وزارة التعليم

[طلعة الروح]

السلام عليكم

عندي ملاحظة حبيت أوصلها لوزارة التعليم؛

بخصوص موقع التوظيف الالكتروني قدمت على وظيفه معلمه في تخصصي
وبعد ذلك تفاجئت انهم كاتبين نأسف لقبول طلبكم لعدم تحقق الشروط

أي شروط اذا انتوا من الاساس مب ذاكرين الشروط لشغل الوظيفه على موقعكم!!!
فقط ذاكرين معلمات ذكور واناث قطريين

احنا ننتقد لان نعرف ان في عندكم توظيف وواضح ان نظامكم فيه خلل لان تخصصي انتوا طالبينه
وفوق هاي واللي يضحك اكثر لو تبي تقدم على وظيفة ثانية يمنعك النظام ويقولك تنتظر بعد 365 يوم

المهم هاذي ملاحظة احب اشاركها واذكرها للقائمين على الوزارة لأن مش معقول الواحد يقدم الكتروني
وبعد يروح يراجعهم ولا يتصل لهم ويسألهم ياخي حطوا شروطكم من البداية مب ترفضون خلق الله بدون سبب.


وفي النهاية اللي ما يتقبل النقد عمره ما راح يتطور ولا يطور

وتقبلوا تحياتي،،

[Rider]

للأسف كل الوزارات نفس النظام ونفس التخبط في التوظيف الإلكتروني وزارة التعليم يحمدون ربهم انه فيه ناس تبغي تشتغل في سلك التعليم لي الكل قاعد يهرب منه بسبب التعسف والتخبط الإداري

[معماري قطري]

الله يعينج ويوفقج ويعين كل من يدخل معمعة طلب العمل

بنتي تخرجت بتفوق وهندسة كهرباء وما اشتغلت الا بهوشة مني .. اللي قهرني سنة يماطلون وشغلوا ربعها خريجات بزنس وخريجات كهربة حديثات ومعدلاتهم داقة ولا هم غير عنها في شيء .. لا وبعضهم جوازهم حبره جديد توه ما نشف .. يوم رحت ذكرتهم بالإسم للمسؤول بطريقة واضحة ما فيها لبس شهر والا جايها التعيين وتمت حول سنة في البيت بسبب كورونا .. ليش لازم الواحد يدخل هذي المتاهات؟

التعليم والتدريس معاناة وتعب والمفروض نكون مثل الدول الثانية حصص محددة وساعات عمل مكتبية محددة بنسب معينة وباقي الوقت ملك الإنسان .. خلوا عنكم إعادة إختراع العلم والمواد مرة ثانية .. كله منهج محدد يعدل عليه ويزاد حسب كل مستجد بس سالفة كل سنة تحضير وحوسة وموافقات هذي سالفة ما لها معنى .. وسالفة دوام عسكري والمدرس أو المدرسة خلص اللي عليه ويبغي يتفرغ لنفسه هذي بعد ما لها معنى .. إبتكروا أنواع من التدليع والترفيه حتى للطلبة .. هذا شفته يطبق في جامعات ومدارس أمريكا لا وغالب المدرسين عنده مكتب في الجامعة وشغل خاص وبعضهم يعطي الطلبة واجب يدخل في شغله الخاص ويقولها صراحة وبعضهم يقول لو تبوني في الأوقات هذي تلقوني في مكتبي في الشركة

[طلعة الروح]

للأسف كل الوزارات نفس النظام ونفس التخبط في التوظيف الإلكتروني وزارة التعليم يحمدون ربهم انه فيه ناس تبغي تشتغل في سلك التعليم لي الكل قاعد يهرب منه بسبب التعسف والتخبط الإداري

العالم تتطور واحنا نرجع للوراء هذا والتكنولوجيا متوفره والنت شغال

الظاهر في شي يتعلق بالتقييم الالكتروني هو اللي يحدد الشروط ويقبل او يرفض بدون تدخل بشري من الوزارة

لان ما اعتقد في بشر طبيعيين يشترطون عليك تنطر سنه عشان ترجع تقدم على وظايف اخرى ولا يقولك قدم عقب ماتستوفي
الشروط ولا ذاكر لك اي شرط اثناء التقديم على الوظيفة الكترونيا

شكلهم ماعندهم ثقافة التفاوض ع الاقل اتصل وكلم المتقدم عشان يفهم وين النقص عنده اذا النظام لهذي الدرجة تعبان

[طلعة الروح]

