هذا ترتيب للشركات حسب إعلانهم من الأعلى ربح للسهم للأقل خلال الربع الأول 2022
أولاً صناعات قطر بربح 0.45 ريال للسهم وهو فرق كبير بينه وبين الثاني 0.36 ريال وصناعات توزيعها حول ال 90% من الربح وأكيد بدري الكلام عن التوزيع بس على سبيل المقارنة 0.36 ويتوزع منها حول 40% و 0.45 ويتوزع منها 90% وكذلك الفرق واضح في سعر السهم لصالح صناعات .. سعر السهم الحالي 18.81والتوزيع كان ريال والنسبة 5.316% وللحين اقتناء السهم مجدي ويستاهل .. نسبة المحقق للسعر 2.39% .. أشوفه يقول للعشرين وينك يايك يايك
ثانياً الوطني والمصرف ربحيتهم 0.36 ريال .. توزيعهم كان 0.55 للوطني و 0.575 للمصرف .. وصلوا ربح هذا الربع فوق نص اللي وزعوه عن السنة كاملة
سعر الوطني 23.25 وتوزيعه لسعره 2.366% ما يسوى في رأيي .. المصرف 24.49 ونسبة توزيعه لسعره 2.348% .. أكيد بيدعمهم نمو أرباحهم اللي بيكون كبير بسبب زيادة الفائدة
ثالثاً 0.35 ريال للكهرباء والماء وهي ربحية ثابتة وتوزيع معروف سخي فرق عن البنوك .. توزيع الشركة 2021 كان 0.80 ريال .. سعر السهم الحالي 17.10 ونسبة الربح للسعر 4.68% ونسبة المحقق للسعر 2% والنسبتين بعد عاليتين وأعلى من وقود
رابعاً 0.32 ريال ربحية شركة الملاحة القطرية وللأسف توزيعهم قبل كان أفضل أيام مجالس إدارات سابقة لكن الحين ميزتهم يدعمون السهم ويرفعونه وهذي ملاحظتي ولو توزيعه بسيط .. مثله مثل بعض البنوك حيث كان التوزيع العام 0.3 ريال وفي هذا الربع تعدوه .. سعر السهم الحالي 8.51 ونسبة التوزيع للسعر 3.525% وهي تقريباً نفس نسبة المحقق للسعر
خامساً 0.26 ريال لوقود والشركة في نمو حتى لو بسيط وتوزيعاتها جيدة .. ووزعت في 2021 مبلغ 0.76 ريال .. سعره الحالي 18.33 ونسبة التوزيع للسعر 4.14% ونسبة المحقق للسعر 1.42% والنسبتين وايد جيدين وفي رأيي مسئلة وقت لو مشينا على نفس الأرباح ونشوف السهم فوق العشرين ريال
سادساً 0.22 ريال للميرة ومعروفة بسخاء توزيعها وزعت 2021 مبلغ 0.9 ريال .. سعر السهم الحالي 19.00 ونسبة التوزيع 4.73% ونسبة المحقق للسعر 1.157% .. حتى لو وزع السهم أقل على فرض ربحية السهم ما بتزيد بيكون بحدود 0.8 ريال وعلى سعره الحالي مجدي وجيد فوق ال 4%
سابعاً 0.21 ريال لأوريدو إرتفاع كبير في الربحية هل يستمر والا بعد سالفة سعر الصرف وربحية آخر العام تنزل .. وزعوا العام 0.3 ريال وسعر السهم الحالي 7.489 ريال ونسبة التوزيع للسعر 4% تعتبر مجدية وعالية وإذا إستمرت الأرباح على هالمستوى ممكن بسهولة يوزعون ضعف العام
ثامناً 0.19 ريال للدولي والعام وزع 0.375 .. يعني جاب نص ما وزعه في الربع الأول وهذا يدعم سعر السهم بإذن الله وسعره الحالي 11.55 ونسبة التوزيع للسعر الحالي 3.25% نسبة معقولة ونسبة المحقق من ربح للسعر 1.645%
