الفلل الخدمية

[معماري قطري]

حياك الله الغالي أبوعبدالله.. الكلام اللي انت قلته هو اللي مخوفني..يغني ممكن تشتري العقار بسعر أنه خدمي وفجاةيتحول سكني..
الحقيقة الفيلا معروضة على الرضيعة وسالتني عن الموضوع..
رايك بوعبدالله ومن خبرتك بيت شعبي قديم شوي في العزيزية خلف الشارع التجاري موجرة لمطبخ شعبي مساحته 540 م2 سعر الايجار 13 الف ريال
طالب فيها مليونين و300 الف
تسوى ولا ماتسوى

والله يا اخوي يمكن رايي ما ينفعك .. حاول تشوف البلدية أفضل .. تبغي رقم واحد في بلدية الريان ويشتغل في العقار وعنده خبرة بيساعدك .. المشكلة عادي عندهم يطردون من في العقار ويقولون هدم وعلى حسابك يالمالك هذا لو مقسم ولو طلبت صيانة لازم ترد العقار لحالته الأولية ويطالبونك كل شوي طلب

لو خلف الشارع التجاري والشارع التجاري مفتوح عليه من الخلف وفيه بيوت خدمية غير ممكن مقررين يكون خدمي 100% ولو خلوه سكني الناس بيشتكون من الشارع التجاري ومعروف فيه بعض الشوارع خدماتهم وأذيتهم ورا وفي العزيزية أشوف زادوا الارتفاع وحتى بعض التجاري ما تحصل مواقف بسبب الساكنين فوق محتلين المواقف ليل نهار .. من سكان العزيزية ومن اللي يدورون في المنطقة أيام كانت بر وزروع حتى فيه موقع يقولون بقايا طيارة محترقة .. أعتقد بيت عبدالملك وعلي بلال من أوائل البيوت في المنطقة

[ابو عبدالله.]

ههههههه طياره محترقه. هذا بيت جيمس بوند مب قطري هههه

صباح الخير

ممكن معلومه اخونا معماري سليمه و بعض الاماكن انتفى الغرض من الفلل الخدمية و تم الغاء هذا الشارع

اولا بعتذر. عن ذكر الشركات المستثناه من قانون سكن العمال لان لو الكل عرف بخسر ميزه عندي لتاجير ما احتاج تاجيره للشركات
مش انت بس اخوي الي بتقرأ المعلومه. في وايد اشخاص و اصحاب شركات بتنفك عقدتهم و احتمال يكثرون و تتغير الاستثنائات و كلنا نخسر

انا فيلا وحده و جلست في حرب مع موظفين رسميين و اربع مخالفات اخلاء. كل مخالفه قيمتها 50 الف للمالك و 50 الف للشركات و رايح و جاي بين ادارات لين عرفت كل تفاصيل الاستثنائات و جبت القانون 2016 وطلعت موظفين متجاوزين صلاحياتهم و فرض قانون ملغي قديم و محضر ضبط بمعلومات غير صحيحه

لين مصمصوا خشمي عشان اسكر السالفه. مع وعد. محد يوطوط جنب الفيلا او يخالفها

تخيل كيف غيري يخاف يدخل بهالسوالف فمحد يبي يدخل بمخالفات سكن عمال و الاغلبيه ما ياجرون لشركات

خلني اعلق بامور ممكن تخدمك اكثر عن البيت الي تبي تشتريه

[ابو عبدالله.]

البيت الشعبي. اتوقع قديم جدا و السعر بالنسبه لي غير مناسب
اولا لو يطلع المستأجر ما بتحصل ايجار مقارب للحالي. و ممكن يحصل فيلا جديده دورين بنفس السعر او اقل

انا بقارن نظرتي للاستثمار بفيلا و شوف اذا انتوا بنفس الوضع و يناسبكم الي اسويه و سووا نفس الشي

اسعار الفلل المستعمله الي بنفس مساحه البيت الي قلت عنه انت. تتجاوز مليونين و 400
لكن ارض بنفس المساحه بام صلال او المشاف تطلع اقل من مليون ونص باعتبار اني شريت من سنتين ارض بام صلال علي 570 متر مربع خلف مركز الشرطه و الحديقه و مجمع الخدمات الحكومي. بمليون و 400 الف

هذه بنائها يكلف 800 الف تسليم مفتاح مساحه بناء 500 متر. و المتر تكلفته 1600 ريال

تطلع الفيلا بمليونين و 200 الف

اولا فيلا دورين جديده سعرها للبيع يتجاوز مليونين ونص. او 600 الف و تنبني خلال 10 شهور او سنه بالكثير و تقدر تعرضها للبيع قبل لا تخلصها ع التشطيب يعني

الزبده. بتدفع اقل من البيت القديم و تحصل ايجار مقبول من 10 لين 12 الف. سواء دخلتها ع الاسكان او عائله. و ممكن اكثر اذا شركه اخذتها لموظفين

استثمارك بسعر افضل و عمر جديد

قارن السعر و المساحه مع فلل بام قرن و ام العمد و هالمناطق بتكون افضل حالا من كثير من الناس الي شروا هناك
في ميزات قرب الفيستيفال و لوسيل و قطر مول الخ. مقارنه بام العمد و ام قرن

نفس الكلام بأراضي المشاف نفس الميزانيه بالسعر و المواصفات
الميزات. قرب الدوحه و المطار و الصناعيه و الكوره و سوقها. الخ

هالمنطقتين انا اشوفهم افضل استثمار. من سعر و قربهم من امور كثيره و ملاصقتهم بالعمار بالدوحه و ضواحيها. لان خلاص الدوحه انترست و ام صلال و المشاف هم اقرب الملاصقين و الطرق السريعه بين المشاف و الدوحه ثلاث طرق
و ام صلال طريق المجد و خط الشمال

[ابو عبدالله.]

غير هذا . اشوف ان الاستثمار بالدوحه او العزيزيه يحتاج ابتكار او دفع سعر اعلى مقابل ايجار عادي

و شراء ارض بسعر عالي و بنائها مقارنه بايجار. بتحتاج سنوات اطول لارجاع قيمه الاستثمار ولو بنيت بغرض البيع لازم تشطب افضل كفيلا فخمه. و ارض اكبر للبناء
لان الي يبي فيلا فخمه يبيها اوسع و تشطيب استثنائي. هذه انا ما اقدر عليها حاليا. و اعرف ناس. لعبتها الفلل الفخمه. و تبيع فوق العشره مليون للفيلا و انباعت فيلا ب 14 مليون. و راعيها بانيها ب 8 ونص مليون. الله يبارك له و للجميع

اخيرا. لا تنظر للاستثمار انه لازم يكون قريب منك. انت ما تحتاج تمر عليه كل يوم. انت شيكاتك عندك لين انتهاء العقد و بعدها تجي تشيك ع الفيلا

حط شروط بالعقد. مثل يتحمل المستأجر الصيانه و تم تفقد الفيلا قبل السكن و بدون اي نواقص او اعطال
تعود الفيلا لحالتها الجديده بعد انتهاء العقد. ولا يجدد الا باتفاق الطرفين

[sara jsm]

اولا بعتذر. عن ذكر الشركات المستثناه من قانون سكن العمال لان لو الكل عرف بخسر ميزه عندي لتاجير ما احتاج تاجيره للشركات
مش انت بس اخوي الي بتقرأ المعلومه. في وايد اشخاص و اصحاب شركات بتنفك عقدتهم و احتمال يكثرون و تتغير الاستثنائات و كلنا نخسر

طيب ليش تقول وتقهرنا

[ابو عبدالله.]

ما الوم الجهه المسؤله لو تمنع الفال الخدمية
لأن غالبا جيرانهم سواء الجدار بالجدار أو حتى سابع و عاشر جار ممكن يتأذى من كثرة السيارات و الرايح و الجاي عليهم غير الهرنات اذا كان كوفي أو حلويات خصوصا لو شغال 24 أو حتى ل12-1
و حتى لو نشاط ثاني كومة السيارات قدام بعض المحلات فعلا مشكله
أفضل شي هي الشوارع التجاريه
من ثم أسواق الفرجان
أو اذا بيعطون تصريح للفلل الخدميه حدهم الساعة 6:30-7 بالليل كحد أقصى و بأنشطه محدوده


موفق يا رب

لا تحاتين اختي

في امور وايد تحكم

بعض انواع الخدمي يتطلب موافقه الجيران
و المسؤولين هالقطر و يعرفون ايش الي يزعج وايش الي مقبول

لابد من وجود هفوات
يعني انا أجرت لشركه و القانون يستثنيها. حتى لو اشتكى الجار ما له حق. الا اذا في ازعاج حقيقي

ايضا في امور احنا لازم نتقبلها

مثلا. انا في بيتي الحالي جنبي فلل مؤجره لعوايل و زحمه مواتر نوعا ما. يقابلهم فلل لعوائل قطريه عيالهم وايد و مواتهم كثيره. اكثر من الفلل المؤجرة للمقيمين. وصاير الشارع معارض سيارات

انا ما اشتكيت و متقبل الوضع لا ابي هالقطر يتخالفون لان مواترهم ماكله نص الشارع مع مظلاتهم. و لا ابي العوايل الوافده تتضرر لانهم بدون حس ولا ازعاج ابدا. في حالهم

[hasss1969]

والله يا اخوي يمكن رايي ما ينفعك .. حاول تشوف البلدية أفضل .. تبغي رقم واحد في بلدية الريان ويشتغل في العقار وعنده خبرة بيساعدك .. المشكلة عادي عندهم يطردون من في العقار ويقولون هدم وعلى حسابك يالمالك هذا لو مقسم ولو طلبت صيانة لازم ترد العقار لحالته الأولية ويطالبونك كل شوي طلب

لو خلف الشارع التجاري والشارع التجاري مفتوح عليه من الخلف وفيه بيوت خدمية غير ممكن مقررين يكون خدمي 100% ولو خلوه سكني الناس بيشتكون من الشارع التجاري ومعروف فيه بعض الشوارع خدماتهم وأذيتهم ورا وفي العزيزية أشوف زادوا الارتفاع وحتى بعض التجاري ما تحصل مواقف بسبب الساكنين فوق محتلين المواقف ليل نهار .. من سكان العزيزية ومن اللي يدورون في المنطقة أيام كانت بر وزروع حتى فيه موقع يقولون بقايا طيارة محترقة .. أعتقد بيت عبدالملك وعلي بلال من أوائل البيوت في المنطقة

الله يجزيك خير .اغلب النقاط اللي ذكرتها مهمة ولازم تكون في الحسبان..
إرسل لوتكرمت رقم الشخص على الخاص..اكيد يستفيد منه طالما شفلته العقار

[hasss1969]

غير هذا . اشوف ان الاستثمار بالدوحه او العزيزيه يحتاج ابتكار او دفع سعر اعلى مقابل ايجار عادي

و شراء ارض بسعر عالي و بنائها مقارنه بايجار. بتحتاج سنوات اطول لارجاع قيمه الاستثمار ولو بنيت بغرض البيع لازم تشطب افضل كفيلا فخمه. و ارض اكبر للبناء
لان الي يبي فيلا فخمه يبيها اوسع و تشطيب استثنائي. هذه انا ما اقدر عليها حاليا. و اعرف ناس. لعبتها الفلل الفخمه. و تبيع فوق العشره مليون للفيلا و انباعت فيلا ب 14 مليون. و راعيها بانيها ب 8 ونص مليون. الله يبارك له و للجميع

اخيرا. لا تنظر للاستثمار انه لازم يكون قريب منك. انت ما تحتاج تمر عليه كل يوم. انت شيكاتك عندك لين انتهاء العقد و بعدها تجي تشيك ع الفيلا

حط شروط بالعقد. مثل يتحمل المستأجر الصيانه و تم تفقد الفيلا قبل السكن و بدون اي نواقص او اعطال
تعود الفيلا لحالتها الجديده بعد انتهاء العقد. ولا يجدد الا باتفاق الطرفين

الله يجزيك خير اخوي بوعبدالله. الحقيقة كلامك بين لي كثير من النقاط اللي كنت انا غافل عنها..
ردك لازم احفظها عندي وارجع له في هاذي المسائل..
جزاك الله خير الغالي

[Dana’1]

لا تحاتين اختي

في امور وايد تحكم

بعض انواع الخدمي يتطلب موافقه الجيران
و المسؤولين هالقطر و يعرفون ايش الي يزعج وايش الي مقبول

لابد من وجود هفوات
يعني انا أجرت لشركه و القانون يستثنيها. حتى لو اشتكى الجار ما له حق. الا اذا في ازعاج حقيقي

ايضا في امور احنا لازم نتقبلها

مثلا. انا في بيتي الحالي جنبي فلل مؤجره لعوايل و زحمه مواتر نوعا ما. يقابلهم فلل لعوائل قطريه عيالهم وايد و مواتهم كثيره. اكثر من الفلل المؤجرة للمقيمين. وصاير الشارع معارض سيارات

انا ما اشتكيت و متقبل الوضع لا ابي هالقطر يتخالفون لان مواترهم ماكله نص الشارع مع مظلاتهم. و لا ابي العوايل الوافده تتضرر لانهم بدون حس ولا ازعاج ابدا. في حالهم

كنا بمنطقه البيت اللي قدام بيتنا على طول الباب بالباب و اللي يمه .. مليان عمال من مختلف الجنسيات الهند
نيبال أفارقه يمكن من ثلاث الى خمس باصات تاتا ينزلون منها تعال شوف الجمعه يتمشون بالوزار ويقزون اللي رايح و اللي جاي وكل هذا بكوم يحيهم عند الأفارقة لأنهم أعبر كانوا يتكون على بعض السيارات حقت أهل الحي من ضمنها سياراتنا!!!
ومع ذالك ما اشتكينا لأن يبقى جار من سنين مب يوم يومين و يوم طلع و اجر البيت عادي ماقلنا شي مع إننا تأذينا منهم كنا حتى نخاف من انهم اذا سكروا يضيعون للبيت و يدرعمون
و الأفارقه كذا واحد منهم يجي للعيال من اهل بيتنا ويسألونهم فيه وظيفه؟! اكثر من مره اذا شاف العيال توهم راكبين السياره او توهم طالعين يجي يطلبهم وظيفه يعني شباب بالمتوسطه أو بالثانوي بالله من وين يوظفونك؟!
من ثم دخل المجلس يطلب وظيفه و يشكي الحال تفاجئو منه ومن طريقته بالدخول !!
اساسا شلون داخل البلاد يصول و يجول من غير وظيفه ؟؟هذا الكلام تقريبا بين الـ2008-2009


أنا ما أتكلم عن جيران تعرفهم صافين سياراتهم و عيالهم عليهم بالعافيه
هذا بأغلب الأماكن تحصلها بقطر و غيرها ياحيهم و يا حي عيالهم وسياراتهم نفضي المساحه المخصصه لسيارتنا تحت أمرهم لو كان عندهم مناسبه و احتاجوها كمواقف لضيوفهم و يا هلا و مرحبا
بغض النظر اذا الجار قطري أو مقيم ياهلا ومرحبا
أنا اقصد فيلا تجاريه وسيارات الزباين رايحه راده زحمه و ازعاج
ترى الجار له حقوق

القطري والخليجي وغيرهم حتى ممكن يسكت عشان جاره و العشره
بس بالمقابل ليش الجار ما يفكر بجاره .. مثلا ليش ما يحرص انه يأجر البيت على مجموعة عوائل حسب حجم البيت عائله عائلتين ثلاث مثل اللي سواه جارنا الثاني هو مستفيد الله يهنيه و الجيران مو متأذين

من أهلنا واحد رفض يأجر بيته على شركه بيستخدمونها كمستودع عقب قالوا للعمال بس رفض لين الحمدلله جات عائله قطرية و أجرته.. والسبب بكل بساطه لأنه وسط حي سكني عوائل 100%

حلو أن الإنسان يحب لأخيه ما يحب لنفسه و مو كل الأنشطه تصلح يم الفلل السكنيه الخاصه بالعوائل و اذا صار و تم لأي سبب لازم من انضباط بالمعايير إذا كان فيه معايير من جميع النواحي بما فيها وقت مزاولة النشاط حسب النشاط نفسه

إذا المطار بسويسرا وهو مطار يعني الدوله تستفيد من تشغيله 24 ساعة 100%
إلا أن أخر طياره تنزل 11 الليل و يسكر الساعه12 بالليل و يفتح9 الصباح
عشان ما يزعجون أصحاب البيوت القريبه منه .

[ابو عبدالله.]

كلام جميل اختي. و كلنا بنفس المنطق

لكن احيانا توصل الامور لاقصاها

الجار قطري و مستأجر و ملاصق ببيتي. كل يومين يغسلون الحوش و سياراتهم و الماي يهدر و ينقع جدام بيتي. لين طلع عشب و فطريات.
من 14 سنه وانا ساكت. لين خلاص وصلت حدها. لا ينفع كلام ولا استحمال
سويت حاجز رملي بيني و بينه. و صار الماي ينقع جدام بيته. تصدقين خلى الخدامه تمسح الماي و تشقحه فوق الرمل عشان يروح صوبي

لا حياء ولا مستحى. مع ان عنده حفره صرف لكن شنقول

الحين خمس مرات خلال اسبوعين اصور و ارسل للبلديه

للحين يغسل الحوش و ينقع الماي جدام بيتي

هالنوعيه. يسمح امره. ما له حق علي. و ببلغ كل مره لين يحترم الناس عيالنا بيمرضون و مواتنا وتائرها تدخل و تطلع متغلغله بالطين من الماي ماله

الاذيه محد يقبلها. لكن اذا كل شيء بحدود فلا مشكله