الله يستر
|
الله يستر
سبحان الله وبحمده سبحان الله العظيم
ألحين تغير الوضع ولا ادري إذا هذا الغاز يعني لنا شيء بس أتوقع نعمالمشاركة الأصلية كتبت بواسطة مسافر1
Crude Oil WTI
68.17 -10.22 -13.04%
Brent Oil
72.66 -9.56 -11.63%
Natural Gas
5.498 +0.430 +8.48%
حتى برنت تسعير موازنتنا وايد متحفظ ولازم بيرتد وإن شاء الله سريع
المشكلة مب في قوة اقتصادنا المشكلة في الهلع اللي صاير والبيع القوي وكأن لهم نية ينزلون النفط وبايدن قالها بصراحة عندنا طرق ثانية وبدوا يضخون من المخزونات في كم دولة ويوقفون شراء نفط اوبيك وروسيا .. شكثر بيتم الحال وشكثر بيقدرون يضخون نفط وشكثر بيحتاجون نفط وغاز خلال الفترة القادمة كلها عوامل بترفع النفط قريب جداً الا لو استوت خيانات على مستوى في اوبيك +
اليوم صج بلاك فرايدي للعالم كاه مب بس أمريكا وممكن بعض الدول .. ياليت عندنا يغلقون الأسواق الخليجية لين نشوف شيصير مع العالم يوم الأثنين
الفيروس المتحور حطوه شماعة والبلاد بعيدة ومثلاً فرنسا سكانها قريب من سكان جنوب افريقيا حالاتها الأسبوع اللي راح 94,681 ووفياتها 404 جنوب أفريقيا حالاتها 7,299 بس الزيادة حول الضعفين عن الاسبوع اللي قبله والوفيات 216 تعادل تقريباً 40% من الحالات الحرجة وهذا يشكك في صحة أرقامهم المعلنة وللحين ما أعلنوا نتائج اليوم
عندنا بريطانيا سكانها قريب من سكان جنوب إفريقيا ومسجلة الأسبوع اللي راح 299,727 حالة ووفياتها 874 ما فيه مقارنة مع أرقام جنوب إفريقيا لو كانت حقيقية
دولة عدد سكانها وايد أقل هولندا 17 مليون وجنوب افريقيا 60 مليون .. إصاباتها الأسبوع اللي راح 155,314 ووفياتها 295 .. باقي نشوف إصابات جنوب إفريقيا لليوم وبكرة لأن أمس مسجلين إصابات تعادل إصابات اسبوع سابق
هذي نتيجة جنوب أفريقيا لليوم شاللي يخوف فيها
18 South Africa 2,955,328 +2,828 89,783 +12 2,845,607 +1,646 19,938 546
الإصابات 2828 شوي أكثر من أمس بس أقل من دول كثيرة مشابهة والوفيات 12 السعودية بنص سكانها كانت وفياتها توصل 14
وهذي إصابات ووفيات هولندا والرقم الأخير عدد السكان
Netherlands 2,555,415 +21,278 19,217 +59 2,081,708 +7,200 454,490 524 148,675 1,118 19,205,114 1,117,361 17,187,921
أشوف دول اوروبا يدورون كبش فداء وحصلوا جنوب أفريقيا
ايطاليا عدد سكانها مقارب وحالاتها ووفياتها أكثر بوايد
Italy 4,982,022 +13,686 133,537 +51 4,675,867 +7,610 172,618 606 82,569 2,213 117,226,273 1,942,846 60,337,397
المشكله يا بوعبدالله .. سوقنا ينتظر بس إشارة للنزول السريع بشكل قاسي
لكن عند ارتفاع الاسواق .. تشوف الصعود في سوقنا بطئ جداً
اللي يتذكر يوم قالوا عن متحور الهند وبيسوي وبيسوي .. الهند ألحين رقم 16 في الحالات الاسبوعية وهي مليارية السكان رقم الحالات في المليون كإجمالي لكل الحالات 24,701 وهذا من أقل الأرقام دليل إن الإنتشار ما كان بالحد اللي صوروه وفشل نموذجهم في الهند في جنوب أفريقيا الإنتشار أكبر 48,967 وفي قطر أعتقد أكبر 86,482 بس عندنا ولله الحمد الوفيات في المليون 218 وتعتبر من أقل الدول
معليش طولت بس لتفسير اللي صاير والقنوات الإخبارية تنقل لنا آراء الخبراء بأن كل ما يثار مجرد شكوك للآن واللقاح ممكن يمنع الإصابة وكذلك الأدوية اللي بدت تطلع ممكن تخفف أعراضه
هذا الواقع اللي نخاف منه .. انا يكفيني هبوط حول 3 - 5% على مدى كم أسبوع والأخير 1.85% حاسبها بدقة ولو الأحد صار هبوط قاسي مثل بقية أسواق العالم اليوم بعضها وصل قرب 4% وبعضها بين 2 و 3 وتعودنا على كرم سوقنا في السابق في الهبوط معناها نزول محفظتي بيقارب 10% وناطر توزيعات ما توصل 4% وكان عندي ربح حلو يوصل ل 8% ويمكن وصل لل 10% لو بايع أكيد أفضل لي بس كان هدفي أعلى وما زال بإذن الله تنقشع هذي الضبابة
عاد ألحين شركاتنا بتاخذ هذا عذر وبتنزل توزيعاتها وما بتوصل 2% والله يعوضنا خير
اعتقد الامور باتتضح اليوم ونتمنى من الصناديق الاستثمارية ان تتدخل لمنع حدوث صدمة. فقط يوم واحد وبعدها تستتب الامور ويتم أمتصاص الصدمه وترجع الامور في السليم
اتمني ان يكون التأثير بسيط غدا
ضوابط المشاركة
رد مع اقتباس