جريدة الوطن والتحقيق الصحفي الأعرج..

[سالم الزهران]

في كلمة قالها أحمد مظهر في مقابلة تلفزيونية استغربتها ذيج الأيام، لكن اليوم صرت مصدقها.

[معماري قطري]

في كلمة قالها أحمد مظهر في مقابلة تلفزيونية استغربتها ذيج الأيام، لكن اليوم صرت مصدقها.

اولها لينا يا باشا

[سالم الزهران]

صارت زيجات من خارج الخليج حتى وبدون موافقة والموافقة حصلت بعدين اللجنة تحصيل حاصل .. واحد الله يعينه دخل سلفيات وفتح كم بزنس حق إخوان وأهل المرأة اللي من دولة عربية وتعرض للمساءلة وقصة طويلة

اقتبست كلامك يبو عبدالله اللي ذكرني المقابلة، المقدم سأل أحمد مظهر عن حضور المرأة في حياته وعن طلاقه من فاتن حمامه، فالموضوع كان يدور عن (مصير الحب)، فقال للمقدم أنا لا أؤمن في الحب، مفيش حب، دا كدبه، الحب حاجة غريزية موجودة في الانسان ليستمر نسله.

فالمقصد أنه نفس الحب (الكدبه) هو اللي يخليك تعبر البحار وتتزوج من أجنبية، هو هذا الحب لو لقيته تذل له، في ناس يقولون ما لقوا الحب في بلادهم وانا اقول الله يوفقهم وأهم شيء يجد الحب لا يطلع في النهاية كفيل.

الحين عيالنا اللي رافضين الزواج ( ما حصلوا الحب).

مع كل ما ذكرنا،. الحب أقوى رابطة و قالت احدى الصحابيات عن زوجها فيما معنى حديثها (والله ما كرهت منه خلقاََ ولا ديناََ ولكني اكره الكفر في الاسلام) يعني ما تميل له ولا يوجد حب، فقال لها النبي صلى الله عليه وسلم (ردي عليه بعض ماله).

[معماري قطري]

صحيح يا بو زيد حب بلادك وتزوج من ارضها

صراحة اللي يستميتون في الحق في الزواج من أجنبيات نفسهم بكرة بيستميتون في عمل بزنس حتى لو غير قانوني للأجانب وسالفة العيشة السهلة معروفة .. كم سنة بنستوي مثل قوم أُم علاية خليط غريب بعضنا لابس غترة وعقال ولهجته لا تمت بصلة لقطر وأهل قطر

واحد من كبار التجار معروف زوجته لبنانية وكل طاقم الشغل معاه لبنانيين لدرجة يشتري سيارات غالية ويستعملها فترة قصيرة ويعطي الحاشية اللي حوله ويبيعون ويستفيدون .. الله يرزقه ويرزقهم بس شحادني كإنسان عادي أهاجر وراء الحدود للزواج

[سالم الزهران]

بعض الناس تجاربهم سيئة لذلك تجدهم يبحثون عن الانسان فقط. يمكن هذا البعد/المجال باقي ما وصلنا له.
العرب صاروا يتزوجون كوريات يبو عبدالله

[الجـــوديّ]

صارت زيجات من خارج الخليج حتى وبدون موافقة والموافقة حصلت بعدين اللجنة تحصيل حاصل .. واحد الله يعينه دخل سلفيات وفتح كم بزنس حق إخوان وأهل المرأة اللي من دولة عربية وتعرض للمساءلة وقصة طويلة

حتى الخليج بالنسبة لي خط أحمر وما ادري يمكن يتغير رايي لو وصلت السبعين وحنيت للزواج بثانية

فيه ناس مستميتين في الاجنبية ومطلقين القطرية اللي هي بنت العم أم العيال .. بايعينها هي وأهلها !!

والعز والدلال حق الاجنبية بكل حب واخلاص وولاء وانحناء وباقتناع وبرضى ..... وكل الصفات اللي تقول مشتريك بماي عيني مشتريك

مو بالضرورة ترا ان توظيف وتعيين الانساب وطوايفهم جاي بخضوع واخضاع .. هو جاي ان حبتك عيني ماضامك الدهر ..

..

حتى لو وصلت للسبعين وين المشكلة إنك تاخذ قطرية ؟

وين المبدأ الرافض للزواج من الاجنبية؟؟!!




في النهاية .. صاير الهججان نحو الاجنبية أكثر .. كان في هجوم على مسيار الحسا .. وعاد من جديد بعد رفع الحصار

يقولون الاجنبية بشكل عام أرخص في السعر!!

وتبقى معاركنا الكلامية زوبعة في فنجان.

[بوعابد7]

الزواج من اجنبيه عربيه مب حرام ولا غلط
لكن للامانه في اختلافات ثقافيه وفكريه كبيره بينهم وبيننا اهل الخليج عموما وليس قطر فقط

الافضل ان الواحد ياخذ من مجتمعه لتشاهبه السلوكيات والتفكير وطبيعة العيشه .
لكن كل واحد حر والزواج قرار مصيري يستمر للأبد

[طلعة الروح]

القطري لازم ياخذ قطرية( هذا الافضل والامثل)

والحصار كتجربة كان درس للجميع

وغير ان الشعب القطري لازم يزيد والتركيبة السكانيه عندنا فيها خلل
بدون شي ، لكن نبي تحسين وتطوير في العقليات والنفسيات لان للاسف

في قطريين للحين عايشين في برج عاجي( عنصرية وقبلية ... عادات بالية.. عقليات متحجره)

تخرب على الزواج نفسه في تحقيق الغرض والغاية السامية من الزواج

كثرة التشرط والتفلسف يخرب النصيب حتى لو كان نصيب جيد مثل البنت لما تقول انا ما اخذ مطلق وعنده عيال والريال مثلا يقول ما اخذ بنت اكبر بسنه ولا سنتين ولا ابي شروط معينه في الشكل
يخي اخذوا الموجود ولا تتفلسفون شوفوا الصفات العامه وركزوا ع الصفات الجيدة من الشخصيه محد في الكون كامل

الله خلقكم مختلفين والخطوبه يمكن تفيد في التعارف شوي لكن في النهاية الزواج نصيب ومكتوب لك كل شي فيه


احنا للحين قاعدين في فقاعه اسمها العادات والتقاليد ماعندي مشكله في اتباعها لو كانت تفيد الغاية
والهدف من الزواج وتكثير الشعب الاصلي اللي شوي شوي بينقرض من النفاق والمظاهر البالية