توقعات شهر يناير 2022

[ابو ملك]

السلام عليكم

نفتتح 2022 بموضوع شهر يناير

ان شاء الله عام خير وفير للجميع في عام 2022

شخصيا متوقع اداء مميز في 2022 لكثير من الشركات

[معماري قطري]

عليكم السلام ورحمة الله وبركاته

انا ما ابي افرط في التفاؤل وايد هذي السنة حققنا 11.4% إرتفاع ومع هذا نزلت أسهمنا كثير شفايدة المؤشر مرتفع .. أيام كان المؤشر 10600 أذكرها عدل كانت محفظتي أفضل من ألحين وألحين محقق ربح بسيط ومعدل بعض المراكز .. طلعت ارتفاعات مزايا والإجارة مضاربية سريعة شكلها للتصريف وإن شاء الله يكون للمسلسل بقية خلاص مليت من السهمين ومن العقار كله حتى الحقيقي اللي تحت يدي كله مشاكل

[معماري قطري]

سوقنا لاعبه الأساسي جهاز قطر للإستثمار وفيه لاعبين أقل درجة صارت هبة قوية يوم أول كورونا ونزول السوق لل 7000 ورفعوه بكل سهولة وقادرين يوصلونه قمم جديدة لو بغوا في 2022 وصراحة الكل يقول هذا وقته .. لكن أوقات هذا الجهاز عنده أفكار ثانية في الإستثمار المربح ربح حقيقي وقوي وخارج قطر وبنفس الوقت وهذا إحساس شخصي ما يبون القطري يربح منهم يشوفون أسهم الشعب ويضغطونها من قلب

[قطر 2030]

مادري وين هيئة الرقابة على السوق التعديلات الادارية اللي صارت وين شغلكم الحال نفسه ما تغير شي انشوف الأسوأ فقط وكأن تتعامل مع جلاد ويجلدك بلحظة على السهم اللي يتم الحديث عنه او التلميح له

افشال كل التحاليل الفنية عمداً كذلك اقصاء المحللين والتسلط الساخط على معظم أسهم الشعب زين ليه

السؤال ليه يتم الركض ورا الهبوطات العالميه فقط وما انشوفهم يركضون معاهم في الصعود كما الأسواق العالمية

هل السوق بيد شخص معين ويتبع مزاجه ومن هو ؟؟؟؟

[معماري قطري]

مادري وين هيئة الرقابة على السوق التعديلات الادارية اللي صارت وين شغلكم الحال نفسه ما تغير شي انشوف الأسوأ فقط وكأن تتعامل مع جلاد ويجلدك بلحظة على السهم اللي يتم الحديث عنه او التلميح له

افشال كل التحاليل الفنية عمداً كذلك اقصاء المحللين والتسلط الساخط على معظم أسهم الشعب زين ليه

السؤال ليه يتم الركض ورا الهبوطات العالميه فقط وما انشوفهم يركضون معاهم في الصعود كما الأسواق العالمية

هل السوق بيد شخص معين ويتبع مزاجه ومن هو ؟؟؟؟

ضحكوا علينا العالم سوقنا مرتفع نص ارتفاع سوق البحرين زين البحرين ثاني اقل سوق خليجي وصل 20% وشوي وبوظبي اكتسح ال 67% يا مال الشيسمونه

[معماري قطري]

الأوائل في نشر ثقافة الكرك والأوائل في الملاعب المكيفة والأوائل في الحدائق المكيفة والأوائل في مد يد العون لكل محتاج خارج الديار بس الأواخر في البورصة

[معماري قطري]

[معماري قطري]

سوقنا يذكرني بجوائز مغاطي البيبسي كله مكتوب حاول مرة أُخرى واللي يفوز يفوز بغرشة بيبسي ما تستحق يتعنى يروح يستلمها الا لو كان بيته جنب المصنع

[ابو ملك]

افااا يا بورصة قطر

المركز الاخير!!!

[داااايم السيف]

المشكله ان اغلب الارتفاعات بالقياديات لتجميل المؤشر العام ومع ذلك صرنا في المركز الاخير

الله المستعان