صفحة 1 من 4 123 ... الأخيرةالأخيرة
النتائج 1 إلى 10 من 35

الموضوع: تنفيذ وتصميم فلل ذات طراز حديث

  1. #1
    عضو
    رقم العضوية
    14437
    تاريخ التسجيل
    May 2007
    المشاركات
    165

    تنفيذ وتصميم فلل ذات طراز حديث

    السلام عليكم يااخوان

    صارلي فتره ادور شركه تنفذ فلل بتصميم مودرن وللاسف معظم الشركات تنفذ التصميم الكلاسيكي التقليدي وحاليا في توجه قوي على التصاميم المودرن واعتقد عدم وجود شح في المواد الاساسيه للتصاميم الحديثه في السوق القطري، افيدونا يااخوان اذا حد عنده خبره في هذا المجال

    ودمتم بود

  2. #2
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    قدم على مناقصات عندهم شركات تسوي فلل مودرن ..
    وبعدين المودرن اسهل من الكلاسيكي في التنفيذ ..
    غريبه انك ماتحصل شركة تنفذ لك !!

    انت سولك الخرايط في مكتب وشوفلك شركة تنفذ لك ..
    اشوف في شركات في الكويت والرياض يسون فلل مودرن تهبل ماشاءالله ..
    بس احنا للحين بعضنا عايش في زمان ليالي الحلميه
    تُنسى ، كأنَّكَ لم تَكُنْ ..

  3. #3
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    وشي مميزات التصميم الحديث؟ أو خل نقول المريح والجيد

    الحديث دوم السهل واللي بخطوط مستقيمة وبمواد صناعية .. تقول لي حديث وتركب حجر فيه تصاميم حجرية حديثة تعتمد مبدأ الحديث بدون كرانيش وأعمدة بارزة ما لها خص في النظام الإنشائي

    مثل ما قالت إختي سارة وايد عندنا يسوون الحديث وأسهل شيء بس الحديث تشوفه وأي مالك يشوفه على الورق يقول وشو ذيه

    انا حاب الحديث اللي بعناصر تجميلية ماخوذة من التراثي ومحدثة وبمواد حديثة ومقاسات محددة .. فوق هذا حاب البناء العملي والمواد المريحة مثل السجاد المريح في غرف النوم ومثل العزل القوي اللي يعطيك هدوء تام ودفء في الشتاء وجو سهل يبرد في الصيف وبرودة متوازية

    حاب ما يسمى Flow of Space وعلاقة كل فراغ بالثاني وهذي تدخل فيها العناصر التكميلية مهما كانت صغيرة وتافهة .. مثال كنت مقتنع قبل حتى لو المساحات مفتوحة تقدر تقسمها بأقواس وقطع أثاث وحتى تخلي أرضيتها غير أو تدخل من لون للون متجانس معاه .. ألحين مركز على اتجاه ثاني وهو تجانس الارضيات والجدران المفتوحة على بعض صالات ومجالس وداخلية وشبه داخلية أو حتى خارجية قريبة

    الكثيرين عندنا يشتكون إن التصاميم متشابهة وهذا صحيح لحد ما لكن في يدنا نغير ونطلب التغيير بالتبسيط وليس بالتصعيب

  4. #4
    عضو نشط جداً الصورة الرمزية Thamer_Qat
    رقم العضوية
    10457
    تاريخ التسجيل
    Jul 2006
    المشاركات
    1,307
    اخوي العزيز
    باعطيك اياها من اللآخر
    كل ن يبي يميز نفسه في بيت العمر وسوالف مطالع غيره من عيال عم وجماعه وربع وجيران بحيث ماحد يغلبه في فخامة ومواصفات وتصميم ومساحة ارض ومجالس تضاهي احجام فلل.
    يازين البساطه والمساحات المعقوله.
    ارتفاع سقف مجلس مبالغ فيه بشكل ينافس القصور الأغريقيه وكل ن بعقله راضي !! هذا ماكان موجود حتى عند علية القوم من شيوخ و وجهاء البلد اللي كانت مجالسهم تتسم بالبساطه مع قدرتهم بذاك الزمان ان يفعلوا مايفعله العامه بهذا الوقت.
    الشاهد بهالمقدمه, عمر المساحات الكبيره للغرف والصالات والمجالس ماكانت مريحه وخاصه مع تقدم العمر وهجر معظم العيال واستقلالهم في منازل يعيشون فيها مع اسرهم وبالتالي كل اللي بنيته وسويته سوف ينتج عن غرف مغلقه مغبره ومهجوره في غضون سنين بسيطه ويغدي بيت العمر اللي خسرنا وتعبنا عليه منزل اشباح فيه عشنا فيه بعض الذكريات الجميله
    منزل بسيط جميل فيه مواصفات وانظمه حديثه ومن غير مبالغه وكل شي حولك صالة مطبخ مكتب مجلس وسهل التنقل مابينهم ومعظم الناس ينسون انهم يكبرون كل يوم وبيوتهم بتفضى والأمثله كثيره
    علمتني الحياة ان لا اتعاطف او انحاز لأي احد حتى اسمع للطرف الآخر

