اغلب اللي يسوون الحوادث هذي في الشوارع أجانب ما راح يتعلمون يسوقون لو مصدر ليسنه من مية سنة.المشاركة الأصلية كتبت بواسطة معماري قطري
من أول شبابنا ما كانوا يسوون حوادث مثل هذي، لكن الحين صارت الحوادث غبية بسبب الانشغال بالجوال.
شوف اصحاب النياسين كلهم اماراتيين لكن ماسكين جوالاتهم.
اللهــــــم ارحم أخي فايز واسكنه فسيح جناتك وسائر أموات المسلمين
بالنسبة لموضوع الاشارات فيه ناس ما راح تنظمهم لا اشارات ولا غيره، نازلين في الشوارع ابتلاء للعالم. غبي منه وفيه.
اللهــــــم ارحم أخي فايز واسكنه فسيح جناتك وسائر أموات المسلمين
مشكله البعض لو واقف على الإشارة وتفتح تعال حرك السلحفاه لي يدخله غير لي الإشارة توها خضراء لحد الحين ماتحولت للوان البرتقالي تلقاه مسك بريك في وجهك
اللي قريب منه ومتوقعه يطوف بيصير له حادث في الغالب أما اللي تارك مسافة أمان بيلاحظ وبيوقف وراه وحتى ممكن بالتدريج مب فجأة
كان معانا وقت الدراسة إماراتي للحين متواصل معاه عاد من اللي تعلموا يسوقون هناك سيارته كومارو يقول مرة دارت به كم لفة في الثلج وزين ما صار له حادث قوي .. عاد مرة طلعت معاه من مجمع كنا ساكنينه بس طلعنا من بوابة خلفية غير اللي هو متعود عليها .. الشارع وراء مسارين جايين لازم يقطعهم للمسارين الرايحين وبينهم خطين صفر فاصلين هذيلا يعتبرون مثل الرصيف وشوي متقطع في مكان الخروج يعني مسموح تقطع الخطوط حتى توصل للمسارات اللي في الإتجاه الرايح .. المهم الأخ طلع وسيدة لف يسار واستوى مقابل السيارات وجه بوجه .. وهو قصير عيونه بس تبين من فوق السكان ( الطارة عندكم ) ويغمض عيونه ويقول شت شت شت ينتظر الدعمة .. والله ما ابالغ مسكت السكان ولفيت يمين دخلته في المسارات اللي في الإتجاه الصح .. مسكين وقف البروسسر عنده وهناك ثيران بيدعمونه عادي
عندنا نظمت وايد بس العيب في بعض السواقين اللي يبالغون في الخوف تحصله بليد قبل ليوصل الإشارة يخفف بدال ما يمشي 80 بالسرعة المضبوطة عليها كاميرة السرعة في الإشارة تلقاه يخفف يمشي 60 والا اقل ويكون متحسب ويدقق مرات ومرات من ترمق برتقالية حاول يوقف .. وبعضهم يدوس خفيف كلش وبحنية على السيارة انا ما ابالغ إن كنت أول واحد تستوي بينهم مسافة طويلة 200 متر عادي وخلال ثواني والثواني هذي مهمة لإخلاء التقاطع وراهم ناس يبون يمشون .. كلامي عن كل سيارة اسوقها مهما كانت ضعيفة مثل الميني قبل والا الفورويل وما ازيد على السرعة القانونية بس دوستي تكون سريعة وقوية
هذا موقع السالفة اللي صارت والسهمين السهم اليسار الإتجاه اللي المفروض ياخذه وهناك الطرق خطوطها تبين واضحة وهو خذ اليمين .. هذي لو عندنا ربعنا يطلعون عادي من البداية يلف مقابل السير بعدين ينقل لذاك الجانب من الطريق والسبب ما فيه رصيف .. ولو شايفه شرطي وقتها حتى لو مخلص دوامه ولو ما له علاقة بالمرور في الإطفائية مثلاً بيمسكه وبيخالفه
الدوريات منا وفينا وشايفين كل شيء لكن محد بيبادر ويطبق حدود السرعه الدنيا ويطبق ويراقب الناس اللي يتأخرون في الانطلاق من الاشارات. اخر واحد مر علي انا الي يمين الاشارة فالمفروض ما اوقف لكن بو هناد وقف وجلست اهرن له و يا جبل ما يهزك ريح.. ما دخل يمين حتى عطت الاشارة اخضر للشارع كله.
اللهــــــم ارحم أخي فايز واسكنه فسيح جناتك وسائر أموات المسلمين
مظلمومين اللي الله رزقهم دوام بعيد عن بيتهم
فترة الكورونا كنت اوصل في نصف ساعة
الحين على الاقل ساعه غير اني اوصل بنتي المدرسة بسبب الزحمة
مب منطق اني اطلع من البيت ساعة ونصف قبل الدوام ولا حتى ساعة
الله كريم
ضوابط المشاركة
رد مع اقتباس