صفحة 1 من 3 123 الأخيرةالأخيرة
النتائج 1 إلى 10 من 23

الموضوع: نقل ملكية بيت - التسجيل العقاري

  1. #1
    عضو نشط
    رقم العضوية
    33694
    تاريخ التسجيل
    Aug 2010
    المشاركات
    520

    نقل ملكية بيت - التسجيل العقاري

    السلام عليكم

    شنو الاشياء اللي لازم اعرفها او اطلبها في حالة نويت اشتري بيت
    من اوراق ومستندات واشياء ممكن اغفل عنها

    ويعطيكم العافيه

  2. #2
    عضو فعال الصورة الرمزية سعود.
    رقم العضوية
    48691
    تاريخ التسجيل
    Apr 2015
    الدولة
    قطر
    المشاركات
    3,545
    لو تاخذ استشاري يقيم لك البيت ( تشطيبات ) جودتها وركز على الضمانات التشطيب
    عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”

  3. #3
    عضو نشط
    رقم العضوية
    46716
    تاريخ التسجيل
    Jan 2014
    المشاركات
    956
    بالاضافة شهادة اتمام البناء لنعرفة عمر البيت

  4. #4
    عضو نشط
    رقم العضوية
    33694
    تاريخ التسجيل
    Aug 2010
    المشاركات
    520
    يعطيكم العافيه
    واذا فيه بعد معلومات ثانيه فيدونا

  5. #5
    عضو فعال
    رقم العضوية
    49176
    تاريخ التسجيل
    Sep 2015
    الدولة
    الارض
    المشاركات
    2,026
    تأكد من عمر بيت و خذ كل الاوراق الخاصة بالبيت بداية من التصميم و خرائط و نهاية بشهادة اتمام البناء!

    ممكن تتعاقد مع شركة للتأكد من سلامة البيت انشائيا.
    انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
    لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة​

  6. #6
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة SouthK مشاهدة المشاركة
    تأكد من عمر بيت و خذ كل الاوراق الخاصة بالبيت بداية من التصميم و خرائط و نهاية بشهادة اتمام البناء!

    ممكن تتعاقد مع شركة للتأكد من سلامة البيت انشائيا.
    البيت إذا موجود وله سنة مبني أفضل من مبني توه ومخلص هو بنفسه يعلمك شفيه ووشو شعوره وشلون متماسك .. أهم شيء ما فيه شلوخ ولا بوادر شلوخ

    تمشى حوله ولاحظ أي هبوط في الحوش أو ميلان جهة سور البيت هذا يعتبر مشكلة في الدفان ومشكلة مستقبلية بتتكسر عندك الجسور الأرضية من المياه وقت المطر لأن اتجاه التجمع بيكون حول البيت .. الإصلاح سهل بس أي إصلاح يقلل القيمة

    بعدين مهم تجرب المياه وجريانها وتصريفها بدون ما تسيل تترس كل دورة مياه .. الأبواب كلها اغلاقها وقفلها .. الكهربة والليتات كلها والمكيفات نشغلها ونلاحظها فترة

  7. #7
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    القصد لتكلف على نفسك .. مكتب استشاري لازم لو بيفحص يسوي كور تست لبعض الخرسانات ويطلع لك محتواها وقوتها وهذا مكلف وإحتمال المالك ما يرضى .. أما معاينة بالعين فأي شخص يقدر يعاين ويسوي كل اللي ذكرت ما يحتاج خبير

    لتطبيل البلاط نحرك قطعة حديد عليه أو مطرقة ونعرف من الصوت المكان الفاضي تحت

  8. #8
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة سعود. مشاهدة المشاركة
    لو تاخذ استشاري يقيم لك البيت ( تشطيبات ) جودتها وركز على الضمانات التشطيب
    لو فيه شك وتبغي تتأكد أكيد رأي أي واحد ثاني محايد ينفع

    كانت عندنا بيوت أعتقد اربع والا أكثر بتنباع الواحد ب 750000 وتشطيبها عادي تجارية .. دخلتها ما عجبتني والا كنت اقدر استري اثنين وقتها للاستثمار وترددت وفكرت فيها بعض الملاحظات البسيطة .. هذي انباعت كلها وتم استثمارها من أيام مبيوع بيت بعد ما استهلك ب 4 مليون

  9. #9
    عضو فعال
    رقم العضوية
    49176
    تاريخ التسجيل
    Sep 2015
    الدولة
    الارض
    المشاركات
    2,026
    اقتباس المشاركة الأصلية كتبت بواسطة معماري قطري مشاهدة المشاركة
    البيت إذا موجود وله سنة مبني أفضل من مبني توه ومخلص هو بنفسه يعلمك شفيه ووشو شعوره وشلون متماسك .. أهم شيء ما فيه شلوخ ولا بوادر شلوخ

