صفحة 1 من 2 12 الأخيرةالأخيرة
النتائج 1 إلى 10 من 15

الموضوع: عذاب صيدلية سدره

  1. #1
    عضو مؤسس
    رقم العضوية
    6461
    تاريخ التسجيل
    Jan 2006
    المشاركات
    2,663

    عذاب صيدلية سدره

    معقوله العذاب اللي الواحد ايواجهه لما يبي يستلم الدواء من صيدلية سدره معقوله الانتظار خمس ساعات علشان استلم دواء حق بنتي وكل مره هاي حالتنا الوحيده هي صيدلية سدره على هاي الوضع
    بهدله مابعدها بهدله

  2. #2
    عضو فعال الصورة الرمزية سعود.
    رقم العضوية
    48691
    تاريخ التسجيل
    Apr 2015
    الدولة
    قطر
    المشاركات
    2,862
    اوف 5 ساعات والله كارثه

    طيب وش عذرهم !!!!
    عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”

  3. #3
    تميم المجد الصورة الرمزية R 7 A L
    رقم العضوية
    34949
    تاريخ التسجيل
    Oct 2010
    الدولة
    Qtr
    المشاركات
    35,976
    تأخير ماله مبرر
    اغلب اللي يستخدمون هالشي ( التاخير ) في تخليص المعاملات والاستلام والتسليم هدفهم واحد فقط هو انه طول اليوم مايشتغل الا كم شغله بسيطة حتى لو انه في مقر العمل 8 ساعات اسلوب عقيم ياليت المسئولين يحاسبونهم
    ارتقوا فإن القاع مزدحم

  4. #4
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    20,775
    ^
    ^
    اللي فعلا قاصد هالشي ترى راتبه مب حلال ..
    :
    :
    مرات اقول ياريت ترجع عمليه الارقام البدائيه وايد احسن من التطور اللي مب قادرين يواكبونه ..
    انا اشوف مستشفى حمد يطرشون الادويه بالبريد .. جربوا يمكن سدره عندهم نفس النظام ..
    صح بيوصلك عقب شهر بس ابرك من الانتظار هالساعات كلها ..


    أدعو عليكّ بأن تصاب بدائي ،، وتموت شوقًا ميتةَ الأحياءِ
    وتسير بين العاشقينَ معذبًا ،، ظمآن مثلي دون رشفةِ ماءِ

  5. #5
    عضو مؤسس
    رقم العضوية
    6461
    تاريخ التسجيل
    Jan 2006
    المشاركات
    2,663
    لا واذا سجلنا اون لاين وطرشت الدريول ايقولون له تسجيل الاون لاين مايستلم اليوم يستلم بكره طيب مب حرام هالمشوار وماعندهم توصيل عن طريق البريد

  6. #6
    عضو فعال
    رقم العضوية
    49176
    تاريخ التسجيل
    Sep 2015
    الدولة
    الارض
    المشاركات
    1,755
    الاذان في خرابة!
    انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون

  7. #7
    عضو مؤسس
    رقم العضوية
    6461
    تاريخ التسجيل
    Jan 2006
    المشاركات
    2,663
    اي والله الواحد ايأذن في خرابه اليوم مطرشه الدريول من الصبح والحين ثنتين الظهر لين الحين ماعطوه الحبوب لا والدوا شراب خلص من الصيدليه والحين قالو الدوا بيوصل الاحد وماوصل الدوا وبيعطونا حبوب هاي اللي بلغونا اياه يعطني الخطأ من مين الدوا غير متوفر وهوا دوا خطير لحالات الصرع يعني لو انقطع الدوا مصيبه احس اللي يشتغلون في صيدلية سدرا مهملين ومافي حد ايحاسبهم

  8. #8
    عضو فعال
    رقم العضوية
    49176
    تاريخ التسجيل
    Sep 2015
    الدولة
    الارض
    المشاركات
    1,755
    اقتباس المشاركة الأصلية كتبت بواسطة kitmat مشاهدة المشاركة
    اي والله الواحد ايأذن في خرابه اليوم مطرشه الدريول من الصبح والحين ثنتين الظهر لين الحين ماعطوه الحبوب لا والدوا شراب خلص من الصيدليه والحين قالو الدوا بيوصل الاحد وماوصل الدوا وبيعطونا حبوب هاي اللي بلغونا اياه يعطني الخطأ من مين الدوا غير متوفر وهوا دوا خطير لحالات الصرع يعني لو انقطع الدوا مصيبه احس اللي يشتغلون في صيدلية سدرا مهملين ومافي حد ايحاسبهم
    من أمن العقوبة أساء الادب

    الله يعينكم
    انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون

  9. #9
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    52,513
    يمكن مب فاضيين مشغولين مع كاس العرب

    في مستشفى حكومي أمريكي في قاعدة جوية كانت صج زحمة على الصيدلية والمتقاعدين ياخذون الوصفة من برا ويصرفونها في الصيدلية وأوقات يصير تأخير حول الساعة وشوي أكثر بس زحمة صج وبالأرقام والدور ما عندهم لف ودوران .. للتكرار والأدوية الثانية تتصل وتاخذها من الدرايف ثرو بالسيارة وبسهولة لو جيت بعد موعدك والدرايف ثرو يمكن8 خراطيم وكم مسار للسيارات بحاول احط صورة لها

    هذي صورة جوية للصيدلية الخارجية عن المستشفى وهي قريبة في القاعدة .. فيه سوق بعد ومطاعم كم مجمع مطاعم وفيه محطة بترول ومكان تصليح سيارات سفايف وآيل وهالسوالف محد له عذر للطلوع برا





    هذي صورة مقربة لمسارات السيارات والخراطيم تبين ورا شوي معلقة تمر تحتها السيارات وتتكلم مع الموظفين بزر وميكروفون وتسلمهم بطاقتك تنشفط في الخرطوم ويردونها لك مع الدواء والعملية تاخذ دقايق ودور اللي وراك بس ضروري تتصل قبل تطلب دواك وتكون وصفتك في الكمبيوتر



    عندنا مسوين في مدينة حمد الطبية في المواقف السفلية مكتب وفيه مدخل لسيارتين جنب بعض يعلمونهم بس يركبون كرسي الأطفال قلت ما تبيعون قالوا للعرض نشرح للي يبغي شلون التركيب ونركب له .. قلت زين من وين يشترون دلوني على بعض المحلات وسئلت هناك يركبون قالوا ايه .. والمكتب هذا لي حول سنتين وأكثر آمر عليه فيه وحدة كانت تكش الذبان من الملل وألحين مسكر وخارج الخدمة ليش ما يسوونه صيدلية لتسليم الأدوية حسب الطلب؟
    التعديل الأخير تم بواسطة معماري قطري ; 05-12-2021 الساعة 03:24 PM

  10. #10
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    52,513
    ما دامني فاتح قوقل ايرث دورت صيدلية عادية تجارية هي صيدلية ومحل لبيع أشياء كثيرة حتى المأكولات مثل السوبرماركت المفتوح في زاويته صيدلية .. تفتح لوقت متأخر من الليل بس الصيدلية تبقى 24 ساعة حتى لو سكر السوبرماكت تبقى شغالة بالدرايف ثرو والدرايف ثرو يبقى خيار لأوقات ما تكون فاتحة بالكامل .. المدخل الرئيسي هو الزاوية اليمنى فوق في الصورة للناس اللي تبي تنزل وتتسوق ومنصة التنزيل تحت في الصورة وسط والدرايف ثرو يسار تحت وعليه مظلة لوقت المطر ما يتأذى السايق ولا موظف المبيعات



    هذا التخطيط الحضري الحديث ما نحصله في المدن القديمة مثل نيويورك ومثيلاتها لكن نحصله في المناطق المطورة حديثاً وفي ضواحي المدن الكبيرة هذي .. عندنا يسوون درايف ثرو غصب حق مطاعمهم وإحنا ما نتعلم منهم ونسوي صيدلية تسليم للسيارة خارجية تسهل على الناس والإستلام يكون سريع .. وربعنا من الأطباء وكبار المسؤولين ما يقعدون في قطر سنة كاملة كل شوي رايحين وشايفين الطرق الحديثة وتنظيم المستشفيات والصيدليات وانا نقلت لكم الصورة واضحة وأتمنى توصلهم


صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •