وإذا سعر الراس الدوار 25000 ولا يستعملونه معناها القصور من اللي في يدهم التوجيه والمتابعة .. إحنا تعب صوتنا واحنا نتكلم .. تدري اليوم حفارين يشتغلون كل واحد له رنة غير .. واحد سريع مثل الطبل العراقي صغير وفيه شر كبير وواحد طمبق طمبق مثل طارة مرتخية في يد واحد حنون عليها
الحمد لله هدت الحفريات كثير .. راحوا وراء سور الحديقة العظيم وهو مصد قوي للصوت .. حسيت إنهم غيروا معدات الحفر بس مب حولهم نفعنا السور العظيم .. هذا يخليني أفكر في فكرة هندسية سهلة جداً .. ليش آذوا العالم اللي حول البيوت هذا السور بريكاست يجيبون قطعتين يثبتونهم بحديد أو أي آلية مؤقتة ويغطونهم باسفنج يمتص الصوت أو حتى بدون بيخفف كثير
بلاد تشيل حصاة في البر يطلع لك مهندس والمهندسين فيها أكثر من الشجر ليش ما عندهم حد يقترح هذي الحلول
ghالمشاركة الأصلية كتبت بواسطة معماري قطري
لان الحلول الناجعة ما لها مكان عندنا غير سلة المهملات و صاحب القرار يجهل سبب وجوده!
انهم قوم لا يفقهون و إذا فقهوا لا يعملون و إذا عملوا لا يتقنون و إن اتقنوا فإنهم ميتون
لقد كانوا سابقا يسجنون الناس لأنهم يسرقون أما الآن فهم يسجنونهم لأنهم يقولون الحقيقة
صادق التطوير يحتاج همة وروح وقوة وقرار قيادي ويكون بمثابة دستور للمؤسسات المختصة تمشي عليه مهما تغير قياديها
في رأيي يحتاج لجنة عليا من خبراء هندسيين قطريين كبار سن عاصروا الوضع وبنفس الوقت مفتحين وعارفين شيصير في العالم ووشي الحلول المنطقية واللي تفيد على المدى البعيد .. يدرسون أي مشروع من كل جوانبه ويضيفون عليه ما يضمن الحصول على 100% من فائدة المشروع
من يومين أتابع تلفزيون قطر والمذيعة في قطر مول وفي منطقة المطاعم داخل تمشي وتبرز المول بطريقة مبتذلة شوي وتقول اللي بيجي له جائزة .. لا وتقول أشياء الكاميرا توضح عكسها كأن إنه مليء بالمتسوقين واللي أعرفه كثير محلات فيه سكرت ومرات قليلة اللي رحت كنت أحس إني أمشي في مكان مهجور .. هذا مشروع وغيره كثير ما سوى إضافة قوية للمنطقة اللي هو فيها ويمكن نص حجمه كان كافي لفترة 20 سنة قادمة
ضوابط المشاركة
رد مع اقتباس