  5. #5
    عضو نشط جداً الصورة الرمزية Thamer_Qat
    رقم العضوية
    10457
    تاريخ التسجيل
    Jul 2006
    المشاركات
    1,307
    و انصحك تطلع من سالفة كوبي وبيست معظم المكاتب الأستشاريه عندنا وتبحث عن شركة اوروبيه او اميركيه تصمم لك فلتك العصريه بحيث تكون متكاملة من تصميم داخلي وخارجي وتنفيذ حتى التكييف وجميع الأنظمه واعتقد بتطلع بنتيجه طيبه من حيث التكلفه والراحه والفخامه والذوق
    وبالتوفيق
    علمتني الحياة ان لا اتعاطف او انحاز لأي احد حتى اسمع للطرف الآخر

  6. #6
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة Thamer_Qat مشاهدة المشاركة
    و انصحك تطلع من سالفة كوبي وبيست معظم المكاتب الأستشاريه عندنا وتبحث عن شركة اوروبيه او اميركيه تصمم لك فلتك العصريه بحيث تكون متكاملة من تصميم داخلي وخارجي وتنفيذ حتى التكييف وجميع الأنظمه واعتقد بتطلع بنتيجه طيبه من حيث التكلفه والراحه والفخامه والذوق
    وبالتوفيق
    أحد عيال عمي الكبار معماري قديم ويملك مكتب استشاري ومعاه شريك مكتب معروف أمريكي اسمه أرابيسك متخصص في التصميم المعماري بنفحة تراثية .. هو شغله أكثر خاص وابتعد عن التصميم للأشخاص بس شفت شغله على الطبيعة في بيته ومجلسة ما شاء الله جمال هاديء وتميز

    الثاني اللي شفت له تصميم حديث كان معروض في مجلة .. هو المعماري ابراهيم الجيدة مسوي مجموعة بيوت لأهله في سور واحد وحط صور للبيت وللتصميم العام للمكان كله .. أعتقد عرضتها في أحد المواضيع من كم سنة تعديت التسع سنين في هذا المنتدى وكتبت كثير وأنسى كثير

    المكتب الأول عَمار والمكتب الثاني العربي للشؤون الهندسية

  7. #7
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة Thamer_Qat مشاهدة المشاركة
    اخوي العزيز
    باعطيك اياها من اللآخر
    كل ن يبي يميز نفسه في بيت العمر وسوالف مطالع غيره من عيال عم وجماعه وربع وجيران بحيث ماحد يغلبه في فخامة ومواصفات وتصميم ومساحة ارض ومجالس تضاهي احجام فلل.
    يازين البساطه والمساحات المعقوله.
    ارتفاع سقف مجلس مبالغ فيه بشكل ينافس القصور الأغريقيه وكل ن بعقله راضي !! هذا ماكان موجود حتى عند علية القوم من شيوخ و وجهاء البلد اللي كانت مجالسهم تتسم بالبساطه مع قدرتهم بذاك الزمان ان يفعلوا مايفعله العامه بهذا الوقت.
    الشاهد بهالمقدمه, عمر المساحات الكبيره للغرف والصالات والمجالس ماكانت مريحه وخاصه مع تقدم العمر وهجر معظم العيال واستقلالهم في منازل يعيشون فيها مع اسرهم وبالتالي كل اللي بنيته وسويته سوف ينتج عن غرف مغلقه مغبره ومهجوره في غضون سنين بسيطه ويغدي بيت العمر اللي خسرنا وتعبنا عليه منزل اشباح فيه عشنا فيه بعض الذكريات الجميله
    منزل بسيط جميل فيه مواصفات وانظمه حديثه ومن غير مبالغه وكل شي حولك صالة مطبخ مكتب مجلس وسهل التنقل مابينهم ومعظم الناس ينسون انهم يكبرون كل يوم وبيوتهم بتفضى والأمثله كثيره
    شرايك في بيت إخونا ولد الدهيمي .. غانم الدهيمي ما يزعل لو ذكرت اسمه والله يوفقه ويرزقه من حيث لا يحتسب ويرزق الجميع .. شفته على السريع وانا مار وهو ذكر لي تفاصيل وارسل لي صور وفيديوهات وهو فنان في الذوق المعتمد على الخبرة بصفته مقاول وشغال لنفسه ولغيره

