زراعه شعر ؟؟

[qtri2013]

شنو تنصحون للي يبي يسوي زراعه

هل يرزرع في دوحه او برع الدوحه احسن ؟؟

للعلم اني مسوي زراعه قبل سنتين في تركيا والنتيجه زفت .....

ومتحسف على الوقت الي ضيعته وغير النفسيه بعد هاي النتيجه ..

للعلم انه عمري 20 ومصلع مب 30

واول مره بدا الشعر الجبهه يرجع في عمر 15 تخيل تكون صغير وشيبه و18 صلعت من قدام خلاص

والحين احس الصلع بيوصل التاج من را

ابي اشوف رايي الي جربو او يعرف حد زرع وشاف نتيجته اوكي

[سالم الزهران]

مساء الخير يا طيب.. اولاََ حالتك مشابهة لحالات كثير سمعت عنها بدأت مع اصحابها في مرحلة الدراسة الثانوية، يعني بنفس عمرك.

الشيء الثاني فيه عوامل كثيرة لازم تاخذها في الاعتبار، ففقدان الشعر لو سببه وراثي فالمفروض يبدأ بعد 35 سنة وفوق وبشكل تدريجي.. ويجوز يتأخر.

لكن في ناس يسقط شعرهم نتيجة لصدمات نفسية او حالات نفسية مروا فيها و هذيلا يجوز حالتهم تتطور اذا كانوا استخدموا علاجات للاكتئاب.. الخ.. هذي بعد لها أثر على الشعر وصحته.

أخيراََ التغذية لابد يركز الانسان عليها.
....

من ناحية الزراعة فيه زملاء راحوا نفس العيادة بتركيا واحد استفاد وواحد ما استفاد وعموماََ بين الدوحة وتركيا اظن الفرق في السعر ولا الممارسات وحدة مع ان الخبرة عند الاتراك والنصب عندهم متوفر بعد.

لكن قبل اللجوء للزراعة.. لابد تجد طريقة لوقف التساقط وهذي تحتاج فيها طبيب اختصاصي.. لأنك لو قدرت توقف التساقط فبتستفيد من الزراعة.. لكن شنو الفايدة اذا زرعت شيء والفروة طاردة له.

اهم شي وسع صدرك وان شاء الله تتوفق في اطباء وعلاجات تفيدك.. وامورك طيبة باذن الله.

[sara jsm]

صباح الخير اخوي الاصلع
الله يعوضك خير .. مرة كنت اسمع اخواني الشباب يسولفون عن زراعه الشعر وقالوا احسن مكان ( ايران )
يزرع لك على مدى مثلاً 3 ايام لكن النتيجة 90٪ مرضيه وناجحة ..
وعلى قولتهم حتى الحلاليق يقولون اكثر الناس اللي ازرعت في تركيا افشلت عملياتهم ..
نسبه النجاح في ايران اكثر بوايد وطبعاً ارخص بواايد ..

[أبوماجد]

يا أهلا وسهلا فيك يا غالي ، ونورت الله يحفظك وبدايَةً تحية للأخ العزيز سالم "ابو زيد" لجمال ما أضافه

ورُغم بداية أختنا الغالية "سارة" ومزحتها معاك يا غالي إلا أن إضافتها جديرة بالاهتمام ومُقارنة عمليات

زراعة الشعر في تركيا وإيران ، وفعلا عندي خالي الله يحفظه سواها في إيران وأبداً ما اشتكى وكان راضي

مِن أيام اجتمعت مع الربع اللي تعودنا نتلاقى معاهم بين فترة وفترة وكانوا يسولفون عَن إبرة تُحقَن في الراس

اللي جربها نلقبه دكتور وهو مطلع جداً على التغذية والطب البديل وإلى حَدٍ ما مثل الله يرحمه الوالد "سعيد البديد"

هو أخذ الحُقنة هذي في قطر وأتوقع من كلامهم مَركز طبي متخصص وهُو واثق مِن فاعليتها وأنها آمِنة بإذن الله

أحياناً مِن رحمة الله تعالى أن الناس تشوفك وانت مُجرد أمامهم مِن المال والمنصب وحتى الجمال الظاهر .!!

الله يحفظ أم ماجد اللي مِن زمااان كل ما جيت أقول لها باسوي زراعة تقوم وتحب راسي .! وتقول مافي داعي

إسأل مِن فضلك عَن الحقنة وإذا يهمك موضوعها باسأل لك الشباب عَن اسم المركز وأي معلومات مُفيدة ؛

تقبل أرق تحية وتقدير ،، ودُمت بخير

<><><><><>

[كيلو حديد]

شنو تنصحون للي يبي يسوي زراعه

هل يرزرع في دوحه او برع الدوحه احسن ؟؟

للعلم اني مسوي زراعه قبل سنتين في تركيا والنتيجه زفت .....

