اغنى دولة في العالم

[معماري قطري]

قطر دخل الفرد فيها كمتوسط حول 140000 دولار وايد أعلى من لكسمبورغ هذا أما قديم من زمان والا يالف

بس دخل الفرد ما يعني أغنى دولة .. ممكن السكان يكون قليل وللدولة مداخيل جيدة يطلع المتوسط عالي

حسب دراسة حديثة صحيح قطر تجي رقم 9 في سنة 2021 والله أعلم شالحقيقة في 2017 كانت رقم 1

https://statisticstimes.com/economy/...ta-ranking.php

[بوNasser]

حسب دراسة حديثة صحيح قطر تجي رقم 9 في سنة 2021 والله أعلم شالحقيقة في 2017 كانت رقم 1

https://statisticstimes.com/economy/...ta-ranking.php

هههههه

اذا احسبوا دخل الدولة مقسوم على كافة عدد السكان من مواطنين ومقيمين، اكيد بنتراجع في المرتبة.

[سالم الزهران]

هههههه

اذا احسبوا دخل الدولة مقسوم على كافة عدد السكان من مواطنين ومقيمين، اكيد بنتراجع في المرتبة.

ما اعتقد المقيم ينطر شي بلوشي، ورغم ان المقيم عنصر مهم جداََ الا ان التدقيق في وضعه أهم. غالباََ المقيم المزور شهادة اجرأ وياكل حق المقيم الطيب المثابر ويعكس صورة سيئة عن ربعه.. لكن اللوم على الجهة المعنية اللي ما قدرت تحمي لا المواطن ولا المقيم من مزوري الشهادات..

[بوNasser]

ما اعتقد المقيم ينطر شي بلوشي، ورغم ان المقيم عنصر مهم جداََ الا ان التدقيق في وضعه أهم. غالباََ المقيم المزور شهادة اجرأ وياكل حق المقيم الطيب المثابر ويعكس صورة سيئة عن ربعه.. لكن اللوم على الجهة المعنية اللي ما قدرت تحمي لا المواطن ولا المقيم من مزوري الشهادات..

حياك الله

ما كان هذا قصدي

انا اعتقد ان تصنيف متوسط دخل الفرد في الدول يشمل حسابات كثيرة قد يكون أهمها

متوسط دخل الفرد = دخل الدولة ÷ عدد السكان

[سالم الزهران]

ابقاك الله بو ناصر وكلامك مفهوم طال عمرك ونا حبيت الفت النظر الى كمية المقيمين اللي وضعهم مب قانوني.

[معماري قطري]

كلامكم صح القطري المواطن = 18% بالنسبة للسكان كله اللي يقسم عليه مدخول الدولة .. يعني خل نقول 30% قطريين مع بعض المقيمين هم المتحكمين في الثروة وهم اللي يوصلهم أغلب المدخول والبقية عمال بسطاء وموظفين برواتب متدنية

[سالم الزهران]

سؤال ممكن يحرف دفة الموضوع: رجل حبيب جداََ كان يعمل عندنا مبلط، راح قطر واظن بعد ثمان سنين لبس بشت؟ هذا مهما كنا نحب اخلاقه وامانته لكن شلي بيقدمه للبلاد مثلاََ؟

[سالم الزهران]

يالربع انا اعرف ان نسبة كبيرة من الناس حساسين وفقط عندهم حساسية لا عنده اقتراح لا عنده ذي ولا ذيج.. والله يسلط علي كل حاسد لأننا والله ما حن بحاسدين وكيف نتعدى على الله الرزاق سبحانه المتصرف في كل شيء.. لكن مقصدنا هو أن نذكر المهتمين واللي يدهم في الشغلة أن يرقوا معايير أوطانهم و هذا الشيء لكم وللأجيال القادمة.

نظام صريح واضح عادل، يستاهل تكافح عشانه

[معماري قطري]

سؤال ممكن يحرف دفة الموضوع: رجل حبيب جداََ كان يعمل عندنا مبلط، راح قطر واظن بعد ثمان سنين لبس بشت؟ هذا مهما كنا نحب اخلاقه وامانته لكن شلي بيقدمه للبلاد مثلاََ؟

الله رزقه وتوفق في اللي يرزه

أكيد عندنا وعندكم وفي كل مكان تقريباً فيه فئة من الناس عادي يتدفون بحرق الفلوس وذيلا عايشين عليهم ناس ثانيين

أعرف مقاول كل عماله مصريين وماشي معاهم زين .. يقول يسرقوني بس أسوي نفسي ما ادري .. الرجال طيب وحبوب يبني ألحين بيت محترم للحرمة الثانية ويرسل لي مقاطع وصور عنه .. فيه شغل وايد قوي .. طلب أرض لعمل سكن عمال وعطته البلدية وبناها بحديد وخرسانة 3 أدوار وتكفي عدد كبير من العمال أجرها واستفاد

[معماري قطري]

يالربع انا اعرف ان نسبة كبيرة من الناس حساسين وفقط عندهم حساسية لا عنده اقتراح لا عنده ذي ولا ذيج.. والله يسلط علي كل حاسد لأننا والله ما حن بحاسدين وكيف نتعدى على الله الرزاق سبحانه المتصرف في كل شيء.. لكن مقصدنا هو أن نذكر المهتمين واللي يدهم في الشغلة أن يرقوا معايير أوطانهم و هذا الشيء لكم وللأجيال القادمة.

نظام صريح واضح عادل، يستاهل تكافح عشانه

التطوير ضروري

أمس واحد ينقل لي خبر إن منطقة العزيزية شرقينا تم اقرارها تخطيطياً منطقة عمارات 6 أدوار ونفس الشيء للمرة الشرقية غربينا .. إحنا ربعنا مناحسين ما يبون تجاري ولا عمارات .. عندنا بيتين فيها وبعض الورثة متهددين على البيع لا وبرخيص والسماسرة يستغلون الوضع .. انا بس اللي رافض البيع وأحد الإخوان والوالدة الله يحفظها

لو بايعين بسرعة كان بتكون خسارتنا كبيرة جداً