  8. #8
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    أحد الإخوان باني بيت بعد بطراز مغاير للموجود .. التصميم دارج بس المواد غير وكثر من الزجاج .. سوى سكايلايت هرمي يتوسط حديقة داخلية بس شكله ألغاها ما ادري ليش ولا وافقته على الالغاء وكان بيلغي المنور لأنه كبير .. سوى المصعد بانوراما في كل الإتجاهات مع إن الدرج حوله بس دريشة الدرج كبيرة تطل على الخارج .. بدال التكسية بالحجر اتجه للفوم بتداخل لونين بني وبيج فاتح وطلع وايد حلو وبقواطع مستقيمة مع شوية تشكيلات بسيطة حول الدرايش

    أشوف بيته ناجح بإذن الله

    بالنسبة للإرتفاع تأثيره في ميزانية البيت بسيط جداً والمقاول اللي يلف ويدور بسبب الإرتفاع يبغي ينهب وبس ولو يسويه المالك من البداية وبمناقصة بيحصل سعر جيد حتى أفضل من لو سواه قليل الإرتفاع

  9. #9
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    اقتباس المشاركة الأصلية كتبت بواسطة Thamer_Qat مشاهدة المشاركة
    الشاهد بهالمقدمه, عمر المساحات الكبيره للغرف والصالات والمجالس ماكانت مريحه وخاصه مع تقدم العمر وهجر معظم العيال واستقلالهم في منازل يعيشون فيها مع اسرهم وبالتالي كل اللي بنيته وسويته سوف ينتج عن غرف مغلقه مغبره ومهجوره في غضون سنين بسيطه ويغدي بيت العمر اللي خسرنا وتعبنا عليه منزل اشباح فيه عشنا فيه بعض الذكريات الجميله
    منزل بسيط جميل فيه مواصفات وانظمه حديثه ومن غير مبالغه وكل شي حولك صالة مطبخ مكتب مجلس وسهل التنقل مابينهم ومعظم الناس ينسون انهم يكبرون كل يوم وبيوتهم بتفضى والأمثله كثيره
    صدقت اخوي ثامر وانت توصف البيوت جا كذا بيت في بالي مافيه الا العجوز وشويه اشباح ..
    البيوت الكبيرة اذا انت ماعندك عدد يسكنه لاتوسع فيه .. ابني على قدك وخلك مساحة كبيرة بالحوش مستقبلا ممكن تستغله ..
    تُنسى ، كأنَّكَ لم تَكُنْ ..

  10. #10
    عضو مميز الصورة الرمزية بوNasser
    رقم العضوية
    33299
    تاريخ التسجيل
    Jul 2010
    المشاركات
    1,954
    اقتباس المشاركة الأصلية كتبت بواسطة معماري قطري مشاهدة المشاركة
    .............

    بالنسبة للإرتفاع تأثيره في ميزانية البيت بسيط جداً والمقاول اللي يلف ويدور بسبب الإرتفاع يبغي ينهب وبس ولو يسويه المالك من البداية وبمناقصة بيحصل سعر جيد حتى أفضل من لو سواه قليل الإرتفاع

    السلام عليكم ورحمة الله

    ذكرتني اول ما بنيت البيت وفي مرحلة الخرايط اقترح على المهندس للتوفير في مساحة البنيان ان تكون الصالة في الطابق الارضي تقريبا مربعة 8×7 ونصغر الصالة العلوية بشكل مضلع ومن برع نغطي الزاوية المثلثة بالقرميد. ورسم لي صورة ثري دي الوان وخرابيط وكان الشكل حلو.

    اللون الأسود يمثل الصالة الأرضية، والأحمر صالة الدور الأول



    الحين كل ما اشوف المساحة اللي خسرتها في الصالة اللي فوق اتحسف اني سمعت نصيحته. التوفير ما كان يستاهل خسران المساحة هذي، لا توزيع الاثاث الجاهز يمشي (ولا وضع الكراسي على شكل L أو U يضبط).

    تحياتي للجميع.

صفحة 1 من 4 123 ... الأخيرةالأخيرة

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •