في امور ما تقدر توقفها
اغلب ما ذكرت اخوي تصرفات فرديه
الي يوزع اكل هذا بخياره و ما نقدر نمنعه
حتى في الحج. ناس توزع اكل مع ان اغلب الحجاج دام قدروا يوصلون لمكه يقدرون يشترون الاكل. لكن قال الرسول صلى الله عليه وسلم
الحج اقراء السلام و اطعام الطعام
المشهد الثاني
لابد ان اي فرصه بنجد افراد يستفيدون منها تلقى الاب بموتر صغير و ينزلون منه 14 طفل يوزعهم عشان يجمعون العيديه. و شفت بنفسي لما ياخذون العيديه ياخذها الاب اول ما يرجعون للموتر
كثير مواقف تصير ان ناس تتصيد للماده. حتى الي يغسل السيارات. مش بس ياخذ قيمه الغسيل. ياخذ اضعافها من البخشيش و عطايا الناس
تضل خيار للي يدفع سواء اجر او طيب نفس. يمكن ما يعجبني بعض هالامور لكن ما اقدر اتدخل بتصرفات الناس الي تعطيهم
المشهد الثالث
الكل قال حرام. لكن تضل فئات و بوقت معين و مع طلب البعض ممن يقنعهم ان يعطونهم التموين
و في حجه بأن اذا اخذ القطري التموين و دفع قيمته. حتى لو مدعومه. صار ملك له و حر بالتصرف فيه ولا و يقولون توديه البيت بنيه انه لك. لكن اذا بعدها تبي تعطيه محتاج. تقدر لان ملكك خلاص
ما اتفق مع هالكلام بس هذا الي يصير
المشكله ان محد يعرف اذا صارت او لا. لانها بالخفاء
و تضل امور فرديه ما لنا تحكم فيها
المفروض ان جهات معينه تقدر تتحكم ببعض هالمشاهد
وزاره الاقتصاد مثلا تحكم موضوع المحلات و قوانينها. فتقدر تتضمن في تفتيشاتها موضوع صرف التموين. و بيحصلون غير قطري يصرف تموين ببطاقه قطري او يلزمون اصحاب المحلات بالابلاغ اذا صرف غير قطري اي تموين الا اذا كان على كفاله القطري فمسموح
الشحاته تحكمها الشرطه و الدوريات و سهل يشوفون اي عامل ياخذ فلوس من الماره بدون ان يغسل او بجلوسه باماكن معينه يوميا بلا عمل فعلي
احنا كمجتمع عندنا نقاط ضعف
لو نشوف اسيوي مثلا. رث الثياب و جالس بالشمس. او باوضاع تكسر الخاطر. نفكر بالاجر من وراه. مع اننا ما نعرف هو مسلم او لا. او هل مستحق للصدقه ام لا
مع ان نفس هالشخص لو شفناه بمحل يملكه. لكن باسم قطري و نبي منه شغله نشتريها او عمل يؤديه. تلقاه يبالغ بالسعر و يتحكم فيها. و يتفقون كذا محل لتوحيد الاسعار
عندك مثلا محلات التواير بكذا منطقه. ما تحصل فرق عشره ريال لو تلف عشر محلات
و تصير معاي وايد لكن تصيد واحد بينهم يخون فيهم و يتفق معاك اذا تشتري منه دوم يعطيك سعر خاص
وصلت مع محلات البنغال ان اطارات كوريه ب 400 ريال واحد منهم يبيعني ب 270 ريال و يقول لا تعلم ترى متفقين كلنا ما ننزل اقل من 380
نفس هالاشخاص لو جالس بالطريق انا بتشفق على حالته و بعطيه شي لكن هو لما تكون حاجتي عنده يلعب لعبته
تحولت العمليه عند بعضهم الى فن التظاهر و معرفه كيف يفكر الناس لاستماله جيوبهم