صحيح سهم يستاهل وتخصص يحتاجه السوق ومطلوب خذت الأحد بداية السوق كمية بسيطة ببقايا الكاش المتوفر وفي يومين للحين عندي 10% ربح بيكون إن شاء الله بداية دخول ولي نية أزيد لو نزل حول ال 7 ريالات .. الميزة الأسهم قليلة ويشتغلون على التوزيع المجاني الظاهر لرفع راسمال الشركة لترقيتها للسوق العادي
لنفترض شخص شرى 10000 سهم مقدام ب 8.5 ريال .. بتكلفه 85000 ريال .. بيحصل توزيع 3500 ريال + أسهم مجانية 4000 سهم وطبيعي بينزل سعر السهم بعد التوزيع بنسبة توزيع المجاني 40% لنفترض وقت التوزيع بيوصل 10 ريال وبعد التوزيع بينزل لين 6 ريال .. 4000 في 6 لو باع الأسهم المجانية بيحصل 24000 ريال + 3500 = 27500 وراسالمال المستثمر 85000 موجودة أسهمه ال 10000 سهم بيكون طلع ما نسبته 32% من ربح وهذا في أحوال متحفظة جداً ممكن وقت التوزيع سعر السهم يكون أعلى واحتمال يكون أقل من 10 ريال بسيط جداً لأن الربح مغري ورغبة شراء السهم واضحة
واحد حاججني بأن السهم لو نزل 40% بيكون ربحه وايد أقل 7.5% وهو صحيح لو باع كل الأسهم لكن ممكن يصبر ويبيع أعلى الشركة تسجل نمو في الأرباح وممسوكة غالبية الأسهم عند كبار الملاك وما اعتقد ينزل السهم كثير وكل شيء جايز .. لكن الكلام عن الربح المبدئي لو ما طلعنا وحافظنا على أسهمنا الأساسية .. لنهاية اليوم عندي فيه ربح 12.26% ودخولي الأحد وايد متأخر .. بعدين سهم عطاك ربح يعادل 32% استرجعت تقريباً ثلث راسمالك خل الباقي فترة وبيع عند أعلى سعر
انا تفكيري استثماري وهو تفكيره بيع واطلع وهذا الفرق والتفكيرين صح مب غلط اللي يفرق الربح والمحافظة عليه
هذا كان تعليقي على نتايج الاسمنت للربع الثالث
" الإسمنت
حقق 0.256 ريال والعام محقق 0.124 وفي 2019 حقق 0.26 ريال وإحنا خلاص ما بقى شيء ونوصلها وقبلها في 2018 حقق 0.53 ريال ربح كبير ذاك الوقت
توزيعه 2019 كان 0.3 ريال بعد أعلى من الربح المحقق
نسبة ما حققه لسعره الحالي 5.05% "
اليوم ارتفع لمت أب ومبروك لملاكه وانا منهم بس وراي مشوار طويل لين يوصل سعري ماخذه غالي
النمو في الارباح 51% والتوزيع 0.3 وربحية السهم 0.34 مما يعني نسبة التوزيع من الربح المحقق = 88% وتوزيع سخي مب مثل البعض تحت هذي النسبة بكثير والحمد لله من الشركات القلائل اللي وصلت توزيع 2019 .. نسبة التوزيع المقترح لسعر اليوم البالغ 6.172 = 4.8% ( غلطتي ما عدلت معدل شرائي والسهم نازل قبل )
اليوم وصلنا لإعلان أول شركة عقارية المتحدة وهذا ما كتبته عن الربع الثالث
" المتحدة
جابت 0.051 والعام 0.027 ريال وفي 2019 محققين 0.12 فرق شاسع عن ألحين وفي 2018 محققين 0.141 ريال
توزيعهم في 2019 كان 0.050 ريال من 0.12 تعادل 41.66% توزيع شحيح
ما حققه للآن على سعره إغلاق اليوم البالغ 1.51 ريال = 3.377% فوق ال 3 نسبة معقولة لكن توزيع الشركة ما يشفع لو وزعوا نفس نسبة 2019 بتكون نسبة ربحهم 1.4% وأكيد لازم نضيف عليها ربح الربع الرابع ولنفترض نفس المستوى بيعطينا 0.068 ريال ربح متوقع للسهم ونقول بيوزعون نفس نسبة 2019 يعطينا 0.028 ريال ولنفترض بيزيدونها شوي بتكون بين 0.028 - 0.035 ريال على سعر 1.51 تعطينا 2.32% كلش ما تسوى الا تحقق ربح استثنائي في الربع الرابع وكذلك توزيع استثنائي "
كان الربح المتوقع لهذي السنة 0.068 ريال لكن في الربع الرابع جابت ربح قوي وصل ربحية السهم ل 0.092 ريال 2.4 درهم زيادة والتوزيع كان 0.055 ريال وما يعادل 59.78% من إجمالي الربح وهي نسبة أعلى بوايد من توزيع 2019 البالغة 41.66% .. وكان توقعي للتوزيع هذا هو 0.028 - 0.035 ريال على سعر 1.51 تعطينا 2.32% والآن زاد سعر السهم وقتها كان 1.51 واليوم 1.75 .. التوزيع المقترح لسعر اليوم = 3.14% متوسط نازل حسب بقية التوزيعات السائدة هذي السنة .. بالنسبة لي سعري فيه 1.610685 يعني بيعطيني نسبة تعادل 3.415% .. كنت مفكر ابيعه لأن ربحه السوقي أكبر من التوزيع بكم مرة لكن ربح الربع الأخير القوي واللي يعادل من 0.052 ل 0.077 حول 0.025 ريال في ربع واحد تأهله يجيب السنة الجاية 0.1 ريال وفوق ممكن
ناقلات تعلن عن ربحية السهم 0.24 والتوزيع 0.12 ريال وهو توزيع ظالم نسبة للربح الكبير 50% بالضبط من الربح .. كأنك مشتغل وآخر الشهر يقولون لك نص معاش
وهذا ما كتبته بعد الربع الثالث عن ناقلات
"ناقلات
حقق السهم 0.18 ريال والعام 0.16 وفي 2019 محقق 0.18 وفي 2018 محقق 0.16 .. يعني ما حققه من ربح للثلاث ارباع في السنتين الأخيرتين يعادل ما حققه من ربح لسنة 2019 و 2018 والنمو واضح
توزيعه في 2019 كان 0.1 ريال يعادل 55.55% ولو استمر على النهج نفسه بيكون توزيع 0.1 ريال مضمون + ما سيتم تحقيقه من ربح الربع الرابع
ما حققه للآن نسبة لسعره 3.217 = 5.6% وهي نسبة مناسبة للدخول على السعر هذا وتحته إن أمكن"
توزيع مقترح ل 50% من الربح المحقق وهو متحفظ جداً كان يقدرون يخلونه 60% يكون شوي أكثر من سنة 2019 .. 15 درهم من 24 تستوي 62.5 معقولة وتفرق للي عنده أسهم كثيرة والا حتى 20 من 24 وتكون بنسبة 83.333% .. على سعري يعطيني 3.9% وزين بعت غالب كميتي وشربكتها في أسهم ثانية تعطيني إن شاء الله ربح أعلى
نسبة توزيع ناقلات المقترح للسعر الحالي = 3.2967% والسعر الحالي 3.64