ومتحسف على الوقت الي ضيعته وغير النفسيه بعد هاي النتيجه ..

للعلم انه عمري 20 ومصلع مب 30

واول مره بدا الشعر الجبهه يرجع في عمر 15 تخيل تكون صغير وشيبه و18 صلعت من قدام خلاص

والحين احس الصلع بيوصل التاج من را

ابي اشوف رايي الي جربو او يعرف حد زرع وشاف نتيجته اوكي

نفس حالتي بالضبط بس للحين ما سويت زراعة
الي سمعته من الي مسوينها يفضلون ايران على تركيا

نصيحتي من جهتين
الأولى تهتم بتغذيتك وتكثر من الخضراوات وعصائرها و تسندها ببعض المكملات الزينة من فيتامينات ومعادن
مثل البيوتين اذا مب غلطان بالاسم و الاهتمام بتوازن النحاس مع الزنك لأن نقص النحاس يسبب الشيب المبكر ووتهتم ما ينقص المغنيسيوم
بس لازم تختار مكملات زينه مصادرها طيبه
الثانية لازم تركب فلتر للماي يزيل الكلور والفلور
هذه النصايح تحافظ على الباقي ولو زرعت يكون الجسم جاهز لتغذية الشعر المزروع

وتقبل الصلع هو الحل الأمثل

[الكواري 1972]

ياسلام عليك

الربع عندنا كلهم في تركيا والحمدلله امورهم طيبه

كلهم سوو العمليه في فصل الشتا وقعدو هناك من سبوعين لشهر

ولكن كانو حرصين ياخذون العلاج

اهم شئ اضرب الابره كل شهر

[qtri2013]

صباح الخير اخوي الاصلع
الله يعوضك خير .. مرة كنت اسمع اخواني الشباب يسولفون عن زراعه الشعر وقالوا احسن مكان ( ايران )
يزرع لك على مدى مثلاً 3 ايام لكن النتيجة 90ظھ مرضيه وناجحة ..
وعلى قولتهم حتى الحلاليق يقولون اكثر الناس اللي ازرعت في تركيا افشلت عملياتهم ..
نسبه النجاح في ايران اكثر بوايد وطبعاً ارخص بواايد ..

للأسف اني زرعت في تركيا وانخدعت والمنسق من جنسيه عربيه وشغالين نصب على ناس -- بعد البحث اكثر من شخص انصب عليه من نفس المركز من منسق او منسقه الله لا يوفقهم

اخترت الارخص وهاي نتيجه للعلم انه الدكتور بس رسم لي الخط وباقي العمليه على الممرضين

للاسف انت وحظك اذا لقيت مركز محترم

والنصابين اكثر شي من جنسيه معروفه بدون ذكر

[qtri2013]

نفس حالتي بالضبط بس للحين ما سويت زراعة
الي سمعته من الي مسوينها يفضلون ايران على تركيا

نصيحتي من جهتين
الأولى تهتم بتغذيتك وتكثر من الخضراوات وعصائرها و تسندها ببعض المكملات الزينة من فيتامينات ومعادن
مثل البيوتين اذا مب غلطان بالاسم و الاهتمام بتوازن النحاس مع الزنك لأن نقص النحاس يسبب الشيب المبكر ووتهتم ما ينقص المغنيسيوم
بس لازم تختار مكملات زينه مصادرها طيبه
الثانية لازم تركب فلتر للماي يزيل الكلور والفلور
هذه النصايح تحافظ على الباقي ولو زرعت يكون الجسم جاهز لتغذية الشعر المزروع

وتقبل الصلع هو الحل الأمثل

نسيت اذكر لك انه الصلع الي عندي ماله دخل في التغديه

الي عندي صلع وراثي .. بسبب هرمون الي ياثر على الشعر

[qtri2013]

ياسلام عليك

الربع عندنا كلهم في تركيا والحمدلله امورهم طيبه

كلهم سوو العمليه في فصل الشتا وقعدو هناك من سبوعين لشهر

ولكن كانو حرصين ياخذون العلاج

اهم شئ اضرب الابره كل شهر

للأسف اكثر الي شعالين في مراكز زراعه الشعر ماعندهم شهادات وجاي يتعلم عليك ويسون فيك تجارب

[كيلو حديد]

نسيت اذكر لك انه الصلع الي عندي ماله دخل في التغديه

الي عندي صلع وراثي .. بسبب هرمون الي ياثر على الشعر

عني مااقتنع بتفسير وراثي هو السبب
لكن لنفترض هالكلام صحيح
الصحيح بعد ان التغذية الطيبة تعالج الخلل الوراثي

الصعوبة تكمن في تفسير ومعرفة معنى التغذية الطيبه