أمس مريت ا بي سي للبورسلان عندهم نوعيات حلوة وتسكر بعد نزول الماي فيها رداد مدمج مع الغطاء وطريقتها حلوة
جربنا الصفايات الجديدة اللي خذتها من اي بي سي وحدة وخذت ثانية من أنصار ستي ووايد زينة لا تسمعون صوت للماء وهو نازل من المغسلة ولا تطلع روائح ولا حشرات لأنها مسكرة ولها رداد بسبرنغ ينزل الماي ويسكر .. لها صور في موضوع مراجعة المخططات قبل الأخير بشوي
انزين حط لنا الصورة مرة ثانيه يازول
تُنسى ، كأنَّكَ لم تَكُنْ ..
صج إستويت زول باحط صيانة الحمام كاملة وشاك في بعض الأشياء ما عجبتني
خذت شور بوكس مع قاعدته تقريباً بحدود 1500 صيني من أنصار ستي وشاور مطري بحدود 600 ريال نسيت كم بالضبط ومروحة شفط من اكسبلير وانارة 60 في 60 ال اي دي ومراية مع انارة وبوكس تخزين بسعر 3600 كانت آخر قطعة عند العمودي .. شغل يدهم كان 1500 بس انكسرت قطعة زجاج فتح الباب عليها والغلط منهم وتسامحت معاهم جابوا شخص يصلحها واستبدلوها بمثلها بالضبط وركبوها ب 350
بحط الصور بعد شوي
هذي الصفاية بعد التركيب وركب لها سيليكون من الأطراف بقع الأرضية شوي لازم له بترول حتى يزال .. شغل بنقالي بس زين شال القطعة الداخلية اللي تعتبر رداد وركب جديدة صناعة قطرية بعد ما نظف داخل وشال الشعر وكان يطلع ريحة والرداد كانت ربلته منتهية لازم يتبدل .. شريناه ب 15 ريال من قريب من محلات العزيزية
الصفاية فيها رداد والسدادة الثانية تكون داخل الكوع
هذي المراية وراها بوكس وتنفتح أعتقد من فالوري أند بوخ حصلت قريبة منها عند المتحدة بس الليت من فوق وسعرها 4400 .. مشكلتنا هنا دورة المياه صغيرة حول 1.9 جهة المراية والمراية بروحها 0.9 متر والشور 0.9 ولازم فراغ بسيط بين المراية والشور وفراغ بسيط بين المراية والحائط الجانبي حتى تنفتح
المروحة جديدة من اكسبلير وحتى صوتها هاديء كلش وسعرها نسيت كم ممكن تحت ال 200 أو 100 ريال من الدرويش طريق سلوى .. والليت 60 في 60 داي لايت يوصل عمره لين 10 سنين ومجرب بضاعة الدرويش جودة ما يضاهيها ايش
البوكس السابق كان 80 في 80 وفراغ الدريشة محاذي له بالضبط حول 2 سم جنبه .. إضطرينا نركب قطع المنيوم ونثبتها في الحائط ونثبت عليها فريم البوكس .. ممكن ما تكون واضحة