اخوي لازم تعرف شي مهم و عن تجربة شخصية ..... الوكاله عندها استعداد انها تصلح السيارة باعلى من قيمتها الاصليه و لكن لن تستبدلها بسيارة جديدة نهائيا .....ليش؟
لان اي فاتورة راح تدفعها في تصليح السيارة راح ترسلها الى الشركة الام صانعة السيارة..... الوكيل يبيع السيارة للناس و التصليح على حساب الشركة الام و الضمان الممد و ليس على حسابه .......انا صار معي هذا الشي تماما بعد معاناة في التصليح مع الوكالة في محاولات فاشلة مؤقته منهم لتصليحها و اعطوني خلالها 3 سيارة استخدمها خلال سبع شهور و ايجارها اليومي من الوكالة كان 98 ريال و ما دفعت شي و زيد عليهم كمان ثلاث شهور بعد الموافقه على استبدال الماكينة و انتظار وصولها ..... كنت اقولهم انتوا دفعتوا اكثر من قيمة السيارة... اعطوني سيارة جديدة ارخص لكم .... يعني السيارة البديلة لوحدها كلفت تقريبا 30000 الف على عشر شهور و الماكينة على كلامهم 35000.... صاروا 65000 و اول تصليحة كلفت 22000 دفعت منها 1200 ريال بس ....اجمعهم بيطلعون 85800....غير التصليحات الفاشلة خلال اول سبع شهور بينما سعر السيارة يوم شريتها وكالة كان بس 72000 ريال......
يقولون لي مش مهم .... احنا مب خسرانين شي.... ايش ما كلفت لن نعطيك سيارة اخرى لانه قسم البيع غير قسم الصيانه و كل واحد له فواتيره و حساباته
كلام خلدون فيه الكثير من الواقعية و يعكس معاناة، مع وجود اختلاف في بصمة كل شركة عن الثانية. ويكفينا كزبائن أن نستغرب لأن المفروض أنهم يتبعون ويطبقون نظام وزارة التجارة الموحد.
لهذا السبب دائماََ نوصي الناس تشتري أجار منتهي بالتمليك أذا وجد هذا النوع من التعاملات. لأنك تتخلص من السيارة أو تمتنع عن سداد اقساطها و تقوم الشركة بفسخ العقد و يصدرون لك فاتورة متأخرات وربما اتعاب بسيطة وتسددها، واذا ما طابت نفسك لا تسددها و لا يصير في الكرة الأرضية شيء.
انا نفسياََ ما أحب لا الدين ولا الأقساط.. لكن رأيت في المواقف التي تحدث مع الاصدقاء، انّ السيارة اللي بأسم الشركة اذا سوت حادث قوي تتكنسل و يروح الصديق يطلع غيرها ويمكن يجرب شركة ثانية.
والسيارة الأقساط اللي بأسم الشركة تنتهي معاملاتها في المرور بسرعة ويخلصها مندوب الشركة بالتلفون.
لكن لو السيارة دافع قيمتها كاش، فالله يعوض عليك فلوسك وعقب مراجعة المرور بتاخذ منك وقت وجهد اسأل عنه اللي جربوه.
فاذا بأمكانك تركب سيارة على حساب الشركة و تأمينها على الشركة طول فترة العقد و مشاكلها على الشركة.
فليش تنقل هذه الأعباء على نفسك عشان انك دفعت كاش؟ لذلك ارى والعلم عند الله أن شراء السيارة بطريقة التأجير هو أفيد وآمن وأريح للمشتري.
