صفحة 2 من 2 الأولىالأولى 12
النتائج 11 إلى 15 من 15

الموضوع: أعلى الشركات ربحية للسهم للربع الأول 2022

  1. #11
    عضو نشط جداً
    رقم العضوية
    10829
    تاريخ التسجيل
    Aug 2006
    المشاركات
    1,099
    اقتباس المشاركة الأصلية كتبت بواسطة معماري قطري مشاهدة المشاركة
    الله يعافيك ويبقيك

    صحيح وكان عادي تتأخر بعض الشركات وأعتقد المستثمرين ما وصلني توزيعهم ومب متأكد .. بس بنك مثل الريان هذي أول مرة وشكل فيه شيء ما ندري به

    وصلنا لرقم 17 شركتين كلهم تأمين الخليج التكافلي وكيو ال ام بربحية 0.08 ريال والتكافلي وزعوا 0.075 ريال وربحيته تغطي التوزيع وسعره 3.687 .. محقق تراجع بسيط عن العام وتوزيعه العام شحيح مع ربحية للسهم في الربع الأول بس تغطي التوزيع وتزيد 0.086 ريال .. وين بقية الأرباع .. نسبة التوزيع للسعر 2% ونسبة الربح المحقق للسعر شوي أكثر ويعتبر ايجابي بس يعتمد على باقي الارباع وعلى التوزيع .. كيو ال ام كان توزيعهم 0.22 ريال وهو مقارنة بالتكافلي فوق الضعف وسعره 5.50 وتوزيعه لسعره 4% بعد حول ضعف نسبة التكافلي

    رقم 18 عندنا ثلاث شركات حققوا ربح 0.07 ريال مجمع المناعي سعره 8.89 والعام وزع 0.3 ريال وتوزيعه على سعره 3.375% والربح المحقق للسعر 0.787 ريال نفس إنماء وممكن يوصل نفس ربح العام .. المستثمرين بعد حقق نفس الربح 0.07 ريال ومحقق نمو كبير بين العام والسنة وسعره 2.37 والعام موزع 0.1 ريال .. نسبة التوزيع للسعر 4.2% والربح قريب للتوزيع وبسهولة يتعداه ويوزع أكثر هذي السنة والفرق سعره الرخيص مقارنة بالمناعي .. الدوحة للتأمين آخر شركة محققة 0.07 ريال ووزعت العام 0.12 ريال وسعرها 1.948 ريال والتوزيع للسعر = 6.16% وايد زين والنمو كبير فوق 40% يعني مرشحة تجيب نتائج ايجابية أكثر هذي السنة

    رقم 19 الأهلي 0.066 ريال للسهم وسعره 4.00 ريالات والعام كان توزيعه 0.15 ريال و5% مجاني وتوزيعه لسعره يعادل 5% ومحقق نمو بسيط وأعتقد نفس نسبة التوزيع بيوصلها هذي السنة

    وأستكمل الباقي وقت لاحق
    من اين استلم ارباح اسهم كيو ال ام

  2. #12
    عضو نشط جداً
    رقم العضوية
    10829
    تاريخ التسجيل
    Aug 2006
    المشاركات
    1,099
    من اين يمكن استلم ارباح كيو ال ام

  3. #13
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة عليه العوض مشاهدة المشاركة
    من اين يمكن استلم ارباح كيو ال ام
    أسهل لك تاخذ الآي بان الرسمي من البنك وهذا ما ياخذ دقايق وبعدين تروح السجل المركزي مع بطاقتك وتعبي نموذج التحديث لبياناتك وتكون مرتبط بالسجل المركزي وتنزل الأرباح في حسابك بدون تعقيد .. من وين والله ما أعرف

  4. #14
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة السيف5 مشاهدة المشاركة
    ماقصرت ..كفيت ووفيت بوعبدالله

    تسلم
    العفو إخوي السيف 5 والله يحييك

  5. #15
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    رقم 20 القطرية العامة للتأمين 0.065 ريال وبسعر حالي 1.925ريال وكان توزيعها 2021 ولا شيء 0 نسبة ربح السهم المحقق للسعر الحالي = 3.3766% تعتبر عالية بالنسبة لربع واحد ولو مشينا على نفس المستوى ممكن توصل ل 13.5% والعام كان ربح السهم 0.056 وغريبة ليش ما وزعوا الظاهر طلعت الخساير بعدين

    رقم 21 دلالة 0.064 وبنسبة نمو تعتبر الثالثة الأعلى بعد الخليج الدولية وإنماء تقدر ب 381.03% وما وزعوا العام لكن نسبة الربح المحقق للسعر الحالي البالغ 1.70 تعادل 3.764% وبعد تعتبر عالية ولو مشت على نفس المستوى ممكن تحقق 15%

    رقم 22 قطر للتأمين بربح 0.062 ريال والعام وزعوا 0.1 ريال وربحهم فوق نص التوزيع وسعر السهم 2.45 .. ونسبة التوزيع للسعر = 4.08% ونسبة الربح المحقق للسعر 2.53% والنسب جيدة وبإذن الله السهم لإرتفاع

    رقم 23 الرعاية 0.060 ريال والعام ربحهم كان 0.080 والهبوط يعتبر متوسط وإن شاء الله يعوض السهم سرعة .. سعر السهم الحالي 6.90 ريال والعام وزع 0.25 ريال ولو مشى على نفس المستوى ما بيوصل لسعر التوزيع للعام لكن الشركة مؤكد يجيها نمو كبير في الأرباح نتيجة لتطبيق التأمين الصحي ولزيادة زوار البلاد هذي السنة .. نسبة التوزيع لسعر السهم الحالي 3.623 ونسبة الربح المحقق للربع الأول للسعر الحالي 0.87% النسب متواضعة بس إرتفاع السهم السوقي آخر يوم كان فوق 5%

    رقم 24 بروة 0.059 وبنسبة نمو عن العام 20% وشكل القطاع العقاري يعود بقوة ووزع السهم 0.175 ريال وسعره الحالي 3.395 ريال ونسبة التوزيع للسعر 5.15% والمحقق من ربح للسعر 1.738% نسبة المحقق للسعر تعتبر متواضعة لكن التوزيع كان وايد جيد الا ممتاز والقطاع العقاري بتزيد ربحيته بسبب عقود التأجير اللي بدت شهر 4 يعني نتوقع قفزة في الربح للربع الثاني والثالث .. أشوف الدخول فيه آمن خصوصاً الأسعار مناسبة

    رقم 25 مصرف الريان 0.054 ريال وبإذن الله يرجع لربحية أعلى بكثير من ذي .. وزع 0.17 وسعره الحالي 5.39 وممكن يوصل لحدود مقدار التوزيع سريع وأتوقعه في الربع الثاني .. نسبة التوزيع لسعر السهم 3.15% ونسبة الربح المحقق للسعر 1% بالضبط والنسب تحت المتوسط .. في أسوأ الأحوال ممكن يحقق 4% وتوزيعه تعودنا يوزع زين بس العام خذلنا .. توزيعه لن يقل عن 0.15 وهذا في أسوأ الأحوال لكن ممكن بسهولة يكون ضعف هذا الرقم

    رقم 26 الخليج الدولية بربح 0.045 ريال وبنسبة نمو فوق 1400% وصحيح ما وزعوا ل 2021 لكن نسبة المحقق من ربح لسعر السهم البالغ 1.947 ريال يساوي 2.311% ولو مشى على نفس المستوى ممكن يحقق حول ال 10% ربح لسعره هذا وعادي وقتها نشوف السعر متضاعف وشفنا كيف ارتفع لمت أب بعد الإعلان وأتوقعه يواصل ارتفاعات جيدة مب شرط لمت أب

    رقم 27 قامكو بربح 0.043 وارتفاع في النمو يقترب من 94% وكان توزيع السهم 0.08 ريال وسعره الحالي 2.40 ونسبة التوزيع للسعر 3.333% ونسبة المحقق من ربح للسعر 1.79% .. فرصة لو نزل سعر السهم شوي

    رقم 28 مسيعيد 0.035 ومحقق نمو بسيط وكان توزيعه 0.11 ريال وممكن يجيب التوزيع في 3 أرباع وسعره الحالي 2.59 .. التوزيع للسعر = 4.25% والمحقق للسعر = 1.35%

    رقم 29 السينما 0.03 بعد محقق نمو جيد وسعره الحالي 3.50 وتوزيعه كان 0.06 ريال .. جاب نص التوزيع ونسبة التوزيع للسعر 1.7% وايد متدنية .. سهم فاشل من جميع النواحي .. معاه سهم بنك الأول متعادل بنفس الربح 0.03 ريال والأول ما وزع ونسبة الربح للسعر 1.568 تساوي 1.91% نسبة معقولة وقابلة للزيادة بسهولة خلال الأرباع القادمة

    رقم 30 المتحدة للتنمية 0.023 ريال والنمو فوق 73% والتوزيع كان العام 0.055 والسعر 1.45 ونسبة التوزيع للسعر 3.79% ونسبة المحقق من ربح للسعر 1.586%

    وبكمل لو أسعفني الوقت والا ننسى الباقي



صفحة 2 من 2 الأولىالأولى 12

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •