مشاهدات مختلفة ؟

[طلعة الروح]

المشهد الاول في رمضان اتمنى انتهى منظر الطوابير لي تكون امام بعض المنازل لأخذ الفطور لانه وللاسف كثير منهم غير محتاج بس هي عاده عتاد عليها وانا اشوف سيارات البعض منهم موديلات جديده ياخي تبغي الاجر اعطي الجمعيات الخيرية قيمة اطعام صايم وهم يتكفلون بذلك لنا اخوان في مشارق الارض ومغاربها في امس الحاجة للطعام
المشهد الثاني عصابات عيد الفطر من الاسيويين والكل عارف هالفئة لي ينزلون عيالهم في الفرجان بقصد جمع العيديه تشوف سيارة تنزل اكثر من طفل وسيارة اخرى كذلك ويخلص من فريج ويذهب الى اخر مايصير تستغلون طيبة هل قطر وهذا يسمى تسول
المشهد الثالث الكثير منا عنده بطاقة التموين لصرف المواد التموينيه لكن للاسف البعض يعطيها لشخص اخرى من الاسيويين وغيرهم او ياخذ التموين ويوزعه ياخي الدوله عطتك البطاقة مب علشان تسوي اجر على حساب الدوله بل هي مساعده لك واذا تبغي الاجر يشتري بحر مالك وزع

اذا بننظر للمشاهدات الثلاث من فوق فكلها تندرج تحت مسمى نطلق عليه
لوتي او بخيل او طماع

لكن علمتني الايام ما احكم على الناس والظروف تتغير فمانقدر نحكم على نواياهم ولا افعالهم
حتى لو كان ظاهر الأمر واضح ومرفوض ومستهجن عندنا كنظرة اجتماعية

لكن كناحية دينية تقدر تقول عنها تراحم وتعاون وتودد وكذا مسمى ينطبق عليها
خاصة الناس تركز على فعل الخير في هالشهر

الافضل بدل التوزيع العشوائي ان يجتهد للبحث عن المحتاج فعلا للطعام
ويذهب له ويسلمه لين باب بيته

بالنسبة لبطاقة التموين هذي اموال الدوله
ولا يجب عليه توزيعها بحجة الصدقه
ولا النية الطيبة المفروض ينفقها من حر ماله
ولا تعتبر سرقه وسبل الخير للي يبي يسوي خير معروفة
بعيدا عن التموين