افضل الشركات لتركيب البورسلان

[بيض الخعفق]

السلام عليكم ورحمة الله
ابحث عن فنيين لديهم الخبرة والمهارة في تركيب البورسلان للفيلا

اكون ممتن لمن يدلني على أفضل الشركات

[سعود.]

حط موضوعك في قسم ( البناء والديكور )
بتجيك ردود باذن الله

موفق

[ابو عبدالله.]

تبي نصيحه. لا تستخسر في التركيب

اغلب الي لقيتهم سابقا كانوا اسيويين و واحد الله نجاني منه. ركب لاحد اقاربي و كسروا الرخام بالحمام اعزكم الله مرتين
مره بسبب الاسمنت قليل و الرخام يفك و ثاني مره ركبوا بدون ما يشيكون ع العوازل و تسرب الماي للجدران

الاسيوي يبي يوفر كل ريال و يقلل الاسمنت و يزيد الرمل ولا تعرف ايش يسوي لو يخسرك الاف لكن عشان يوفر مئه ريال. تحترق فلوسك كلها ما يفتكر

بتحصل ناس امينه لكن انا ما اضمن نفسي معاهم

في واحد مغربي سلمته كل بلاط البيت خلص و عطيته بلاط الحوش و حول المسبح بعد بلاط نوع ثاني خشن

سوى لي صبيه قبل تركيب البلاط عشان ما تنزل الارضيه و نفس الشي داخل البيت عشان ما تسمع تجويف صوت لما تمشي داخل البيت او تتحرك البلاطه مع الزمن

الفرق سبعه ريال للمتر عن البقيه

البغالي بيعطيك 45 ريال و هذا 52 ريال للمتر

حسبت الفرق لكامل البيت طلع لي ست الاف بس. قلت خلني بالمضمون احسن و يضمن لي ولا بلاطه تتحرك

حتى الحمامات اعزكم الله نفس الطريقه صبيه سته ملي عقب نظام اللزقه

اذا تبي رقمه برسله لك

[بيض الخعفق]

مشكور يابوعبدالله على النصيحة .. فعلاً التركيب هو الاهم بغض النظر عن نوعية البورسلان ولها السبب استفسر .. ولاعليك امر ممكن رقم المغربي .. وجزاك الله خير

[بيض الخعفق]

حط موضوعك في قسم ( البناء والديكور )
بتجيك ردود باذن الله

موفق

للأسف القسم مغلق لكتابة المواضيع عندي

[ابو عبدالله.]

66600331

بعد اذن الاداره

[معماري قطري]

لكل نوع طريقة مناسبة البورسلان ابتعد عن الإسمنت والإسمنت الأبيض كل البعد في اللصق أو في القراوت .. التأسيس على سكريد اسمنتي ورمل خلطة اسمنية يعني ويستحسن بدون رمل تحت بينه وبين الصبية الإنشائية لأن الرمل يجمع النمل

البورسلان فيه منه الحجم الكبير يحتاج معدات خاصة للحمل وللقص وبعض المحلات تأجر هذي المعدات مثل العمودي يعطونك مجان بس تحط تأمين وترد العدة في حالتها ولازم تشتري منهم .. ونصيحة ركب الأحجام الكبيرة شكلها وايد حلو في التركيب

تبي تفك راسك من الإزعاج إطلب استشاري مشرف واتفق معاه على العينات وطريقة التركيب والتفاصيل خله يسوي هو العقد .. فيه مثلاً زوايا بارزة هذي أما تجي مشطوفة أو تجي متلاصقة بزاوية 45 ما تبين الحفة أو تركب لها ستانلس ستيل

[معماري قطري]

تبي نصيحه. لا تستخسر في التركيب

اغلب الي لقيتهم سابقا كانوا اسيويين و واحد الله نجاني منه. ركب لاحد اقاربي و كسروا الرخام بالحمام اعزكم الله مرتين
مره بسبب الاسمنت قليل و الرخام يفك و ثاني مره ركبوا بدون ما يشيكون ع العوازل و تسرب الماي للجدران

الاسيوي يبي يوفر كل ريال و يقلل الاسمنت و يزيد الرمل ولا تعرف ايش يسوي لو يخسرك الاف لكن عشان يوفر مئه ريال. تحترق فلوسك كلها ما يفتكر

بتحصل ناس امينه لكن انا ما اضمن نفسي معاهم

في واحد مغربي سلمته كل بلاط البيت خلص و عطيته بلاط الحوش و حول المسبح بعد بلاط نوع ثاني خشن

سوى لي صبيه قبل تركيب البلاط عشان ما تنزل الارضيه و نفس الشي داخل البيت عشان ما تسمع تجويف صوت لما تمشي داخل البيت او تتحرك البلاطه مع الزمن

الفرق سبعه ريال للمتر عن البقيه

البغالي بيعطيك 45 ريال و هذا 52 ريال للمتر

حسبت الفرق لكامل البيت طلع لي ست الاف بس. قلت خلني بالمضمون احسن و يضمن لي ولا بلاطه تتحرك

حتى الحمامات اعزكم الله نفس الطريقه صبيه سته ملي عقب نظام اللزقه

اذا تبي رقمه برسله لك

بو عبدالله صبية 6 ملم هذي ولا شيء تنكسر بسهولة .. يمكن 6 سم وتحتاج بعد شبك تقوية بلاستيكي أو فيبر

في النهاية إذا تعاملت مع شركة وفورمان وإشراف هندسي صعب يتجاوز العامل أما أشخاص من السوق عادي توقع شغل رديء

[ابو عبدالله.]

يا هلا

ما اذكر لما قال لي سته

يا مم يا سم ما اذكر. يمكن سم وانا ناسي

الشبك الحديد هذا للحوش يركب مش داخل البيت اخوي معماري. عشان البلاط ما ينزل او ينكسر من دوس المواتر

عن سالفه الاسمنت الاسود هذا تحت و بعدها الاسمنت الابيض. للبورسلان. اما الرخام للسلم ينحط الاسود كاساس و شوي ابيض قبل الرخام. لان الاسود ما يمسك الرخام عدل و ممكن يفك

[معماري قطري]

يا هلا

ما اذكر لما قال لي سته

يا مم يا سم ما اذكر. يمكن سم وانا ناسي

الشبك الحديد هذا للحوش يركب مش داخل البيت اخوي معماري. عشان البلاط ما ينزل او ينكسر من دوس المواتر

عن سالفه الاسمنت الاسود هذا تحت و بعدها الاسمنت الابيض. للبورسلان. اما الرخام للسلم ينحط الاسود كاساس و شوي ابيض قبل الرخام. لان الاسود ما يمسك الرخام عدل و ممكن يفك

فلوس تندفع في الفاضي وفي النهاية يصدي الحديد ويكسر الخرسانة وعمره الإفتراضي قليل .. أنا أذكر لك الحل الأمثل من واقع تجربة ودراسة وخبرة لك وللجميع والسيارة لين داست ما تدوس على رمل .. بيتي له 17 سنة حتى سيارات ثقيلة دخلت ولا صار شيء وكله خرسانة بخلطة فيبر تنباع سايل مثل الماي تنصب في الخلاط وتصير خيوط ما تبين بس تعطي تماسك للخرسانة .. حطيت في موضوع مراجعة التصاميم المعمارية صور وفيديو للحفر والتكسير وإعادة الردم وكان صعب وكأن الخرسانة جديدة