## شوفوا لنا حل ##

[بوNasser]

الموضوع سهل جداً مع الكاميرات بس يبغي لهم طاقم تشغيل فاهم ولو لاحظ شيء يحوله لضابط مرور أفهم منه .. ضابط المرور يبدأ بالإنذار والتنبيه حسب المخالفة ويزيد بعدين لو تكرر الوضع .. بالنسبة للشياب بعضهم خلاص لياقتهم تكون ما تسمح لهم بالسواقة وينكشفون بهذي الرقابة

كل شوي نسمع عن قوانين حبر على ورق بدون تطبيق حتى الإنذار وهو توجيه طيب مفقود في قاموس مرورنا .. صراحة المرور دون المستوى المتوقع منه من 2006 وكنت اشارك في إجتماعات وحتى قبل 2004 بأن الكاميرات بتكشف أي تجاوز مروري وألحين بندخل على 2022 ولا فيه تطبيق مع إن الكاميرات موجودة .. صحيح مفقودة في الفرجان وأشوف لها أهمية وضرورة مب لازم تكون مسلطة على داخل البيوت نوعيات على عمود نازل تراقب الشوارع ومداخل البيوت

دول كثيرة طبقتها وحتى منها خليجية كاميرات التعرف على الوجه والهوية

السلام عليكم ورحمة الله

للأسف المرور والدوريات متأخرين بأميال عن التطور الحاصل في باقي وحدات الداخلية، الشي اللي شاطرين فيه فعلا المخالفات.

صار لنا حادث بسيط عند دوار وإشارات مدماك معا تريلا، وراعي التريلا غلطان، بس اسيوي لا يعرف لا عربي ولا انجليزي، اتصلنا بالمرور قالوا حركوا السيارات وانتظروا الدورية، والله ان اكثر من ساعة ونص واحنا ننتظر، واخرتها مر علينا اسيوي من نفس جنسيته وفهمه الموضوع واعترف انه غلطان وعقبها رحنا المرور نستكمل باقي الاجراءات.

الزبده من القصة الطويلة معقولة ساعة ونص بدون دورية، وعند مدماك، (لا ويهاوشون يوم كررنا الاتصال بهم) رغم انه مرور المعمورة قريب واظن مرور السد (اذا مازال موجود) بعد قريب.

تحياتي للجميع.

[sara jsm]

يهاوشون

[معماري قطري]

السلام عليكم ورحمة الله

للأسف المرور والدوريات متأخرين بأميال عن التطور الحاصل في باقي وحدات الداخلية، الشي اللي شاطرين فيه فعلا المخالفات.

صار لنا حادث بسيط عند دوار وإشارات مدماك معا تريلا، وراعي التريلا غلطان، بس اسيوي لا يعرف لا عربي ولا انجليزي، اتصلنا بالمرور قالوا حركوا السيارات وانتظروا الدورية، والله ان اكثر من ساعة ونص واحنا ننتظر، واخرتها مر علينا اسيوي من نفس جنسيته وفهمه الموضوع واعترف انه غلطان وعقبها رحنا المرور نستكمل باقي الاجراءات.

الزبده من القصة الطويلة معقولة ساعة ونص بدون دورية، وعند مدماك، (لا ويهاوشون يوم كررنا الاتصال بهم) رغم انه مرور المعمورة قريب واظن مرور السد (اذا مازال موجود) بعد قريب.

تحياتي للجميع.

عليكم السلام ورحمة الله وبركاته

معوضين خير .. المشكلة مشربكة قانونية ومرورية وإجراءات محاكم .. وضعكم زين إن السائق قانوني وأكيد مرخص ومأمن .. غيره شكثر مهدودين في قطر بعضهم لا ليسن ولا ترخيص للسيارة وشكله مشحوت يدعم ويروح وحتى لو سجلت رقم سيارته ما بتحصل شيء .. لدرجة واحد حاول يوم وصل المحكمة قالوا له جيب لنا عنوان اللي صادمك شقق الأوراق ورماها من القهر

متأكد إن المرور لو يتصل بهم واحد أو وحدة جنسية أمريكية أو أوروبية أو حتى هندي يرطن عليهم يجونه بأسرع وقت

[qtri2013]

الحل يحطون كل شارع سرعه ادنى يعني الي يمشي اقل من هالسرعه يصيده الرادار

[بوعابد7]

بسيطة افتح له الخط يمكن فعلا مستعجل
انا عندي يخالفون البطيئين اهم لان يضيعون الوقت

أنا فكل الاحوال بفتح له الخط بس وشعقبه ؟ عقب مابطوا عيوني وخالفوا القوانين

حي هذولا … المفروض الخط الايسر يخلى لهم فاضي ويادار ما دخلك شر … البلا في الشعب الحلزوني اذا اصطفوا جنب بعض بسرعة 60 بشارع اربع خطوط

