النتائج 1 إلى 10 من 10

الموضوع: مركز الرعاية اليومية الاولية - عطني مبلغ بكره ارده لك!

  1. #1
    عضو نشط
    رقم العضوية
    33694
    تاريخ التسجيل
    Aug 2010
    المشاركات
    520

    مركز الرعاية اليومية الاولية - عطني مبلغ بكره ارده لك!

    السلام عليكم

    بختصار الموضوع قلت اكتبه، يمكن بس صارلي ويمكن اكثر من حد
    انا عندي موعد كل ثلاث شهور، المهم اخر مرتين صادني نفس الموقف

    يجيني واحد من جنسية عربية ويقولي "سجل رقم جوالي اذا سمحت"
    تسأله ليش؟ يقول ابي منك 100 ريال وبردها لك بكره للعلاج وو وو
    في أول مره عطت الشخص بدون ما افكر يعني، لكن انصدمت ان صار نفس الموقف ثاني مره!

    هل هالشي صار صدفه والا الموضوع انتقل للمستشفيات؟

  2. #2
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    وعليكم السلام ..

    قبل كم يوم صادفت موقف جذي بس مافهمته ..
    في المستشفى لقيت وحدة عربية تتلفت وايد قاعدة جنبي .. وعقب جاء قطري وعطاها 100 ريال ..
    وراح ركب سيارته مع هله .. مافهمت الموضوع شنو الرابط بين الاثنين او شنو اللي صار ..
    بس يمكن مثل ماانت قلت .. وزوجي قال انها كانت تطالعنا طول الوقت ..

    يمكن اسلوب جديد .. لان المستشفى ماياخذون كاش كلش لازم ببطاقة البنك ..
    تُنسى ، كأنَّكَ لم تَكُنْ ..

  3. #3
    تميم المجد الصورة الرمزية سالم الزهران
    رقم العضوية
    49581
    تاريخ التسجيل
    Mar 2016
    الدولة
    نيس نيبورهود
    المشاركات
    13,843
    الله المستعان.. اهم شيء الرقم عندك عشان تتصل على شأن مية ريال! هذيلا ياخذون أموال الناس بلي الذراع أو بسيف الحياء وهم لصوص منعدمه أخلاقهم ومشاعرهم.

    اللهــــــم ارحم أخي فايز واسكنه فسيح جناتك وسائر أموات المسلمين

  4. #4
    تميم المجد
    رقم العضوية
    34399
    تاريخ التسجيل
    Sep 2010
    المشاركات
    5,084
    ماشفتوا شي أثناء كأس العالم بتشفون العجب

  5. #5
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    أساليب طرارة حديثة .. هذا اللي جبتيه لنا يا كعكعة المحروم

    من يومين جانا شخص ممكن في آخر الستينات عربي وفي يده عصا ودخل المجلس بقول بسم الله الرحمن الرحيم وكنت مقابله قلت وعليكم السلام ورحمة الله وبركاته .. الواجب يسلم الباب مفتوح وهو داخل بيسمي يسمي قبل أول ما نزل من السيارة صح بيكون

    المهم بدأ يشتكي من طلبهم مبلغ 2500 للإقامة لسنتين وإنه جاي يعالج كسر مضاعف في ظهره لكن يمشي زين وصحته تبين زينة ومتحدث بس تلاحظ في كلامه مغالطات .. تم يمدح في شخص خلص له الإقامة .. بس بعدين قال اجراءات الإقامة وله 49 يوم في قطر مخالف .. قلت له إحنا نحتاج مواعيد للعلاج وحتى نشوف سعادة الدكتور وضعنا صعب وطويل .. وقبل هذا واحد مد يده وسلمه مبلغ قبل ليقول بس قال له هديتك مقبولة وانا مشكلتي كذا وكذا وسرد قصة ال 2500 وكأن لازم ندفعها له حتى يدفعها للإقامة

    عارف مثل ذيلا يزورون 20 أو 30 ميلس في اليوم ولابس نظيف ومرتب وشغل على مستوى وواضح إنه جاي زيارة لأحد قرايبه وعايش معاه حتى بس يمارس الطلب من الناس ولو يروح للجهات الخيرية حسب ما قال ما عطوه بسبب ما عنده بطاقة قطرية وألحين يسعى لإستخراجها .. مثل ذيلا ملوا البلاد حتى بيوتنا يوقفون جنب بيبانها أو مقابل الباب ويترسون البيوت الصغيرة والضيقة بأهلها والسبب كعكعة المحروم اللي ما فيها قوانين ونظام يحد مثل هذي التعاملات وعارف الوضع صعب واستثنائي بس إحنا مقبلين على حدث مهم ومثل هالأشكال في البلاد لازم ينظر لهم بنظرة ثانية

    هل مثلاً لو بلغت عنه وشفت السيارة اللي جاي فيها وسجلت رقمها بيتتبعونها وبيقولون لي مشكور يالمواطن ما قصرت وبيمسكونه ويمسكون من يأويه يبعدونهم لو يستحقون الإبعاد أو يحاسبونهم .. رمضان هذا بيكون غير

    بعدين أي أجنبي ما عنده بطاقة بنك ويتم السحب من بطاقة قطري والمبلغ بسيط؟

    أظن صارت لي مرة وواحد عطاني بدال المبلغ المسحوب وصراحة ساعدته قال ناسي البطاقة وتصير ممكن تصير لأي شخص والناس لبعض بس استغربت من هذا اللي زارنا ومصر على مبلغ معين والظاهر شافنا كبار وفاهمين وبعضنا يبين أكبر منه ومحتاج للعلاج أكثر منه .. ولد عمي زعل من ردي عليه بأننا نحتاج لعلاج ومواعيدنا تطول بسبب الدخلاء والمقيمين وهم يشكلون الأكثرية وطلع الشيبة عنده احصائية بالأرقام مثقف وفاهم بس عارف ثغرات القانون والنظام عندنا

  6. #6
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    ما طول تقهوى بسرعة وراح وراه مشاوير وصحته زينة

  7. #7
    تميم المجد الصورة الرمزية سالم الزهران
    رقم العضوية
    49581
    تاريخ التسجيل
    Mar 2016
    الدولة
    نيس نيبورهود
    المشاركات
    13,843
    أبد، المفروض الجهة المختصة تسوي مكان (واحة الطرارة) نسلم فيه هالطراروة.. يعني اذا جاني ونا بركب سيارتي الزمه وعلى واحة الطرارة.. يجوز الدولة أو الحكومة بالأصح ما عندها أمكانية أولاََ تعلن أن التهجم ع الناس في مجالسهم واثناء قضاء مصالحهم في الأسواق والمجمعات لطلب مساعدة ماليه هي ضرب من ضروب الاحتيال والتغرير بالناس ويعاقب عليها القانون بالحبس لثلاثة أشهر وإبعاد من البلاد.

    هذا أنا سويت لك مادة في نظام الطراروة ولا تكلف الحكومة شيء.

    اللهــــــم ارحم أخي فايز واسكنه فسيح جناتك وسائر أموات المسلمين

  8. #8
    تميم المجد الصورة الرمزية sara jsm
    رقم العضوية
    30853
    تاريخ التسجيل
    Feb 2010
    الدولة
    في الماضي الجميل :)
    المشاركات
    23,907
    اقتباس المشاركة الأصلية كتبت بواسطة معماري قطري مشاهدة المشاركة
    ما طول تقهوى بسرعة وراح وراه مشاوير وصحته زينة
    سكر باب حوشك اللي كله مشرع ..
    وحط جلاد اسود على مجالسكم يعرفون وين يروحون
    تُنسى ، كأنَّكَ لم تَكُنْ ..

  9. #9
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اليوم سمعت عن سرقة 4 بيوت جنب بعض في العزيزية والسارق لابس قفازات وجاهز صرخت حرمة يوم شافته وشرد .. يدخل للسيارات في الحوش ويتوقع فيها فلوس .. المشكلة الفريج هذا آمن وكله أهل جنب بعض بيوتنا إحنا خليط وحولنا تجمعات عزاب ومنها واحد ملاصق في بيتنا

  10. #10
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة sara jsm مشاهدة المشاركة


    سكر باب حوشك اللي كله مشرع ..
    وحط جلاد اسود على مجالسكم يعرفون وين يروحون
    يحطون العين ويتلصصون كعكة المحروم تخلي لعاب المحروم يسيل

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •