السلام عليكم و رحمة الله و بركاته
كم سؤال لو تكرمتوا لاصحاب السيارات الصينية......
ايش رأيكم فيها؟
تنصحون بها؟ و الا ندمتوا على هذه التجربة؟...... و اي نوع بالزبط شريتوا؟
هل هي كثيرة الاعطال و المشاكل المفاجئة؟
كيف وضع و تعامل الوكالة في حالات الصيانهو التصليح؟....... مريحه و الا متعبه؟
هل قطع الغيار متوفرة؟
لما تدخل الوكالة للتصليح بتطول السيارة عندهم و ما في قطع و الا الامور طيبة و سهلة؟
ما هي عيوبها و ما هي محاسنها بالنسبة لكم؟
هل هناك اي مفاجات غير سارة؟
و جزاكم الله كل خير سلفا
وعليكم السلام ..
شكله محد عنده صيني ..
انا عندي بس ذي
نزل موضوعك بالعام ابرك ..
تُنسى ، كأنَّكَ لم تَكُنْ ..
والله كلامك صحيح...... محد بيشوف الموضوع للاسف.....كل الشكر و الاحترام و التقدير على المرور و التعليق الجميلالمشاركة الأصلية كتبت بواسطة sara jsm
وعليكم السلام ..
شكله محد عنده صيني ..
انا عندي بس ذي
نزل موضوعك بالعام ابرك ..
السلام عليكم
انا أخذت سيارة للبيت ( MG ) نوع rx8 سياره عائلية .
سبب الشراء سعرها المناسب أقل من 100 الف .
4 سلندر يعني صرفية البترول ممتازة ، مكيف ممتاز
ضمان 5 سنوات + 50 الف فل سيرفس يعني عليك البترول فقط.
كل هالعوامل شجعتني أخذه للعيال .
حالياً الموتر قاطع 10 الف (استخدام الدريول ) ولم نشتكي من اي شي والحمدلله.
أتمنى اني افدتك بالمشاركه.
Mg كنها ( بريطانية )
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
اشترتها شركة صينية واعادة صنعها في الصين بعد توقفها في بريطانية
شكرآ لتوضيح
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
ما جربتهم لكن كرأي شخصي
ما انصح بها
قيمتها السوقيه تسقط كثير مثل الاوروبي ولا اعرف احد يفكر يشتريها كجديدة فما بالك بمستعمله
البديل الكوري افضل حالا
انعدام بدائل قطع الغيار خارج الوكاله نفس الاوروبي و الكوري
المجتمع الى الان مش متقبل الصيني ولا احد يعرف اعتماديتها على كم سنه كتجربة او عيوب
الصيني يا خلدون داخل بقوة رخص السعر. (هذي ميزة).
مودلاته في المظهر نسخ ولصق من الاوروبي (وهذي ميزة)
استخدامه اشوف ناس كادينه كد وعايش.
لكن قطع الغيار (نار وغير متوفرة) يعني تخيل السفايف طلب من الصين ممكن تاخذ شهر ونت تنتظر!
اللهــــــم ارحم أخي فايز واسكنه فسيح جناتك وسائر أموات المسلمين
كنت باخذ حق احد من العيال MG rx5..قلت خل اسال حد مجرب لانها مغامره ولكن السعر مغري ..76000 ريال مع تامين شامل وتسجيل مجاني وكذلك تركيب عازل كله مع السعر .هذا فعلا سعر صعب تحصله في اي وكاله مهما كان ..6 سنوات ضمان ..وسيرفس الى 20 الف كيلومتر ….رحت جربت السياره وبكل صراحه السياره ممتاز والثبات ممتاز ..لكن عزل الهواء من بعد 120 كيلومتر بالساعه فيه اصوات هواء من الابواب ..البريك جدا ممتاز من سرعه 100 كيلومتر وفل بريك السياره استجابتها جدا معقوله..السياره الفتحه بانوراما ..المكيف فوق الممتاز ..تبديل القير سلس جدا ..السياره 4 سلندر 225 حصان .2.5 ليتر مكينه توربو ..
الزبده والاهم من هذا كله حصلت اجنبي بالشارع وقفته وقلت له ايش راييك بالسياره وكم لها عندك الان.
المفاجاءه السياره لها عنده فوق سنتين ونص وماشيه الان قريب ال 50 الف كيلومتر ولا اشتكى من اي شي فقط ايل فلتر وتبديل بريك امامي فقط على 36000 كيلومتر ..وطبعا شاري السياره جديده من الوكاله .
صراحه كسعر للسياره سعر منافس ولا تحلم تحصل سعر بهذي المواصفات وبهذا الضمان .
لكن يبقى السؤال ماهو وضع السياره بعد 100 الف او 150 الف كيلو ..هل بتكون فيها مشاكل وهل قطع غيارها غالي ؟ هل متوفر ؟
شكرا
التعديل الأخير تم بواسطة style ; 22-10-2021 الساعة 10:24 AM
ضوابط المشاركة
رد مع اقتباس