تاسعاً 0.17 للتجاري والإسلامية للتأمين .. الشركتين على التوالي وزعوا 0.16 ريال توزيع شحيح للتجاري وجابه وزاد عليه في الربع الأول والإسلامية للتأمين 0.40 ريال جابت 42.5 % من اللي وزعته وعادي في الربع الثاني تجيب الباقي وممكن هالسنة يكون الربح كثير أفضل والتوزيع كذلك .. سعر التجاري الحالي 7.689 ريال والتوزيع للسعر 2.08% وسعر الإسلامية للتأمين 8.60 وتوزيعها لسعرها 4.65%
عاشراً 0.16 ريال لزاد والعام موزعين 0.65 ريال + 5% أسهم مجانية ونزلت ربحية السهم درهمين عن الربع الأول للعام بسبب زيادة الأسهم .. لو استمروا على نفس الوضع ممكن نشوف نزول في التوزيع وفي ربح آخر السنة .. سعر السهم الحالي 18.30ريال والتوزيع للسعر 3.825% ونسبة المحقق من ربح للسعر 0.874% .. إنماء تتغلب عليه
رقم 11 تجي مقدام بربحية للسهم 0.139 ريال والعام وزعوا 0.35 ريال + 36% مجاني نقدر نقول توزيعهم 0.71 ريال وجابوا نسبة 19.577% من اللي وزعوه ويبقى التحدي هل يجيبون السنة نفس توزيع العام؟ نسبة التوزيع للسعر الحالي 7.20 تعادل 9.86% ونسبة المحقق من ربح للسعر 1.93% ولو مشى على نفس النسبة ممكن يحقق آخر السنة 7 الى 8% ربح وشكثر يوزع منها الشركة جديدة وأول توزيع سخي جداً ما أتوقع توزيعهم يقل عن 0.4 ريال وممكن أسهم مجانية بعد
رقم 12 بنك الدوحة 0.13 ريال والعام وزع 0.075 ريال وتقريباً محقق ضعف ما وزعه العام بس تعودنا مهما تحقق البنوك توزيعها شحيح هل يتغير الوضع مع زيادة الفائدة؟ ممكن وتقريباً شبه مؤكد البنوك بتمسك أسعارها اللي وصلتها ومرشحة للإرتفاع .. نسبة التوزيع للسعر الحالي 2.60 = 2.88% لكن نسبة الربح المحقق للسعر الحالي 5% وايد زينة يعيبه مستحيل يوزع زين
رقم 13 الإسمنت 0.12 ريال والعام وزع 0.3 ريال والسنة بإذن الله يحقق نمو وزيادة ويزيد التوزيع .. سعره 5.073 ونسبة التوزيع 2021 للسعر الحالي 5.9% نسبة وايد جيدة .. نسبة الربح المحقق للسعر الحالي 2.365%
رقم 14 إنماء سبحان مغير الأحوال 0.113 ريال والعام موزعين 0.05 ريال .. غطوها بزود فوق الضعف ولو مشت على نفس المستوى ممكن تنافس الإسمنت أقل شيء في التوزيع وسعرها يكون غير بإذن الله .. سعر السهم حسب اغلاق ما قبل العيد 6.35 ونسبة التوزيع للسعر 0.787% ولا شيء لكن نسبة الربح المحقق للسعر 1.78% .. نسبة معقولة وفي نمو كبير
رقم 15 مخازن 0.10 ريال توزيعهم كان 0.1 ريال وحققوا نفس التوزيع في الربع الأول ويفترض الشركة تزيد توزيعاتها وترتفع لأرقام أعلى سريعاً .. سعر ما قبل العيد 4.245 ونسبة التوزيع للسعر 2.356% ما لم يرفعوا التوزيع إرتفاع يتناسب وربحية السهم ما اشوف السهم يسوى بس واضح إن السهم ممسوك من كبار ملاكه
رقم 16 التحويلية 0.086 ريال وكان توزيعهم 0.12 ريال وحققوا فوق 75% من التوزيع .. سعر السهم ما قبل العيد 3.104 ونسبة توزيع السهم سنة 2021 لسعره الحالي 3.866% .. فيه أسهم ثانية نسبة توزيعها وايد أعلى
باكمل بإذن الله مع البقية لاحقاً
|
رد مع اقتباس
المشاركة الأصلية كتبت بواسطة alkaldi
