المشاركة الأصلية كتبت بواسطة KHALiDiSH
عني انا اسوق سيارة كهربائية لي تقريباً 6 شهور... وافضل اختيار عملته... وبعدها حجزت سيارتين غيرهم للبيت وبعض الاصدقاء حجزو بعد.
السيارة الحالية الي استخدمها هي Tesla Model 3 والي حجزتهم بعد من وكالة تسلا فرعهم في دبي
سيارات تسلا تبدآ اسعارها من 160 لين 600 الف لبعض السيارات. (الاسعار حسب اسعار دبي مع الضريبه) وميزتها دائماً يحدثونها وانت في البيت وتقدر تتحكم بالسيارة بتلفونك وهي في نفس الوقت مفتاحك للسيارة.
1- الوكالات في قطر محدودة منها البورش و الاودي والبي ام دبليو
2- الاسعار تبدآ من 400 الف وطالع للوكالات الي فوق
3- المشاكل اغلبها في البورش حسب بعض كلام ربعي الي عندهم بورش... واي تحديث لازم توديه الوكاله
4- افضل سيارة من ناحية الامان والقيمة والتكنولوجيا هي شركة تسلا لكن مالها وكيل في الدوحة... اقرب وكيل في دبي والافضل بسبب انها لها اقدمية بالموضوع وصارلها اكثر من ظ،ظ* سنين بالمجال.
5- اذا ركبت شاحن في في البيت ما تحتاج تشحن برع البيت ابداً... اغلب السيارات تعطيك بين 350 الى 600 كيلو وهذه تكفيك على الاقل استخدام3 ايام... تشحن السيارة بالليل وتقوم الصبح تحصلها مفوله والشحن 3 انواع مفصلها تحت.
5.1- شاحن السوكت الكهرب العادي وهذا قوته تقريبا 3 كيلوات بالساعة يعني اذا سيارتك مفضيه كلش تحتاج 12-24 ساعه عشان تفول.
5.2- شاحن 3 فاز وهذا قوته تتراوح بين 11-22 كيلوات بالساعة... وال 11 للبيت ممتاز يعطيك 68 كيلو ممشي في الساعة ويشحن السيارة اذا مفضيه كلش في 6-7 ساعات... شاحن بقوة 22 يشحن السيارة اذا مفضية في 3-4 ساعات
5.3- الشحن السريع وهذا تحصله موزع في بعض الأماكن في الدوحة وممكن يشحن لك السيارة 80% في 20-30 دقيقة....
5.4- ما ينصح شحن السيارة 100% الا في حالة السفر حفاظاً على عمر البطاريه.
6- بخصوص الصيانة لا توجد صيانة ابداً فقط الأشياء الي فيها استهلاك من المشاشات التواير والسفايف وهذه اي مكان ممكن يبدلها لك.
7- بخصوص الحوادث وهذا فقط ينطبق على تسلا لانها ما لها وكيل... التأمين يخيرك باي وكاله في الدوحة تصلها واذا كان الحادث بسيط جداً يعني سمكرة امورك بالسليم اما السيارات الي لها وكالة في الدوحة فما عندك مشكله في التصليح.
واي سؤال اخر انا حاضر.
رد مع اقتباس