الله يعينك ويرد حقك
كثير حقوق ضاعت والسبب تراخي القانون .. مرة واحد من الهوليغانز القطريين دعم سيارة البيت وشرد دعمة بسيطة عند المدرسة وشكله يمشي ويدعم .. خذوا رقمه وبلغت المرور كان عذرهم والله ذيه وايد بلاغات عليه ولا عنده تأمين ولا تسجيل .. زين يعني مرخص يدعم الناس! علموني شالحل قالوا لي صلح سيارتك وانسى موضوعه الهوليغانز عرجهم في الماي
صبحك الله بالخير اخوي و خارج من الشر ان شاء الله.
ما المفروض تنطر طول هالفترة لو شنو القطعه، تمر الوكالة بنفسك تتاكد من توفر القطعه و اذا السيارة عزيزة عليك تدفع لو نص قيمة القطعه اللي معطلتك و الجميع.
حماية المستهلك ما يسوون شي بحسب خبرتي معاهم و تشتكي على التأمين مو على القراج، تعاملة مع التأمين كجهة تصلح و تعوضك بينهم يختارون لك قراج "Sudcontrctor” و تعتبر القراجات مزودين خدمة فرعيين للتامين نفسه يعملون بإرشادات التأمين.
تروح الله يسلمك مصرف قطر المركزي للاوراق المالية او شي من هالقبيل مكانه اشارات المنتزه باتجاه شرق الى اشارات السينمات اول مبنى "العمادي" على يدك اليمين اول باب <<<< بتقول شدخل بس صارت معاي مرتين و خلال اسبوع توصلني فلوسي و يخلصون السيارة.
و هذا لوكيشنهم و اشرح لهم كلشي بالإثباتات، حماية المستهلك اذا مع الوكالة و سيارتك تحت الضمان فقط.
Qatar Credit Bureau
4422 2244
https://goo.gl/maps/J2hsUR39qaa8EYfH7
مو الكردت بيرو بس بينهم و بين المبنى اللي تاخذ منه عدد الاسهم اللي عندك
اتصلت عليهم وهذا الرقم الصحيح 44222244 وقالوا لي الجهة المختصة لتقديم الشكاوي ضد شركات التأمين راحوا مبنى ثاني وعطوني رقم اتصل ماحد يشيل المهم اني ضعت في الطوشة ولا سويت شيالمشاركة الأصلية كتبت بواسطة ya3coub
مب متوفرة الا بطلبية والكراج التعبان ما سوى الطلبية عن طريق الوكالة شكله طلبها من جولي شك وما وصلت من ذاك اليوم
تمر نفي المكان اللي ذكرتلك و تعطيهم كوتيشن اكثر من قراج + الوكالة و تطلبها بنفسك اخوي و يعطونك قيمتها طبعا من تعدي اسبوعين و على حالتك بيكونون ان شاء الله فصفك.
للاسف قانون التأمينات غير واضح و الضحية المتضرر و ليس المتسبب
ضوابط المشاركة
رد مع اقتباس