صفحة 1 من 2 12 الأخيرةالأخيرة
النتائج 1 إلى 10 من 11

الموضوع: فتحات دكت تكييف سنترال باكج و كونسيلد سبلت او في ار اف

  1. #1
    عضو نشط جداً الصورة الرمزية Thamer_Qat
    رقم العضوية
    10457
    تاريخ التسجيل
    Jul 2006
    المشاركات
    1,307

    فتحات دكت تكييف سنترال باكج و كونسيلد سبلت او في ار اف

    السلام عليكم اخواني الكرام
    من عنوان الموضوع هل من الأفضل تكون فتحات التكييف في اسقف الجبس جريلات مخفيه بين طبقات الجبس للسبلاي والريتيرن او جريلات واضحه طوليه لينير او مربعه ديفيوزر
    رايي يقول فتحات طوليه لينير تعطي فخامه للفيلا مثل اللي في لوبي الفنادق
    وراي يقولك لا وصار شي قديم ويشوه ديكورات الأسقف وايضا اندفاع الهوا للأسفل مؤذي ويحول على روس الناس.
    وراي يقولك جرلات مخفيه بين طبقات الجبس في الأسقف واندفاع الهوا افقي مش عمودي وتوزيع ودوران الهوا افضل بحيث اللي جالس مايعرف من وين يجيه البراد واضيف ان ديكورات الأسقف المكلفه مازاحمتها بفتحات تكييف ظاهرة للأعين وأثرت على جمالية المكان.
    وطبعا الدفيوزر المربع مستبعد ولكن توزيعه للهوا جيد وللأتجاهات الأربع بس يشوه المنظر وعادة يركبونه في المكاتب او غرف الملابس او لغرف الصغيره جدا
    والعيد عليكم مبارك مقدما ودمتم سالمين
    علمتني الحياة ان لا اتعاطف او انحاز لأي احد حتى اسمع للطرف الآخر

  2. #2
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    عليكم السلام ورحمة الله وبركاته

    بالنسبة للتكييف صراحة فلم رعب بالنسبة لي لأن الغش فيه كثير خصوصاً البكج والدكت سبلت .. واحد أمس يكلمني يشتكي إنه طول يومه مع عمال الصيانة ينظفون التكييف ويقول انه ميزة شغلهم كله فوق .. قلت بيتك توك ساكنه قال كل شهرين ضروري يسوون تنظيف وصيانة وهو مسوي عقد معاهم .. أحس يبالغ بس مع السبلت ما يحتاج كل هالدوشة وصيانته سهلة وتنظيف الفلتر عادي تنظفه الخدامة كل شوي

    هذا رفيجي نفسه سوى ديكورات جبس حول الدرايش وعلى الجدران مكلفة وبروزات خاصة للستاير وأول ما ركب الدرايش وشغل التكييف خلاه وراح رجع ثاني يوم حصل الرطوبة متكثفة وسايلة على الجبس مخربته .. يقول أرضية البيت كلها ماي ولا يدري من وين جات الرطوبة .. السبلت نعرف إنه يسحب الرطوبة ويعطي جو صحي وباقي التكييف المفروض وبعضه يعطيك هواء خارجي نقي يجدد هواء البيت وهذي كلها مميزات ما يضبطونها شركات الغش عندنا

    عن سؤالك عن فتحات الدكت أشوف المخفية عملية أكثر وما يجيك الهواء البارد مباشر في ويهك ولو تقدر سوها لكل مكان بس مهم تتأكد من مواصفات التكييف ومواصفات التركيب وتخلي استشاري مختص تكييف وفاهم يتابع العقد ويتابع تصميم التكييف ويتابع التركيب

  3. #3
    عضو نشط جداً الصورة الرمزية Thamer_Qat
    رقم العضوية
    10457
    تاريخ التسجيل
    Jul 2006
    المشاركات
    1,307
    هلا ومسهلا اخوي معماري
    وتوقعت انك اول من يرد على موضوعي
    البكج او السنترال غالبا مايسوي رطوبه حول الدكتات ويقطر على الجبس اللي تحته الا في حاله وحده مثل ماتفضلت "غش" او المالك استرخص الشي وجاب ناس من بوطخه يصنعون ويركبون الدكتات في بيته. وبيتم يعاني طول عمره
    الشركات الجيده معروفه مثل المناعي وتدمر والبحرية وغيرهم وعندهم ستاندارد ومواصفات ماينزلون عنها ودايما يدخلون في مناقصات ومباني الدولة من وزارات ومدارس ومستشفيات ومساجد وغيرها من مؤسسات الدولة وهذول مستحيل يغشون ودايما مواصفاتهم عاليه ومكلفه.
    وفعلا اتفق معاك المخفي افضل وافخم واللي يدخل بيتك مايشوف اي شي يشوه ويخرب جمال ديكورات مكلفتنا وايد
    علمتني الحياة ان لا اتعاطف او انحاز لأي احد حتى اسمع للطرف الآخر

  4. #4
    عضو نشط جداً الصورة الرمزية Thamer_Qat
    رقم العضوية
    10457
    تاريخ التسجيل
    Jul 2006
    المشاركات
    1,307
    واعتقد كل شهرين ينظفون فلاتر مكاين البكج فوق السطح زين وطبيعي علشان الهوا الفررشش يجيك نظيف جدا ويحافظ على صحتك وصحة اسرتك الله يسلمهم
    اما تنظيف الدكتات بالريبوت مره كل سنه او كل سنتين كفايه
    وتنظيف الجريلات "فتحات التكييف مره كل سنه يكفي
    وفعلا ماحد يدخل بيتكم للصيانه ابدا وكل الشغل فوق السطح ومعظم الشركات 24 ساعه خدمة نفس خدمة مساعدة الطريق لسيارتك من بنشر واعطال
    علمتني الحياة ان لا اتعاطف او انحاز لأي احد حتى اسمع للطرف الآخر

  5. #5
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة Thamer_Qat مشاهدة المشاركة
    هلا ومسهلا اخوي معماري
    وتوقعت انك اول من يرد على موضوعي
    البكج او السنترال غالبا مايسوي رطوبه حول الدكتات ويقطر على الجبس اللي تحته الا في حاله وحده مثل ماتفضلت "غش" او المالك استرخص الشي وجاب ناس من بوطخه يصنعون ويركبون الدكتات في بيته. وبيتم يعاني طول عمره
    الشركات الجيده معروفه مثل المناعي وتدمر والبحرية وغيرهم وعندهم ستاندارد ومواصفات ماينزلون عنها ودايما يدخلون في مناقصات ومباني الدولة من وزارات ومدارس ومستشفيات ومساجد وغيرها من مؤسسات الدولة وهذول مستحيل يغشون ودايما مواصفاتهم عاليه ومكلفه.
    وفعلا اتفق معاك المخفي افضل وافخم واللي يدخل بيتك مايشوف اي شي يشوه ويخرب جمال ديكورات مكلفتنا وايد
    هو ما نزلت الرطوبة من الدكتات تكثفت على قزاز الدرايش ونزلت على الديكور اللي مسويه حول الدرايش ومشتغل شغل مكلف بس هذي طبيعة هذا التكييف دوم مشاكل الصيانة صعبة وما تنحل بسهولة

  6. #6
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة Thamer_Qat مشاهدة المشاركة
    واعتقد كل شهرين ينظفون فلاتر مكاين البكج فوق السطح زين وطبيعي علشان الهوا الفررشش يجيك نظيف جدا ويحافظ على صحتك وصحة اسرتك الله يسلمهم
    اما تنظيف الدكتات بالريبوت مره كل سنه او كل سنتين كفايه
    وتنظيف الجريلات "فتحات التكييف مره كل سنه يكفي
    وفعلا ماحد يدخل بيتكم للصيانه ابدا وكل الشغل فوق السطح ومعظم الشركات 24 ساعه خدمة نفس خدمة مساعدة الطريق لسيارتك من بنشر واعطال
    في امريكا الفلاتر تنباع في السوبرماركت تروح وتشتري الفلتر بالرقم وتركبه بسهولة نظامهم وايد سهل بس التكييف لاحظته مزعج .. انا يهمني الصوت أكثر المنظر ألحين السبلت منظره زين وفيه منه بشكل لوحة وفيه المربع المعلق بعد شكله حلو ويدفع لكل الإتجاهات

  7. #7
    عضو
    رقم العضوية
    54302
    تاريخ التسجيل
    May 2019
    المشاركات
    5
    صدقت اخوي معماري فعلا فلم رعب وعالم من الغش
    الشيخ اذا تعرف استشاري مختص وتخصصه تكييف افزع لي يا اخوي
    ابي اركب مكيفات دكت سبلت وبكج يونت واذا ترشح شركات عندها مصداقيه ومعروفه بكون لك من الشاكرين الشيخ

  8. #8
    عضو نشط جداً الصورة الرمزية Thamer_Qat
    رقم العضوية
    10457
    تاريخ التسجيل
    Jul 2006
    المشاركات
    1,307
    اقتباس المشاركة الأصلية كتبت بواسطة مطلع مشاهدة المشاركة
    صدقت اخوي معماري فعلا فلم رعب وعالم من الغش
    الشيخ اذا تعرف استشاري مختص وتخصصه تكييف افزع لي يا اخوي
    ابي اركب مكيفات دكت سبلت وبكج يونت واذا ترشح شركات عندها مصداقيه ومعروفه بكون لك من الشاكرين الشيخ
    اخوي من واقع تجربة
    الرونق طريق سلوى عقب معرض السيارات اللي قبل محطة الجزيره ملاصق تقريبا بمعرض abc
    شغلهم ممتاز والتزام ويمسكون دايما مشاريع كبيره وفلل وعندهم جميع الأنظمه باكج دكت سبلت وفي ار اف وجميع لبراندات اللي تبيها
    اي معلومات اضافيه حاضر لك
    علمتني الحياة ان لا اتعاطف او انحاز لأي احد حتى اسمع للطرف الآخر

  9. #9
    عضو نشط جداً الصورة الرمزية Thamer_Qat
    رقم العضوية
    10457
    تاريخ التسجيل
    Jul 2006
    المشاركات
    1,307
    اقتباس المشاركة الأصلية كتبت بواسطة Thamer_Qat مشاهدة المشاركة
    اخوي من واقع تجربة
    الرونق طريق سلوى عقب معرض السيارات اللي قبل محطة الجزيره ملاصق تقريبا بمعرض abc
    شغلهم ممتاز والتزام ويمسكون دايما مشاريع كبيره وفلل وعندهم جميع الأنظمه باكج دكت سبلت وفي ار اف وجميع لبراندات اللي تبيها
    اي معلومات اضافيه حاضر لك
    حاليا شغالين في بيتي دكتات باكج بالكامل وجزء دكت سبلت
    والمدير والشريك شفقت باكستاني خبره ومتعاون جدا
    علمتني الحياة ان لا اتعاطف او انحاز لأي احد حتى اسمع للطرف الآخر

  10. #10
    عضو فعال
    رقم العضوية
    42820
    تاريخ التسجيل
    May 2012
    المشاركات
    1,708
    كفو اخوي ثامر الحين احنا راح نسلمك العهدة عهدة قسم البناء والتشطيب ونستفيد من خبراتك

    نبي همتك هالفتره بالمشاركات بالمنتدى

    انت حاليا في فتره حساسه جدا لان الاعمال عندك وراء بعض متشابكه لازم تنجزها

    واكيد عندك الجديد شنو نزل بالسوق

    عساك على القوى ان شاءالله والله ويوفقك

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •