هل صحيح مشاكل في الاندكروزر الجديد

[معماري قطري]

سبحان الله نفس نظرتي ان الموتر فاشل
احسن ما فيه توين تيربو وشوية التحسينات
ولا الشكل رايح في عينها غير الضيق من الداخل
تركب في الانفنتي كيواكس 80 في السيت الخلفي
اكد رجولك ما توصل لكرسي السايق حوالي
50سانتي وتركب في الحبيب ركبتك
ضاربه في السيت الامامي
سيارة ضيقه ما تسوى
غير الشكل الي يعتبر ما تغير
اما اتفاق الوكالات والمعارض فهو من مصلحة الطرفين
قبل المعارض ممشية سوق الرنج روفر واليوم شردو بعد ما طاح
والحين عندهم فرصة للتلاعب في لكروز لا رقيب ولاحسيب وكلتك ووكلت
الله عليك وعلى دلعونه على دلعونه الوكالة والمعارض
سرقونا

هههههه المقطع الأخير نار

[سالم الزهران]

من أول صورة تسربت ونا منتقد شكله وقلت انه ضايع من ناحية الشكل، لكن المكينة الصغيرة واستهلاك البنزين يعتبر ميزة في بلاد معينة. في بلاد ثانية يبغي قوة وعزم لان السيارة تستعمل خارج الطرق المعبدة. لكن في النهاية يحوز تصير مرحلة انتقالية ف التصميم واحتمال كبير تصبح السيارة الوسيعة من الماضي..

[معماري قطري]

أمس شفت في اكس ار وركبت فيه وشغلته قيمته 370 بنفس قيمة اللكزس 2013 يوم خذتها سعر خاص من الوكيل وللحين لإستعمال البيت ولا أحلى وأشوفها فيها مواصفات وايد أعلى من هذا .. لاحظت إنه مرتفع ركوبه مب مريح لي مثل اللكزس واللكزس بابها شوي أوسع

[نفسي عزيزه]

والله شاقول مابي اهايط الموتر خفيف زين بس ضيق من العبري والكراسي الي ورى السواق والعبري ضيقه

اعتقد ويمكن اكون مخطأ ان النيسان باترول بيقوم سوقه للعوائل لان الكروزر من ورى مايصلح ضيق

[Rider]

والله شاقول مابي اهايط الموتر خفيف زين بس ضيق من العبري والكراسي الي ورى السواق والعبري ضيقه

اعتقد ويمكن اكون مخطأ ان النيسان باترول بيقوم سوقه للعوائل لان الكروزر من ورى مايصلح ضيق

من باب الطرفه الظاهر اليابانيين مسوين الكروزر الجديد على احجامهم

[ابو عبدالله.]

انا ما اشوفه يناسب العوائل مثل النيسان

سووه مثل الالماني طبلون اصغر و و الهند بريك زر و يقبل بروحه من توقف الموتر في البارك و يضل يقفل ما يمشي اذا احد الابواب ما تسكر عدل

كار بلايا و اندرويد الخ

التطور واضح لكن السعه. عمرهم ما غلبوا النيسان و الامريكي

[بوعابد7]

والله الشكل عاجبني وايد انا اشوفه رزه اكثر من الموديلات الي قبل
بس يحتاج شوي اضافات وتعديلات السنين الجايه عالشبك والليتات

أهم شي اذا التويوتا جمعوا بين القوة والعزم وقلة خرابات التيربو أو عدمها فالكروزر الجديد أتوقع الاغلب بيسحب عالسيارات الالمانية

[ابو عبدالله.]

شي شي يا بو عابد. خفيف و قوي و المولتي ميديا و الكاميرات اربع تطور واضح

الشي الوحيد الي الشباب انتقدوه هو الكرسي الخلفي عمره ما صار مثل النيسان

هم يبون يوصلون لتصاميم الالماني من 2008 صممه واحد مشهور اوروبي كشكل خارجي و الحين اشوف عززوا المواصفات

الي مب حلو ان الوكاله ما جابت مثل وارد الخليج شاشه اكبر و كاميرات و كهرباء للباب الخلفي و دواسات فيبر و رينجات عشرين و شاحن واير لس

لازم تدفع قيمه اغلى جكسار عشان تحصل بعض هالمواصفات