    تمشى حوله ولاحظ أي هبوط في الحوش أو ميلان جهة سور البيت هذا يعتبر مشكلة في الدفان ومشكلة مستقبلية بتتكسر عندك الجسور الأرضية من المياه وقت المطر لأن اتجاه التجمع بيكون حول البيت .. الإصلاح سهل بس أي إصلاح يقلل القيمة

    بعدين مهم تجرب المياه وجريانها وتصريفها بدون ما تسيل تترس كل دورة مياه .. الأبواب كلها اغلاقها وقفلها .. الكهربة والليتات كلها والمكيفات نشغلها ونلاحظها فترة
    شرح و لا اوضح!
    انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
    لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة​

  10. #10
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    الله يعين اللي يبني واللي يشتري في هذي البلاد يا اخوي ساوث كي

    نحتاج أنظمة صارمة حتى الكل يلتزم

    من المشاكل اللي مرت علي واحد شرى ما يعتبر قصر كبير وبمبلغ خيالي وكان هذا من فترة طويلة والبنيان ما شاء الله للحين قائم بس قال لي عنه أحد المقاولين استوت فيها شلوخ قوية تتسع وجاية بزاوية حول 45 درجة وهذي تعتبر الأخطر ودليل هبوط في القواعد

    يقول المقاول وهو زميل شغل رحمة الله عليه توفى من كم سنة .. يقول قلت للمالك باشتغل بس ما اقدر احدد كم انت تابع وشوف شغلنا وبعدين بنقول لك كم بيكلفنا حسب ما نواجه .. يقول حفرنا لتحت الأساسات وحطينا جيكات واحنا نحفر وحصلنا تواير تحت مدفونة وهي تهبط بالبنيان لأنها مرنة تنضغط سحبنا اللي نقدر عليه وحطينا دفان زين وخرسانة وأصلحنا الكراكات اللي صارت ورجع البيت من أفضل ما يمكن

    المشكلة الاستشاري المصمم وأعتقد المشرف واحد من أقوى الاستشاريين والشركة اللي بنت مؤكد شركة قوية .. البيوت ثلاثة في زوايا تقاطع معروف وكل بيت حول 6000 متر مربع وانباعت قبل أيام المليون يسوى 10 على وقتنا الحالي ب 3 و ب 5 ملايين وقتها كان البيت تحصله ب 500000

    مثل هذي المشكلة لو تصير في دولة متطورة قانونياً يجيبون المقاول وين ما يكون حتى بعد 10 سنين وتستوي قضية كبيرة وقوية والملاك ياخذون تعويض وترضية فوق اصلاح الضرر والمقاول عليه غرامة كبيرة من الدولة .. لذلك كل مقاول وكل مهندس محترم نفسه وشغله

    أرجع وأقول العقود ضرورية وباشراف من مكاتب مختصة من الدولة وتوثيقها شرط للبنيان ومن يخالف لازم يتحاسب ويبقى موضوع الصيانة والضمان حسب كل جزء في يد المكتب الموثق وممكن يكون اونلاين والكتروني وقت الحاجة يطلبه المالك

    ليش الحكومة تطلب رخصة البناء وشهادة اتمام البناء حتى تضمن ما تصير تجاوزات وتضمن حقها وليش ما يكون للملاك حق وجهة تخلصه بسرعة وليش طريق المحاكم طويل ومليء بالأذى النفسي والمادي؟

    من وزير لوزير واحنا نستبشر خير سنين وسنين والمشكلة عدلية بلدية واستهلاكية تجتمع عليها عدة وزارات العدل أولها والبلدية ثانيها والكهرباء والمياه .. وممكن أشغال في بعض النواحي .. يمكن أبسط شيء فيها وزارة التجارة اللي ضبطت أمور المعدات الواضحة وضمانها .. مكتب واحد شامل فيه ممثلين متابعين وفاهمين يخلصون عقود الناس ويضيفون عليها ما هو شرعي حسب دراسات بحثية محددة ويكونون ضامنين حق الطرفين

    المقاول اللي حاط مبلغ 3 ملايين ضمان وتأمين لحسن الأداء بيخاف يخلي التوقيع في يد واحد يخيط ويبيط ويلعب بالعقود لأنه يدري فيه رقابة ومتابعة وعقاب كبير للغش

    صحيح بترتفع الأسعار شوي بس بترجع تنزل لو كانت المنافسة شريفة ولا يوجد مقاول على راسه ريشة

صفحة 1 من 3 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •