واجب يا اخوي يركزون على الداخل والخارج وخصوصاً المناطق اللي عليها زحمة .. صوب التنس والاسكواش مواقف كثيرة وتبي تطلع منها تتفاجأ إنك محاصر بالأرصفة وشكثر ناس تركب فوقها ومعذورين يجيك شارع وطريق ترابي وراه رصيف وطريق .. جهة بسيطة فيها فتحة والفتحة شلون حفرة تفصل الشارع الجديد والمواقف اللي هي أقدم .. هذي ليش المشرف ما ركز فيها وأصلحها ؟المشاركة الأصلية كتبت بواسطة Rider
انا ما اقدر والله اسوي زيارات وتصوير والا كان باطلع فضايح عمرها ما طلعت وبيكرهوني أكثر مما هم كارهيني ألحين دوم الحقيقة تؤلم
كلامك صحيح وفعلا دوم الحقيقة تؤلم
الشوارع فيها مشاكل هندسية فظيعة.. الحين طالعين بموضة تضييق الشوارع وتضييق حارات الشارع مثلا إشارات التلفزيون والمرخية الشارع كان 3 خطوط واصبح 4 حارات او خطوط ضيقة لما تمشي فيها تحس السيارات لاصقة في بعض.. واضح انه شي غير مدروس ولا اعتقد مسموح هندسيا. يمكن في بلاد ما سياراتهم صغيرة ينفع لهم لكن احنا شوارعنا باصات تاتا وكروة .. معامل الامان في شارع ضيق وماشي بسرعة المفروض يزيد وماتعامله كأنه موقف وتستعمل نفس القياسات.
ايضا لاحظت بعض الاشارات الجديدة يكون فيها الرصيف الوسطي واللي توقف فيه المارة بين الاشارتين عند العبور ضيق جدا ومايسع عرضه الا شخص واحد .. وين الامان السيارات تتحرك والمارة واقفين ماتفصل بينهم وبين السيارات الا سنتيمترات .. شي خطر ممكن يسبب حوادث .
قلت لكم خلطة قاتلة
تقريباً 3 سنين صار لهم شغالين في شارع معيذر وللحين الحفر نفسها ما ادري شمكتشفين هناك .. وعارف شبيسوون بيرقعون كل شيء قبل كاس العالم بنشوف الشوارع نظيفة وتبرق وبيرجعون يكملون شغلهم بعد البطولة .. بالضبط مثل الشغل اللي سووه في منطقة الأبراج جدام مقر اللجنة الأولمبية قبل أسياد 2006
العيب في كثرة الإشارات ممكن نتعايش معاه لو كل سايق يتعب سيارته شوي ويدوس لها يتحرك حتى يتحرك أغلب الواقفين لكن اذا السواق ينتظر تهرين وتشجيع وبعدين يمسك السكان ويركز عدل يتأكد الإشارة خضراء لازم السيارات اللي بتمر أقل
كذلك برمجة بعض الإشارات أتوقع ممكنة عن بعد ومركز التحكم يشوف كل اشارة ولازم عليها مراقب فاهم يضبط الإتجاه الأكثر سيارات يعطيه فترة أكبر
وآلله ياخوي صادق بخصوص المسارات انا كم مره اقول ليش السيارات قربية من بعض انا موتري كبير ولا فيه شي غلط
بس مادام فيه شركات تلهف الملايين لانه شركة فلان وعلان لكن السلامه غير مهمه
هههههه فعلا موضوع التشجيع وتهرن بعدين يستوعب هذي قضية ثانيه وطبعا إذا كان قطري ولا مب بعض الجاليات العربية طلعك في المرايه كأنه مب عاجبه ويقعد يناحس للأسف ثقافة السواقه فن وذوق وأخلاق ضايعه
نعم فيه تحكم وخاصه في التقطعات الكبيره بعض لي قاعد يراقب مب فاضي تحصله مشغول بالجوال
هذا فلم توعوي عن الحوادث .. بعضها نقول غباء شلون يسوي جذيه ونفس الشيء عندنا لو حصل حادث نقول بسهولة كنت أقدر أتفاداه
اغلب الاشارات مبرمجة وجاهزة ولها اوقات معينه ( الذروه ) واخر الليل تحصليها سريعة
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
ضوابط المشاركة
رد مع اقتباس