ما أتفق للأسف... الفئتين يستاهلون يتخالفون والأولى الي جايك طاير

انزين يالربع سؤال هل الي يمشي بطيىء فرضا لو 60 في شارع 80 هل هناك مخالفة له ولا ؟ ولا يعتبر مخالفته تعطيل سير

[سالم الزهران]

احياناََ تكون المسارات فاضية فيمديني اتجاوزه لكن لو الخط زحمه والناس تروح منيه ومناك عشان واحد او اثنين يمشون ستين او ثمانين في شارع سرعته مية وفوق! هنا المشكلة

[Dana’1]

مالها حل.
هي من الناس و الا بعض الطرق اللي مسكرين فها بعض الممسارات ..!

مالك إلا الصبر و الإحتساب.

[khaldoon]

خلدون هاي اللي يقرا قران ومسوي زحمة يبي له تضرب له هرانه لين يطلع من خشوعه
احنا تعلمنا ان السواقه ( فن وذوق واخلاق ) وان الشارع مب شارع ابونا ..
فئة الشباب دايما ماتقدر تجادله لانه ياخذ الموضوع تحدي لك ..
وياتكسر راسه او يكسرك وطبعا انت اخر همك ولاتدري بما يدور في باله ..
لكن فئة كبار السن مستحيل تلقاه يمسك الخطوط السريعه ..
اهم شي يمشي اربعين وماسك الخط الثاني ..

اما الاسيويين فهذا على حسب شماكل عقب السبجي يقفل ..
عقب اي وجبه يصير خارج التغطيه …

هذا اللي يقرأ قران و هو يسوق من كم سنة للحين حاقد عليه ما انساه هههههه
بمناسبة كلمتك الشارع مب شارع ابونا .... احنا لما نلاقي احد يتعامل مع الشارع على انه ملكه و الا تلاقيه ماشي شوي شوي و بالنص و كأنه ما في احد معاه نقوله بصوت عالي: مبروك الشارع .... يعني انه اشترى او حصل على الشارع و بيسوي فيه اللي يبيه لا حسيب و لا رقيب هههههه

الهنود في جميع الاحوال و لا علاقه للموضوع بالاكل ههههه .......ايش ما سويتي معهم ولا شايفين ولا يردون ولا يستقبلون و لا تفكري تغيري تفكيرهم.... يكسرون عليكي بشكل قاتل و بس تمري جنبهم تلاقهيم يطلعون على طول لا يمين و لا يسار ولا كأنهم شايفينك

[تاجر كشخة]

الله يهديهم

[khaldoon]

يوم تكون ماشي ورا واحد ماشي شوي شوي و تجاوزت عنه و لقيته يتعبث بجواله و لا كأنه في بشر معاه بالطريق و خصوصا انه تارك مسافة 500 متر قدامه علشان لو السيارة اللي امامه ضربت بيرك يكون معه مجال انه يتفاداها بسهوله خصوصا مع سرعته البطيئة جدا

افضل الحلول في هذه الحاله انه بس تتجاوزه و هو بهذه الحاله اطلع قدامه و اخبط بريك شوي خشن مع بنزين على طول و بشكل استغبائي بس خلي مسافه علشان ما يخبط فيك و كأنك يعني ما تقصد و لو زمرلك بعصبية و جنون اشر بيدك انك تعتذر و ما تقصد و كمل

هذه الحركة لها فوائد كثير جدا لا تعد ولا تحصى, منها على سبيل المثال لا الحصر:

1) انك فهمت هذه الاشكال العفنه انه الشارع مب له وحده و انه في ناس وراه و حوله في الطريق فلازم يحسب لهم حساب و يحترمهم
2) راح تسوي ذكريات جميله جدا جدا في حياة هذا الشخص و يتذكرك كل ما مر من هذا الشارع و يدعيلك و انت تاخذ حسنات من حيث لا تحتسب .....والله كل ما امر من الشارع اللي بين اشارات السد اللي عند الاصمغ مول و اشارات دوار الرياضة اتذكر واحد سويت فيه هذه الحركه من كم سنة و اضحك على السالفه فما بالك هو,,,,ما راح ينساها ههههههه
3) من المؤكد انه ما راح يخلف بعدها وبهالشكل انت اسهمت و لو بشكل بسيط و فعال في خدمة البشرية بقطع نسله و تريح البشرية من هذه الاشكال و لو كل واحد عمل مثلك معاهم فأكيد انهم راح ينقرضون مستقبلا

والله يقدرنا على فعل الخير