تعجبني سارة تفكيرها شيابي
زين ألحين الرفع استوى من بعض مكاتب الدول مثل ما سمعت وربعنا عندهم أساليب كثيرة في رفع السعر واحنا ظهورنا مكشوفة .. كلام واحد صاحب مكتب يقول مشكلتنا هناك المكاتب استوت تضارب في الخادمات والسايقين اللي عندهم ويعطون اللي بيدفع أعلى وتجار الخليج شغالين وغيرهم سنغافورة يطلبون ودولهم هناك يطلبون للطبقة ميسورة الحال حتى اليابان وكوريا واستوت المنافسة شديدة
الصراحة اسعارالخدم هالايام فلكية و المصيبة انه الخادمات فعليا مب جديات في العمل في البيوت ..... على طول يبون ينهون العقد و يروحون و لو ذكرتهم انه في عقد معهم للعمل سنتين بيهربون و بيسافرون اما على حسابك الشخصي او سفارتهم موفرة لهم السفر ببلاش او بسعر رخيص مكافأة على هروبهم
نبي اسعار المكاتب ترجع مثل اول و تكون معقولة و مبررة..... على ايش يطلبون 15-23 الف ريال؟........اجيب الخادمات اليومية و تيجي يومين بالاسبوع اوفر و احسن مليون مرة
الأسعار من زمان تخطت العشرين الف في السعودية، لكن اذا توفقت مع خادمة طيبة وأمينة ما تطري الفلوس على البال، لكن اذا توهقت في شغالة شابكة سماعات وتسمع ميوزك والليل سهر على الفيسبوك.. واللامبالاة عندها سمة بارزة.. هذي اللي تعتبر بطيخة قرعاء وجت من حظك.. طبعاََ الجهات التنظيمية ما راح نتطرق لها.. عااافين منهم
المشكله انه من اكثر الناس اللي تحتاج خدم هم الموظفات اللي عندهم اطفال صغار ....بس فعليا لما الاطفال يكبرون و يصيرون على الاقل فوق عشر سنوات من الممكن الاستغناء عن الخادمة و الاكتفاء بالخادمات باليومية
الحين بالنسبة للمقيمين... كم عشرين الف برواتبهم؟
اللي يقهرني لما تشوف فيديوهات توعوية تبين انه الخادمة تبيع اللي وراها و اللي قدامها علشان تدفع للمكتب اللي يخليها تيجي على دول الخليج و انها مديونه له لفترة طويلة .....الخ
و بالاخير تيجي الخادمة و بعد كم شهر تقولك ابي ارجع لانه جدتي مريضه و بتموت و لازم اشوفها......تقولها طيب جدتك بتشوفينها و بتموت ايش بتسوين في ديونك؟؟!!!.....ما يهمها ..... تحس انها مب خادمة اللي تبي ترجع علشان تشوف جدتها تحسها شخص مقتدر و ما تهمه الفلوس و شوفة جدتها كنظرة اخيرة اهم من فلوس الدنيا.... هذه جد خادمة و الا شنو بالزبط
مرة حولت الخادمة عندي فلوس لامها بناء على طلبها لان امها تبي تسوي عيد ميلادها؟؟!!! وين الضمير و الاحساس عند هذه الام
لو منعتها بتهرب ...واللي براسه موال لابد انه يغنيه .....حسبي الله عليهم و نعم الوكيل.... في منتهى النجاسة و الحقارة و عدم الجدية و اللامسؤولية
التعديل الأخير تم بواسطة khaldoon ; 13-01-2022 الساعة 12:03 AM
قديما قبل سنوات
كانت خدامه وحده تشتغل في بيت يتكون من مليون شخص ++ تشبيه بليغ
الحين
كل شخص معاه خدامه
المستقبل
غامض غامض غامض ..