صافي أرباح قطر وعمان للإستثمار تنخفض 12% إلى 6.44 مليون ريال في الربع الثالث لعام 2021
27-10-2021
أعلنت شركة قطر وعمان للاستثمار عن البيانات المالية الربعية للفتره المنتهية في 30 سبتمبر 2021 حيث بلغ صافي الربح 6,445,767 ريال قطري مقابل صافي الربح 7,390,421 ريال قطري لنفس الفترة من العام الذي سبقه.
كما بلغت ربحية السهم 0.020 ريال قطري في للربع الثالث من العام 30 سبتمبر 2021 مقابل ربحية السهم 0.023 ريال قطري لنفس الفترة من العام الذي سبقه.
السهم هذا محلك سر
لا استغل الازمة الخليجية و لا حسن أموره
الحين مسجل خسارة في الربع الثالث
من الشركات التي تحتاج الى دماء جديده
والا على قولتك اخوي عتيق كان من المفترض استغلال ضروف الازمة الخليجية لصالح مستثمرين الشركة
نعيد ونكرر العتب على مستثمرين الشركة وسبق ذكرنا 25% من ملاك الاسهم كفيلة للمطالبة بتغيير رئيس مجلس الادارة او احد الاعضاء
محد ضيعنا الا الاتكالية خصوصا ان كل واحد يقول غيري يقوم عني
وطالما مافي محاسبة ولانقاش جاد بين المستثمرين ومجالس الادارات ومحاسبتهم حال حدوث تقصير ،،،،،انسى تشوف نتائج طيبة لا اليوم ولا بعد عشرين سنه
بوطبيع مايجوز عن طبعه
محد مهتم فالشركة ملاكها يملكون اسهم قليلة "اسهم اكتتاب"
على حسب موقع مباشر
رئيس مجلس الادارة عنده 0.0033 %
والرئيس التنفيذي نفس الشي 0.0032%
يعني قريب ال10 الاف سهم او الف سهم على النظام القديم
شركة قطر القابضة (قطر) 20 %
الصندوق الاحتياطي العام للدولة (عُمان) 20 %
قطريين 48 %
خليجيين 4.96 %
اجانب 7.04 %
الشركة ماقدمت شي لملاكها ولا اتوقع انها بتقدم شي
أُف .. بس 100000 سهم على نظام سوقنا ألحين؟المشاركة الأصلية كتبت بواسطة CH Engineer
عيل هشكل يحق للي عنده أكثر يرشح نفسه
عندهم أُمور أهم آخر همهم قطر وعمان والا المفروض عزها كان وقت الحصار وألحين فوق الريالين
اللي خايف منه شركات بو ريال وقرب الريال ترجع صوب النص ريال والا 60 درهم
والله للحين أشوف نفسي غلطان مجمد فيها مبلغ كبير وصلت سعري وعطتني ربح سوقي زين بس طمعت في الأكثر ورجعت نزلت
الدولتين عندهم علاقات ومصالح متعددة.
هذي الشركة جزء بسيط جدا من العلاقات الاقتصادية.
ما اتوقع راح يكون فيه تأثير لهذي الزيارة
الله يعز البلدين : عمان و قطر
ضوابط المشاركة
رد مع اقتباس