مساء الخير
يوم الجمعة نتواصل مع الأقارب والأهل، ولكن احياناََ يصير لنا مواقف اتمنى لو لم أتصل بأحد.
أحد الأقارب اتصلت فيه وقال لي عيالي ما يساعدوني أصغر واحد فيهم مدخوله زين ولا الثاني عنده خير والولد العود مدري شعنده.
عاد أنا بصراحة قلت له انت راعي زواجات وما اشره علي عيالك ما يساعدونك لانك يا رجل بالغت.
الاخو زعل و الله يهديه وبس، يتذرع بالبنيان وبأمور وانا اعرف سوالفه.. بعدين اللي يغث هو الانسان اللي يحاول يعرف كم مدخول فلان و كم عند فلان حتي لو هو ولدك أو أخوك.
للأسف أنا بعد كان ودي أني لفيت السالفه وانهيت المكالمة، لكن بصراحة علاقة الوالد بالولد مرات ما تخلو من الملاحظات وخصوصاََ ان بعض الآباء فيه حرص يخليه ينقلب محقق فيدرالي.
مدري كيف اختم هالمشاركة لكن نقول الله لا يجعل الدنيا أكبر همنا.