والله يا الغالي صرت اشوف ناس وايد مقيمين في قطر و بشكل غير مؤقت يعني جالسين لفترة طويلة يلجؤون الى استئجار السيارات و ليس شرائها ..... خصصوا 2000 ريال شهري استئجار سيارة و ريحوا راسهم من اشياء كثيره مثل شراء سيارة كاش او اقساط مع اسعار السيارات الفلكية هالايام ولو تفنش ما يعرف يسد و يخسر فيها لو باعها
ارتاحوا من التأمين و فاحص و الترخيص و الصيانة اللي هي مب بسيطه و مكلفه و ارتاحوا من الحوادث و تكاليفها و انتظار القطع و ارتاحوا من التصليحات المكلفه المفائجة اللي تقص الظهر في كثير من الاحيان و لا يبون يتملكون و لا يعورون راسهم بهالشي
السيارة تعطلت يتركها بأرضها و يطلب سيارة فورا بديله عنها و لا خسر شي
فكرت مرة في عرض استئجار السيارة و بعدين التملك بعد ثلاث سنوات من الوكاله لقيته مكلف اكثر من شراء السيارة نفسها بالطريقه العادية.... يومها لقيته بيزيد تقريبا 20-30 الف!!! لان الوكالة شايفه انه في ريسك (خطر) عليها انها تعطي السيارة لاول ثلاث سنوات للزبون و يدمرها و بعدها يقولها هونت خذوا سيارتكم ما ابيها ما اعجبتني!!!
التعديل الأخير تم بواسطة khaldoon ; 27-08-2021 الساعة 02:54 PM
كلامك صحيح بس الوكالة مثل ما سوت معاي قعدت تماطل و تماطل و تسوي حلول مؤقته غير مجدية علشان تسكتني و تضحك علي .... في ناس خلقها ضيق و على طول تبيع و ترمي مشكلة السيارة على غيرها و في ناس نفسها طويل او ما تقدر تسوي هالشي ....اخر العلاج الكي و هو التبديل و هو انهم يحاولون بشتى الطرق في التوفير على الشركة الام و مب يبدلون الماكينة بمجرد انه يطلع فيها اصوات.... لا تنسى انه الوكيل محاسب امام الشركة الام و في بينهم عقد و انه استنفذ كل الحلول المناسبه للتوفير على الشركة الام بأقل التكاليف علشان يقدر يحصل فلوسه منها
شوفت ناس في المنتدى يقولون انا بس تواصلت مع الشركة الام .... غسلوا الوكيل و حصلت اللي ابيه ...
يوم اتصلت على الشركة الام قالولي وكيلنا في الشرق الاوسط هو الامارات كلمهم و الوكيل في قطر كان تابع لوكيل الامارات...... حاولت مع الوكالة الام قالولي هذا اللي عندنا تبي شي ثاني .... حاولت اكمل سكروا الشات في وجهي !!!!!! مع استبيان ايش رأيك بجودة الشات و هل حصلت ما تريد هههههههه
وكيل الامارات يسوي نفسه انه يبي يصلح و يحل المشكله و هو ما سوى شي ولا مسيطر .... بس انه عمل ازعاج بسيط على الوكيل في قطر قولت للوكيل بالامارات لا تضل تتصل علي و تسوي نفسك تبي تساعد .....لو مب قادر على الوكيل في قطر انه يبدل الماكينة لا تتصل ....و بعدها ما شوفت وجهه .... ارتاح مني و رفع يده عن الموضوع تماما
بالاخير بدلت الماكينة لما وصلت لمدير عام الشركة في قطر فقط .... مدير الصيانة كان مماطل ما يبي يسوي شي بس يبي يضحك علي
شوفت ناس في المنتدى يقولون انا بس تواصلت مع الشركة الام .... غسلوا الوكيل و حصلت اللي ابيه ...
يوم اتصلت على الشركة الام قالولي وكيلنا في الشرق الاوسط هو الامارات كلمهم و الوكيل في قطر كان تابع لوكيل الامارات...... حاولت مع الوكالة الام قالولي هذا اللي عندنا تبي شي ثاني .... حاولت اكمل سكروا الشات في وجهي !!!!!! مع استبيان ايش رأيك بجودة الشات و هل حصلت ما تريد هههههههه
انا كتبت موضوع طويل عن تجربتي في هذا الموضوع ..... لو المشرفين يتكرمون علي و يحطون الرابط اكون شاكر لهم لاني ما اعرف وين احصله و فيه الكثير من التفاصيل
كنت وقتها متابع موضوعك
http://www.qatarshares.com/vb/showth...E1%CC%ED%CF%C9