الله يعينج ويوفقج ويعين كل من يدخل معمعة طلب العمل

بنتي تخرجت بتفوق وهندسة كهرباء وما اشتغلت الا بهوشة مني .. اللي قهرني سنة يماطلون وشغلوا ربعها خريجات بزنس وخريجات كهربة حديثات ومعدلاتهم داقة ولا هم غير عنها في شيء .. لا وبعضهم جوازهم حبره جديد توه ما نشف .. يوم رحت ذكرتهم بالإسم للمسؤول بطريقة واضحة ما فيها لبس شهر والا جايها التعيين وتمت حول سنة في البيت بسبب كورونا .. ليش لازم الواحد يدخل هذي المتاهات؟

التعليم والتدريس معاناة وتعب والمفروض نكون مثل الدول الثانية حصص محددة وساعات عمل مكتبية محددة بنسب معينة وباقي الوقت ملك الإنسان .. خلوا عنكم إعادة إختراع العلم والمواد مرة ثانية .. كله منهج محدد يعدل عليه ويزاد حسب كل مستجد بس سالفة كل سنة تحضير وحوسة وموافقات هذي سالفة ما لها معنى .. وسالفة دوام عسكري والمدرس أو المدرسة خلص اللي عليه ويبغي يتفرغ لنفسه هذي بعد ما لها معنى .. إبتكروا أنواع من التدليع والترفيه حتى للطلبة .. هذا شفته يطبق في جامعات ومدارس أمريكا لا وغالب المدرسين عنده مكتب في الجامعة وشغل خاص وبعضهم يعطي الطلبة واجب يدخل في شغله الخاص ويقولها صراحة وبعضهم يقول لو تبوني في الأوقات هذي تلقوني في مكتبي في الشركة

الله يوفق الجميع يارب

ومنور الموضوع استاذ معماري

والله ضحكني موقف روحتك وهواشك معاهم ذكرتني بمسلسل تناتيف

ايام ما الواحد يدخل ع الشركة ويراجع المدير وماسك بيده اوراق يعني نظام مال اول

شكلهم البعض يحبون نظام الشرشحه

احنا عبالنا يوم نشوفهم حطوا توظيف الكتروني قلنا خلاص الجماعه منظمين وعارفين شغلهم

والوضع top

اتضح ان للحين ربعنا ع النظام القديم ولازم ترجع وتردح لهم

من شب على شيء شاب عليه

بخصوص النظام التعليمي والمنظومة التعليمية ، اعتقد مضطرين ننطر حوالي عشرين سنه
لين ماتتبدل العقليات يمكن يضبط الوضع حق الاجيال القادمه

[طلعة الروح]

اساسا هم محتاجين طول الوقت حد يحركهم motivator

بدليل التجارب والاخطاء اللي وقعوا فيها مثل نظام مركزية المدارس المستقلة ويوم كان قرار التعيين عند مدير المدرسة
واللي ارجعت واثبتت فشلها وارجاع وزارة التعليم مرة اخرى

ومع ذلك الاخطاء كثيرة بدليل كثرة الشكاوي من المنضمين لهذه الوزارة

[سالم الزهران]

اظن أحد داعي لج بالخير، بلعكس اتوقع اتحصلين وظيفة حكومية أريح منها.. ابذلي السبب الاهم بعد التوكل ع الله وهو (واسطة الخير).

[طلعة الروح]

اظن أحد داعي لج بالخير، بلعكس اتوقع اتحصلين وظيفة حكومية أريح منها.. ابذلي السبب الاهم بعد التوكل ع الله وهو (واسطة الخير).

اللهم آمين وللجميع يارب

الحمدلله اهم شي عندي اوصل الرساله

واللي اهم من هذا كله الاهتمام بالطلبات التي ترد إلى الوزارة على محمل الجد وليس ماهو حاصل الآن
من لفلفه وعدم منطقيه واعذار واهيه للرفض والنوم في العسل على اسوء تقدير

وبعدين كلامهم عن فتح الوظايف في صوب واللي يسوونه في صوب

انتهى العصر الحجري وكل واحد يشوف شغله عدل ولا لا يصرح من الاساس

نظام توظيف مافيه مجال للتعديل والتحديث من قبل المتقدم ويفرض عليك الانتظار مدة سنة بتشدد وكأنك تطر او تنطر حكم من المحكمه حتى الاجانب المنظمين اكثر منا ماسووها

انا لاحظت في كذا وزارة الردود والحجج تكون دايما واهيه وفيها كسل باسم الاجراءات والشروط

وهذا منبع ومرجع كل موضوع وكل شكوى

[مرتبش]

شدعوة سنة.. على اي اساس شارطين سنة وبأي قانون

[طلعة الروح]

هذا المرفق اللي عقب ما قدمت على وظيفة ثانية عطاني رسالة ثلاثمائة وخمسة وستون يوم

هم صح ذاكرين ان الوظيفة للقطريين اناث وذكور بس الظاهر هم يبون شروط مانعرفها خاشينها ف الدرج
شكله موقع التوظيف الالكتروني مقتصر على الاجانب واللي جايين من خارج الدوله