربة : مكتب تصميم خرائط

  1. #21
    عضو مؤسس
    رقم العضوية
    11806
    تاريخ التسجيل
    Jan 2007
    المشاركات
    940
    اقتباس المشاركة الأصلية كتبت بواسطة معماري قطري مشاهدة المشاركة
    عليكم السلام ورحمة الله وبركاته

    قوانين السعودية فيها راحة أكثر وإذا صمم لك بدون ما يدري بقوانين تخطيطنا بتواجهك مشكلة كبيرة في الموافقة الأولية

    بالنسبة لإتجاه الشمس وين ما يكون ما عندك مشكلة لو سويت بيتك معزول عزل جيد وركزت الدرايش وين تكون ودرست تصميمها صح .. وايد شفت تصاميم خارجية فيها فكرة وفيها شغل بس مستحيل تستوي عندنا .. مثال أخير واحد مصمم في تركيا وقال لي تصميم حلو وفيه وفيه يوم شفته مسوي له بيسمنت مساحته أكبر من البيت 1200 تقريباً بس البيسمنت .. غرفة الخدم أصغر شيء 17 في 6 .. صالات خيالية بدون عمود ما ادري شلون بتنبني .. يوم جيت اركبه على أرضه طلع شوي خارج الحدود ومب شوي مستملك الشارع وهذا قليل من كثير .. تعال للصالات وكلها مفتوحة على بعض وكل صالة مسميها اسم فاملي هول وستنغ ايريا وحتى كتابته بالانجليزي أحرف غلط .. مواقف السيارات تحت الأرض مع إن أرضه كبيرة وسهل يرتبها فوق ويتخلص من شغل قوي ومكلف تحت الأرض .. لا والمواقف وايد ضيقة وصعب تدخل السيارة وتطلع ومتأكد بتكون فيه مزرعة أعمدة ما يوضحها في المعماري

    أوقات انت تحتد على بناء تقليدي ومجرب لكن تحط فيه شوية تغييرات تخليه شرح ومريح
    كان مصمم ذكي دخل يشوف القوانيين عندنا في قطر وخليته يتواصل مع مهندس في قطر يسأل ووصلت للي أبيه معماريًا معاه

    وكل من شاف تصميمه مدحه أمانة رجل ذكي ومحترم واذا كان فيه ملاحظات على تصميمه من البعض كان من باب الذوق في بعض الجزئيات
    طاعة الأمير في عقيدتنا ومنهجنا كيف مثل أبونا وأخونا وعونا وسندنا تميم الله يحفظه

  2. #22
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    اقتباس المشاركة الأصلية كتبت بواسطة علي الدوسري مشاهدة المشاركة
    مافهمت نقطة النماذج ، ممكن توضحها اكثر .

    بالنسبة للاحتياجات ، عندي لها ترتيب مثلاً انه عدد العائلة كذا .. و طبيعة الزيارات و بعد الترتيبات ، يعني اشياء اشوف انها ممكن تساعد المهندس في التصميم .
    مر الموضوع بتعرف شلون .. النموذج هو تصميم معين زاوية مثلاً أو مستطيل والصالة في زاوية أو أي شكل يناسب الأرض اللي عندك وانفتاحها على شارع أو شارعين

    المهم واللي تقدر تعرف عليه تلبيته لإحتياجاتك هو توزيع الأرض والغرف والباقي من زخرفة وبروزات معمارية هذي أي واحد ممكن يتفنن فيها حتى مصمم واجهات الحجر ممكن يبدع لك ويغير بيتك بالكامل أو يكون إتجاهك للكتل والبساطة اللي تخلي بيتك ما يكون ممل ويكون فيه جمال عملي وبدون تكاليف اضافية

  3. #23
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    اقتباس المشاركة الأصلية كتبت بواسطة سهم ماينزل مشاهدة المشاركة
    كان مصمم ذكي دخل يشوف القوانيين عندنا في قطر وخليته يتواصل مع مهندس في قطر يسأل ووصلت للي أبيه معماريًا معاه

    وكل من شاف تصميمه مدحه أمانة رجل ذكي ومحترم واذا كان فيه ملاحظات على تصميمه من البعض كان من باب الذوق في بعض الجزئيات
    زين والله شيء مفرح والله يوفقك هذا يسوي شغله صح

  4. #24
    عضو مؤسس
    رقم العضوية
    11806
    تاريخ التسجيل
    Jan 2007
    المشاركات
    940
    اقتباس المشاركة الأصلية كتبت بواسطة معماري قطري مشاهدة المشاركة
    زين والله شيء مفرح والله يوفقك هذا يسوي شغله صح
    والله يا اخوي اول مرة احط تصميم واجلس مع الاهل وما يكون عندنا ملاحظات غير بسيطة جدًا والزين في المصمم يقول اي تعديل حاضر قبل بعد اثناء لا تترددون ومقارنة بالاسعار فسعره ممتاز خاصة مع شغله

    وتسلم وتراك من أهم من الشخصيات اللي نقرأ لهم في البناء وجزاك الله خيراً
    طاعة الأمير في عقيدتنا ومنهجنا كيف مثل أبونا وأخونا وعونا وسندنا تميم الله يحفظه

  5. #25
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    زين في حالتك إخوي سهم ما ينزل أفضل تتفق مع مكتب في قطر يخلص الرخصة بس وتتفق مع المصمم يكمل باقي التخصصات خصوصاً الإنشائي لو عندهم مصمم زين بيصمم لك هيكل اقتصادي ومتزن .. الكهربة مشكلة هناك أعتقد 115 فولت وعندنا 225 هم نظام أمريكي وإحنا اوروبي تقدر تكملها أو تسويها في قطر

  6. #26
    عضو مؤسس
    رقم العضوية
    11806
    تاريخ التسجيل
    Jan 2007
    المشاركات
    940
    اقتباس المشاركة الأصلية كتبت بواسطة معماري قطري مشاهدة المشاركة
    زين في حالتك إخوي سهم ما ينزل أفضل تتفق مع مكتب في قطر يخلص الرخصة بس وتتفق مع المصمم يكمل باقي التخصصات خصوصاً الإنشائي لو عندهم مصمم زين بيصمم لك هيكل اقتصادي ومتزن .. الكهربة مشكلة هناك أعتقد 115 فولت وعندنا 225 هم نظام أمريكي وإحنا اوروبي تقدر تكملها أو تسويها في قطر
    لا هو فقط عليه المعماري والتنفيذي

    أما الانشائي والميكانيكا والكهرباء مع استشاري في قطر والجهة صوب مكتب دوحة العز أتمنى أن تمشي الأمور بحسب ما أتمنى المكتب في الدوحة حط 3 ملاحظات بسيطة جدًا تحتاج استثناء او تعديلها دون المساس بأي جوهر
    طاعة الأمير في عقيدتنا ومنهجنا كيف مثل أبونا وأخونا وعونا وسندنا تميم الله يحفظه

  7. #27
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    اقتباس المشاركة الأصلية كتبت بواسطة سهم ماينزل مشاهدة المشاركة
    والله يا اخوي اول مرة احط تصميم واجلس مع الاهل وما يكون عندنا ملاحظات غير بسيطة جدًا والزين في المصمم يقول اي تعديل حاضر قبل بعد اثناء لا تترددون ومقارنة بالاسعار فسعره ممتاز خاصة مع شغله

    وتسلم وتراك من أهم من الشخصيات اللي نقرأ لهم في البناء وجزاك الله خيراً
    موفقين وهذا اللي أنصح به الجميع رأي الأهل وحتى العيال وحتى لو كانوا صغار مهم ولازم نشوف المخططات على تلفزيون كبير وواضح وهذا سهل ألحين

  8. #28
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    اقتباس المشاركة الأصلية كتبت بواسطة سهم ماينزل مشاهدة المشاركة
    لا هو فقط عليه المعماري والتنفيذي

    أما الانشائي والميكانيكا والكهرباء مع استشاري في قطر والجهة صوب مكتب دوحة العز أتمنى أن تمشي الأمور بحسب ما أتمنى المكتب في الدوحة حط 3 ملاحظات بسيطة جدًا تحتاج استثناء او تعديلها دون المساس بأي جوهر
    كنت أتمنى لو مسوي الإنشائي عنده ويشوف مهندس شاطر لأن عندنا وايد مبالغات ندفع قيمتها بدون فايدة .. حتى عند بعض مكاتبهم هذي الظاهرة موجودة .. بقية الأُمور بإذن الله بتمشي

  9. #29
    عضو
    رقم العضوية
    56881
    تاريخ التسجيل
    Mar 2021
    المشاركات
    7
    اقتباس المشاركة الأصلية كتبت بواسطة سهم ماينزل مشاهدة المشاركة
    السلام عليكم

    بالنسبة للمعماري قسم بالله درت اكثر من خمس مكاتب تصميم اغلبها تصاميم عادية جدًا ولا فيها أي روح ولا استغلال للمساحات ابداً

    وتعرفت على مصمم مصري في الانستجرام في السعودية وغامرت معاه للاسباب التالية:

    ظ،. قبل ما يبتدي التصميم يدرس اتجاهات الارض عشان الشمس
    ظ¢. يأخذ متطلباتك ويدسها وينصحك.
    ظ£. يسوي فيديوهات شرح لك.
    ظ¤. سعرة جدًا مناسب وعلى دفعات.

    النتيجة بعد انتهاء التصميم والمراجعة: الصراحة تصميم كل من شافه قال روعة لا مكتب ولا صديق.

    يأخذ على المتر ثلاثه دولار واذا تبي مع المعماري تنفيذي يزيد نص دولار

    (فقط معماري).

    انسان محترم وخبره وفاهم جدًا ودفعاته مريحه

    من تجربه

    اذا له حساب او طريقة للتواصل واشوف شي من شغله ياليت ترسله

  10. #30
    عضو مؤسس
    رقم العضوية
    11806
    تاريخ التسجيل
    Jan 2007
    المشاركات
    940
    اقتباس المشاركة الأصلية كتبت بواسطة علي الدوسري مشاهدة المشاركة
    اذا له حساب او طريقة للتواصل واشوف شي من شغله ياليت ترسله
    عنده ولكن اللي اعرضه في حسابه قليل جدًا

    بطرش لك على الخاص حسابه ورقمه والله انسان في قمة الروعة ومحترم خدمني بتصميم كان في مخيلتي
    طاعة الأمير في عقيدتنا ومنهجنا كيف مثل أبونا وأخونا وعونا وسندنا تميم الله يحفظه

صفحة 3 من 4 الأولىالأولى 1234 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •