صفحة 3 من 9 الأولىالأولى 12345 ... الأخيرةالأخيرة
النتائج 21 إلى 30 من 88

الموضوع: مقارنة نتائج الشركات للربع الثالث 2021 مع توزيعات 2019

  1. #21
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    حساب ربحية السهم للثلاث ارباع على سعره لإغلاق الخميس اللي فات للشركات اللي فاتت أكيد يتغير حسب إرتفاع السهم ونزوله لو نزل السهم الربحية تزيد ولو ارتفع نسبة الربح تقل .. كان المفروض احط سعر السهم ذاك الوقت .. بس الفرق يكون قليل كلش الا إن السهم يرتفع ارتفاع كبير أو ينزل نزول كبير هنا بيسوي فرق ايجابي والا سلبي

    حسب إغلاق اليوم باتابع إن شاء الله مع قطاع التأمين وقت لاحق

  2. #22
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    نسيت إني خلصت التأمين باتابع مع العقارات إن شاء الله

  3. #23
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    العقارات

    المتحدة

    جابت 0.051 والعام 0.027 ريال وفي 2019 محققين 0.12 فرق شاسع عن ألحين وفي 2018 محققين 0.141 ريال

    توزيعهم في 2019 كان 0.050 ريال من 0.12 تعادل 41.66% توزيع شحيح

    ما حققه للآن على سعره إغلاق اليوم البالغ 1.51 ريال = 3.377% فوق ال 3 نسبة معقولة لكن توزيع الشركة ما يشفع لو وزعوا نفس نسبة 2019 بتكون نسبة ربحهم 1.4% وأكيد لازم نضيف عليها ربح الربع الرابع ولنفترض نفس المستوى بيعطينا 0.068 ريال ربح متوقع للسهم ونقول بيوزعون نفس نسبة 2019 يعطينا 0.028 ريال ولنفترض بيزيدونها شوي بتكون بين 0.028 - 0.035 ريال على سعر 1.51 تعطينا 2.32% كلش ما تسوى الا تحقق ربح استثنائي في الربع الرابع وكذلك توزيع استثنائي

    بروة

    حقق السهم 0.189 ريال للحين وفي العام نفس الفترة محقق 0.186 ريال .. نهاية 2019 حقق 0.39 ريال وفي 2018 حقق 0.49 ريال والنزول في الربح واضح

    توزيعه في 2019 كان 0.2 ريال وما يعادل 51.28%

    ما حققه السهم لسعره الحالي البالغ 3.09 يعادل 6.116% وفي أسوأ الحالات توزيعه نصف ما حققه من ربح يعني 3.06% + نصف نسبة الربح المحقق في الربع الرابع .. أشوف بروة مجدي وايد أكثر من المتحدة وتاريخ توزيعاته السابق أعلى يعني ممكن يوزعون نسبة أعلى أو حتى يوصلون توزيع 2019

    إزدان

    اللاعب الخطير المدلع بزيزو حركات وكله بركات

    حقق 0.009 ريال والعام نفس الفترة 0.008 وفي 2019 محقق 0.012 وفي 2018 حقق 0.016 وممكن بسهولة يجيب ربح 2019

    توزيعه في 2019 كان 0

    ما حققه للآن نسبة لسعره البالغ 1.55 يعادل 0.58% .. ربح وايد متواضع ما يدعم سعره لكن قد تكون وراه موجة مضاربية قوية .. أساسياً أشوفه أسوأ الموجود في العقار ومضاربياً وسيرة قفزاته سواء لتحت والا فوق صعب التوقع عندي وعندي فيه كمية بسيطة قادر ازيدها بسهولة لو وصل قاع والا ابيع لو عطاني ربح جيد

    مزايا

    المدلعة بمزموزيل مزمز

    مخسرتني وقاهرتني حققت 0.0129 والعام 0.0135 وسنة 2019 حققت 0.03 ريال وفي 2018 حققت 0.0143

    توزيعها كان في 2019 ولا شيء 0

    ممكن لو مشت على نفس مستوى الأرباح توصل 0.0172 ريال وممكن أكثر والتوزيع أتمنى يكون مجزيء 0.015 مثلاً

    ما اشوف شركة أفضل من بروة في هذا القطاع .. وشركة إزدان للمضاربات من أحلى ما يمكن

  4. #24
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    إستكمال لباقي الشركات عندنا قطاع الاتصالات بشركتيه

    أولاً أوريدو

    حققت خسارة كبيرة والسهم خاسر 0.24 ريال وفي الفترة المماثلة العام حققت 0.46 ريال وفي 2019 كانت الشركة محققة 0.54 ريال وفي 2019 حققت 0.49 ريال

    التوزيع في 2019 كان 0.25 ريال يعادل 46.3% ويعتبر ظالم .. ولا أدري شأسباب الخسارة الكبيرة ذي والسهم يخوف وتخلصت منه العام والحمد لله بربح جيد بعد ما كان صديق وفي لسنوات طويلة من الإكتتاب وجزء من السوق

    فودافون

    0.047 ربحية السهم للثلاث ارباع ولنفس الفترة العام 0.03 ريال وفي 2019 محقق 0.034 وفي 2018 حقق 0.028 ريال والنمو واضح

    في 2019 وزع 0.05 ريال وهي نسبة تتعدى ال 100% بمقدار كبير والمتوقع هالسنة يوصل 0.06 ريال كتوزيع بإذن الله

    نسبة ما حققه لسعر السهم إغلاق أمس والبالغ 1.617 ريال تعادل 2.9% وهي تحت ال 3 شوي يبي له ينزل حتى يصير مجدٍ لكن لو بناخذ نموه الجيد وسيرة توزيعاته وسمعت إن الشركة بتدخل في أعمال وعقود حكومية والله أعلم ممكن إشاعة بس شغل الشركة واضح وبدت تثبت وجودها

  5. #25
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    أخيراً قطاع النقل

    ملاحة

    حققت ربح 0.58 ريال وفي نفس الفترة العام 0.34 ريال وفي 2019 حققت 0.48 ريال وفي 2018 حققت 0.45 ريال .. نلاحظ ربحها المحقق فوق مستويات 2019 و 2018

    توزيعها في 2019 كان 0.3 ريال بنسبة 62.5% .. ولو افترضنا نفس نسبة التوزيع ونسبة النمو ممكن يحقق السهم 0.77 ريال ويوزع 0.48 ريال وهذا الرقم ممكن حتى بدون أي ربح في الربع الرابع وممكن يزيدون نسبة التوزيع كلها فرضيات بس توضح إن السهم آمن

    ما حققه من ربح 0.58 على سعره أمس 7.647 يعادل 7.58% وأعتقد من أعلى الشركات ربحية وثبات في الربح ونمو بس نتمنى يزيدون نسبة التوزيع


    مخازن

    حقق 0.28 ريال والعام 0.29 ريال وعام 2019 حقق 0.43 ريال وفي 2018 حقق 0.39 ريال

    توزيعه في 2019 كان 0.2 ريال 46.51% بعض البنوك أفضل منه

    متوقع لو حافظ على نفس النمو يوصل 0.37 ريال ومتوقع يوزع 17 الى 20 درهم ولو كان سخي ممكن يوصلها ل 30 وحتى 35 وذيك الساعة بيحصل دفعة قوية للإرتفاع السوقي

    ناقلات

    حقق السهم 0.18 ريال والعام 0.16 وفي 2019 محقق 0.18 وفي 2018 محقق 0.16 .. يعني ما حققه من ربح للثلاث ارباع في السنتين الأخيرتين يعادل ما حققه من ربح لسنة 2019 و 2018 والنمو واضح

    توزيعه في 2019 كان 0.1 ريال يعادل 55.55% ولو استمر على النهج نفسه بيكون توزيع 0.1 ريال مضمون + ما سيتم تحقيقه من ربح الربع الرابع

    ما حققه للآن نسبة لسعره 3.217 = 5.6% وهي نسبة مناسبة للدخول على السعر هذا وتحته إن أمكن

  6. #26
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    بالنسبة لقطاع النقل أشوف ملاحة أفضل فرصة حتى وإن كان سعر السهم عالي والثاني ناقلات في الوقت الحالي لكن بعد فترة ممكن نمو ناقلات ينسينا ملاحة مع إن الشركتين ممكن يحققون نمو كبير والله أعلم أي وحدة الأفضل

    نسيت شيء مهم ما حققه مخازن على سعره 4.9 من ربح يعادل 5.7% ويعتبر جيد لكن عيبه نسبة التوزيع تخلي هذي النسبة حول 2 وشوي في المئة

  7. #27
    عضو مؤسس
    رقم العضوية
    1694
    تاريخ التسجيل
    May 2005
    المشاركات
    2,499
    جهد تشكر عليه اخوي معماري

    ياريت تعطينا مختصر عن ترتيب افضل الشركات من حيث العائد والتوزيع السنوي من الافضل ثم الاقل
    (((((سبحان الله وبحمده عدد خلقه ورضا نفسه وزنة عرشه ومداد كلماته)))))

  8. #28
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    اقتباس المشاركة الأصلية كتبت بواسطة مستثمر رشيد مشاهدة المشاركة
    جهد تشكر عليه اخوي معماري

    ياريت تعطينا مختصر عن ترتيب افضل الشركات من حيث العائد والتوزيع السنوي من الافضل ثم الاقل
    العفو يا اخوي

    مفكر اسوي هالشيء وأنجزت بعضه بالنسبة لبعض القطاعات والأسهم لكن ككل صراحة صعب أحكم فيه شركات متقاربين

    لو حد خبير في الجداول ممكن يسوي جدول بمعادلة حسابية يحط السعر الحالي للسهم ويكون مبرمج فيه الربح اللي حققه ويعطيك نسبة الربح لسعر السهم في وقته لأن النسبة بتكون متغيرة

    بس كخلاصة الشركات الصناعية أفضلها صناعات وقامكو صناعات نسبة ربح وتاريخ توزيعات جيدة وقامكو نمو كبير وكذلك توزيعات ممتازة

    الشركات العقارية أفضلها بروة كنسبة ربح وقوة شركة حكومية وثانيها المتحدة وزين الواحد يركز ويقرأ ويتابع بعد أخبار الشركات

    بعدين نسبة الربح المحقق ما تفيد اللي يفكر في التوزيعات قد ما يكون تاريخ توزيعات الشركة جيد ونموها جيد .. هذي تاخذها وإنت متطمن .. وبعد ما يضرك تنوع حتى من الشركات الفاشلة واللي لها طلعات مضاربية هذي انا استسهل بيعها لأن ما وراها توزيع يستاهل وأطلع منها بربح سريع

  9. #29
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,560
    اللي أقصده سهم محقق ربح 5% وقت التقييم ونزل سعره ترتفع نسبة ربحه وما ننسى باقي الربع الرابع وسهم مضمون وشغال زين ومحقق 5% وفوق في الثالث عادي يجيب 6 أو 6 ونص أو حتى 7 آخر السنة لو خذناه بسعره ألحين وهذا دافع للإستثمار حتى قبل التوزيع بيوم

    من اللي حققوا فوق 5 %

    التحويلية 6.27% - صناعات قطر 5.86% وهي أفضل شركات القطاع الصناعي كتاريخ توزيع واسم ومستوى ربح - الإسمنت محقق 5.05% نفس صناعات في سيرة التوزيع التحويلية لا توزيعها قليل - قامكو نسبته 4.9% توزيعات ممتازة خلال سنتين وربح جيد وعادي ممكن يسوي مفاجآت حتى سعره السوقي - مسيعيد حقق 4.75% وموزع 73% من ربحه في 2019 يخلي هذي النسبة تستوي 3.468% وانت ضامن تقريباً توزيع 3 ونص % لو شريته ألحين

    هذا رأيي في كهرماء كتبته قبل كهرماء 6.37% وهو الأعلى بس توزيع 2019 كان 60% يخفض هذي النسبة الى 3.822% قد تتغير سياسة التوزيع ويوزعون 90% والا أعلى بس تقريباً هذا المتوقع .. اللي يخوف في الشركة خروجها للعالمية وتنفيذ مشاريع خارجية في دول تاخذ ما تعطي

    قطاع الإتصالات واضح للحين إن فودافون أفضل من اوريدو الا لو اوريدو طلعت بربح استثنائي آخر السنة بس توزيع دوم توزيعها في الفترة الأخيرة قليل


  10. #30
    عضو مؤسس
    رقم العضوية
    42086
    تاريخ التسجيل
    Feb 2012
    المشاركات
    2,757
    احلى موضوع في شبكة الاسهم القطرية
    اخونا معماري اعطانا الزبدة للتسعة شهور
    وكل واحد يقرر ان كان مضارب او مستثمر
    جزاك الله خير على جهودك اخونا معماري
    واطلب من الادارة تثبيت الموضوع لاهميته
    وشكرا
    قال أفلاطون: من يأبى اليوم قبول النصيحة التي لاتكلفه شيئا فسوف يضطر في الغد إلى شراء الأسف بأغلى سعر

صفحة 3 من 9 الأولىالأولى 12345 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •