السلام عليكم
نفتتح 2022 بموضوع شهر يناير
ان شاء الله عام خير وفير للجميع في عام 2022
شخصيا متوقع اداء مميز في 2022 لكثير من الشركات
السلام عليكم
نفتتح 2022 بموضوع شهر يناير
ان شاء الله عام خير وفير للجميع في عام 2022
شخصيا متوقع اداء مميز في 2022 لكثير من الشركات
عليكم السلام ورحمة الله وبركاته
انا ما ابي افرط في التفاؤل وايد هذي السنة حققنا 11.4% إرتفاع ومع هذا نزلت أسهمنا كثير شفايدة المؤشر مرتفع .. أيام كان المؤشر 10600 أذكرها عدل كانت محفظتي أفضل من ألحين وألحين محقق ربح بسيط ومعدل بعض المراكز .. طلعت ارتفاعات مزايا والإجارة مضاربية سريعة شكلها للتصريف وإن شاء الله يكون للمسلسل بقية خلاص مليت من السهمين ومن العقار كله حتى الحقيقي اللي تحت يدي كله مشاكل
سوقنا لاعبه الأساسي جهاز قطر للإستثمار وفيه لاعبين أقل درجة صارت هبة قوية يوم أول كورونا ونزول السوق لل 7000 ورفعوه بكل سهولة وقادرين يوصلونه قمم جديدة لو بغوا في 2022 وصراحة الكل يقول هذا وقته .. لكن أوقات هذا الجهاز عنده أفكار ثانية في الإستثمار المربح ربح حقيقي وقوي وخارج قطر وبنفس الوقت وهذا إحساس شخصي ما يبون القطري يربح منهم يشوفون أسهم الشعب ويضغطونها من قلب
مادري وين هيئة الرقابة على السوق التعديلات الادارية اللي صارت وين شغلكم الحال نفسه ما تغير شي انشوف الأسوأ فقط وكأن تتعامل مع جلاد ويجلدك بلحظة على السهم اللي يتم الحديث عنه او التلميح له
افشال كل التحاليل الفنية عمداً كذلك اقصاء المحللين والتسلط الساخط على معظم أسهم الشعب زين ليه
السؤال ليه يتم الركض ورا الهبوطات العالميه فقط وما انشوفهم يركضون معاهم في الصعود كما الأسواق العالمية
هل السوق بيد شخص معين ويتبع مزاجه ومن هو ؟؟؟؟
الأوائل في نشر ثقافة الكرك والأوائل في الملاعب المكيفة والأوائل في الحدائق المكيفة والأوائل في مد يد العون لكل محتاج خارج الديار بس الأواخر في البورصة
سوقنا يذكرني بجوائز مغاطي البيبسي كله مكتوب حاول مرة أُخرى واللي يفوز يفوز بغرشة بيبسي ما تستحق يتعنى يروح يستلمها الا لو كان بيته جنب المصنع