سلملي على خدمة الابلاغ عن السيارات المهمله

[معماري قطري]

هذه مسؤولية المالك انه يكون متعاقد مع مقاول يزيل هذه المخلفات الكبيره من اثاث و غيره و ايضا مسؤولية المالك انه يزيل السيارات القديمة الهالكة المشطوبه و كل هالشي محسوب من ضمن الايجار اللي يدفعه المستأجر و لا يحصل عليه في الواقع لما يكون المالك ما عليه لا حسيب ولا رقيب

الله يعين الملاك بعد يربي عيالهم ويسوي لهم عزايم وبارتيات .. يا اخوي الملاك معصورين عصر واللي متسبب معروف وهو اللي يستحق العقاب ما خلوا شيء البعض ما لوثوه سكنهم وخارج سكنهم وحتى البر لو راحوا رحلة

[النهار]

اتصل على 184 ونسق معاهم يجون لين عندك

[khaldoon]

اتفق معاك .. لما تكون الاملاك الخاصة مسوّرة بتطون المسؤولية على المالك .. وسط منطقة سكنية فيها حركة إعمار المفروض يكون في مراقبين و خاصة ان مخالفات المقاولين عندنا ما لها حد و ما في آلية تبليغ عن تجاوزاتهم ذات فعالية !!!

و تقول جميع انحاء العالم .... وين بالضبط؟؟ إذا بلادنا شبر في شبرين و نص و عندنا تجاوزات و مشاكل ما لها حد فوين من دول العالم عندهم ما عندنا؟؟؟ يمكن في اسوأ و اللي مب لازم ننظر له و ندوّر الاحسن!

ما اختلفنا انها مسؤولية المالك بس وين دور البلدية في المراقبة و التأكد ان قوانينها يتم تطبيقها بالتزام شديد و ما في تهاون و لا استخفاف فيها من قبل الملاك اصحاب المجمعات

[khaldoon]

والله يا اخي ساوث وعذراََ لو خرجنا عن الموضوع، يقول القادة الكبار والمسؤلين عن الانتاجية والتحفيز (زيدوا الجهود و وافونا بالنتائج، فنقوم نضغط على الموظف ونا من بين الموظفين لكن اعتبرني تيم ليدر مثلما يقولون هالمهووسين بالتنمية البشرية، المهم آخر السنة يجينا رد من المسؤول ذات نفسه ان اللي ماخذين ممتاز كثيرين (فليش)؟ هذي عنده ملاحظة؟ والمشكلة أن الممتاز له مبررات/انجازات.. لكن ينسون كلامهم، يبغون الموظف ياباني و يعطونه مستحقات بنقالي؟

لذلك طالما أن فيه مشااااحّة في انك تعطي ممتاز فلا تبهدلنا بوقت الحضور والخروج من الدوام.

لذلك خلنا نتفق مع المسؤول، مافي ممتاز مافي دوام.. وكل الأطراف راضين و اهم شيء يموت المسؤول على كلمة انضباط ويبغي يسمعها لكن يبطي ثم يبطي لأنه هو مب منضبط بالنظام نفسه.

اخر الكلام أن النفاق الوظيفي والاجتماعي جاي من فووووووق.

بشكل عام لازم المؤسسة او الشركة او المنظمه تكون صادقة و واضحه و ملتزمة بما تعلنه من استراتيجياتها و سياساتها و قوانينها و مبادئها
ثانيا لازم الادارة العليا تثبت قولا و فعلا بسلوكها وافعالها و تصرفاتها انها ملتزمة ومثال يحتذى به علشان تكون حجة على الموظفين و يقلدونهم

اما مدير ما يداوم و يشدد على الدوام فهذا اقوله ان لم تستحي فاصنع ما شئت.....و اذا كان رب البيت بالدف ضاربا فشيمة اهل البيت الرقص

ثالثا لازم يكون في رقابة و حوكمة و حساب و عقاب على التقصير .... بالمقابل لازم يكون في نظام المكافات و التحفيزات على الانجازات و الابداعات و المبادرات اللي تخدم اهداف المؤسسه و تتماشى مع مبادئها..... لو انعدم الحافز الكل بينام لانه النايم و اللي يشتغل مثل بعض اخر السنه .... فليش الواحد يشتغل و يتعب اكثر من غيره

[سالم الزهران]

بشكل عام لازم المؤسسة او الشركة او المنظمه تكون صادقة و واضحه و ملتزمة بما تعلنه من استراتيجياتها و سياساتها و قوانينها و مبادئها

الحاصل عكس ومثلما قال الاخوة الزملاء، نعيش النفاق واقعاََ ملموساََ مطبقاََ.

[khaldoon]

أي جهة عمل تحتاج إلى مسؤول مُنتج لا مسؤول يحاسب الموظف على دوام اغلبه يجلس فيه الموظف بدون نية عمل أو محرّك لهمته!
حيك عندي الدوام و شوف الاكشن!

نحتاج عقول مبدعة في تنشيط الموظفين!

لو المدير ...اي مدير يستحق المنصب اللي هو فيه و عنده فنون الاداره و علمها و دارسها و متمرس فيها يستطيع تحفيز الناس و النهوض بالمكان اللي هو فيه و العكس صحيح

[khaldoon]

الله يعينك يا اخ ساوث ويعيننا على ما نواجه، الحياة الطبيعية تخبرك ان كل سوق له قوانينه. ما اظن من الحق ان تضع قانون واحد لكل قطاعات الدولة وتلغي خصوصيات وطبيعة عمل الجهات المختلفة.

تنميط الناس بهذا الشكل غير صحي والعلم عند الله

لا توجد قوانين موحدة تسري على جميع الشركات و المؤسسات و الوزارات.... لابد ان تحوي كل مؤسسة او جهة عمل على سياسات واستراتيجيات و اهداف و رؤية تخصها و طبيعتها و تخدم توجهاتها و الهدف من وجودها و انشائها و حتى قوانين الشركة او المؤسسه او الوزارة الواحده تتغير بتغير الظروف المحيطه من تغييرات سياسية او اقتصادية او اجتماعية او بيئية او سوقية او تنافسية او ظهور تكنولوجيا جديدة او كوراث او ازمات او جهات حكومية تسن قوانين ملزمة تخصها او هيئات دولية او مجتمعية او نقابية و عمالية و تؤثر عليها او متطلبات مجتمعية او قوانين و تشريعات جديدة او بتغير الادارة نفسها و تغير هيكلتها و اهدافها

[khaldoon]

ليش يا اخوي الدول المتقدمة فيها نظام وشغل نظيف وإحنا ما عندنا؟ لأن ما فيه قوة ورا القانون ولا فيه مراجعة دايمة الواحد يعرف شعليه وشله وشيطلب حتى يحسن الوضع

ذكرياتي مع سكني في أمريكا كنت في شقة قبل والحاوية في نقطة وسطية جدام الشقق كلها تربط الكيس لازم زين وترميه .. للبيت الوضع يختلف السيارة تمر كل ثلاثاء ولازم انت في الليل تحرك حاويتك المتحرجة بتواير تقربها من مكان مرور السيارة

في ألمانيا سكنت في عمارة شقق منظمة تنزل معاك القمامة للبيسمنت وفيه مواقف وفي الزاوية غرفة صغيرة بباب حديد فيها كم حاوية لكل نوع من القمامة مكان لإعادة التدوير وتحصل فيها مجلات اللي قراهم وما يبغيهم يحطهم لأي شخص من السكان ياخذهم .. كل شيء يستفيدون منه وبطريقة نظامية مرتبة حتى باب الغرفة ما تدخله الا بمفتاح المدخل الرئيسي اللي يدخلك لشقتك وبعدين تستخدم مفتاح ثاني لباب الشقة

صدقني المسألة هي التزام و خوف من القوانين الصارمة و العقوبات الشديدة .... ما في شي يتم بدون رقابة و محاسبة

لما يصير فوضى و اضطرابات يظهر الكثير من الملتزمين على حقيقتهم .... مثلا بس يصير في تكسير في المحلات تلاقي الناس اللي بالشارع تدخل المحل و تسرق اللي فيه بدون حاجة.... مرة شوفت فيديو لشاحنة دي اتش ال تعطلت.... هجم عليها كل اللي بالشارع و فرغها من حمولتها و السايق لا حول له و لا قوة ولا قدر يسوي شي

احنا اقل شي يمنعنا هو ديننا و خوفنا من الله قبل خوفنا من القوانين و العقوبات بعكس الكفرة و الملحدين اللي ما يعرفون الله ولا يؤمنون بالحساب و البعث و العقاب

[khaldoon]

قلت اللي ابغي اقوله

كل وضع له خصوصية وطريقة والمفروض محددة وواضحة للكل والمخالفات تحتاج اثبات حالة وما فيه أحسن من الكاميرات .. بس قبل أما الجهة التخطيطية من الدولة تنظم أماكن القمامة صح وتحط مكان مخصص للأثاث القديم ومكان مثلاً للسيارات المهملة أو قانون اللي يهمل سيارته عليه عقاب كذا وكذا واللي عنده سيارة يبيعها سكراب وهذي الجهات المخولة تاخذها ولو ما يبغيها ولا حد بياخذها يتصل برقم معين يجون يشيلونها ويستفيدون منها

البقايا الخشبية وبقايا الزراعة المفروض لها حاوية عليها لوحة مرسومة بالمواد اللي ترميها فيها وسهلة الفهم وهذي خل نقول تجي سيارة تشيلها كل شهر عادي .. حتى الحاويات لو انملت يفترض فيه نوعيات ذكية وتبين عند الشركة وتمر بسرعة تفضيها .. ممكن للنفايات الكبيرة رقم خاص نطلبه ويجون ياخذونها لإعادة التدوير

ممتاز .... لو في كاميرات مراقبة على المجمعات كان التزم صاحب المجمع و نفذ القانون و خضع لالتزماته اللي فرضتها عليه البلدية .... بس ما في رقابه يعني قوانين حبر على ورق

[khaldoon]

هذا في الدول المتقدمة اللي التطوير عندها مستمر و في من يتابع التطوير و التطبيق عكس عندنا المتمسكين بالموجود كأنه قرآن مُنزّل.
المفتش عندنا ما ادري وشو اهميته دامه قاعد في المكتب و مب متواجد في المواقع ..
مسألة تحديد مكان لحاوية القمامة فكرة ممتازة لكن من بيطبق عندنا؟ البلدية شغلتها تخالفك لو بنيت متر زيادة صوب طوفة جارك أو صبغت بيتكم بلون غير مصرح به و تفرض قوانين عفى عليها الزمن على تصميم البيوت و تلاقي المفتشين في المحلات و المطاعم أكثر شي .. أما عن تصنيف المواد المهملة فهي ثقافة مجتمع!

مثل ما قولت... في من يتابع يعني في رقابه ....ما في رقابه يعني سلملي على القوانين و الالتزام

المفتش لو في احد يراقب اداءه و يحاسبه كان ما قعد في المكتب ... لو في احد يتابع انتاجيته و شغله و يحاسبه كان ما يمرح و يلعب و يطالب براتبه و مكافاءات اخر السنة

الناس تبني بيوت و تصبغها حسب قوانين البلدية و بس يحصل الترخيص لاتمام البناء يدهنها على كيفه بشكل مخالف للقانون لانه ما في حسيب و لا رقيب