إذا اسمه يبدأ بالميم خلاص إخوي هو فتح تجهيز أعراس وسكر وألحين داخل المقاولات من أوسع أبوابها بس شكله بيطيح طيحة قوية كله ديون ومشاكلالمشاركة الأصلية كتبت بواسطة أبوماجد
|
إذا اسمه يبدأ بالميم خلاص إخوي هو فتح تجهيز أعراس وسكر وألحين داخل المقاولات من أوسع أبوابها بس شكله بيطيح طيحة قوية كله ديون ومشاكل
للامانه للحين ما سمعت قطري اشتكي ع شركه مقاولان في المحكمه عن التاخيرات والمحكمه ردوا حكه.. الشركات هنيه يستغلون نقطه ضعف المحاكم وانها تطول ويدرون ان اللي يبني يبي يخلص وما يبي بيته يوقف..
يارب االفرج على الجميع
لاكن ارجع واقول هل فيكم كسب قضايا ع شركات المقاولين.. واعذارهم الكثيره
انا أعرف ناس خذوا شيء من حقهم .. وبعد محضر الحالة اللي عليها البيت بالتصوير وبتقرير المهندس المحكم من المحكمة وهذا ياخذ تقريباً أسبوع وبمقابل مالي بسيط على ما اعتقد 5000 تدفع للخبير الهندسي .. بعد المحضر يحق لك تكمل مع اللي تبيه وقضيتك وحقوقك وحقوق المقاول يبت فيها الحكم شوي براحته بس استوت هالقضايا ذي سريعة ومستعجلة لأن غالبها واضح
معماري اخوي قلت محضر السؤال الحين
شنو دور المحضر
وهل المحضر يلغي العقد القديم
لا لازم بيرجعون للعقد .. المحضر حق معرفة وين وقفت الأعمال لو مقاولك موقف وتارك الموقع .. لو مقاولك للحين يشتغلون عماله والخلاف على فترة التأخير بس إحتمال ما يوقفونه ويحددون أسباب التأخير وإذا ممكن تطبق الغرامات اليومية أو لا .. شغلهم نهائي مب احترافي وقصة بس بدوا يسرعون القضايا وينتدبون خبير هندسي بسبب تعيين خبراء زيادة يغطون مجالات العمل
إنت ليش ما تتكلم مع مقاولك وتكون واضح .. تقول له مب مرتاح لشغلك ولا بعاجبني وودي ألغي العقد معاك خل نشوف شاللي لي واللي لك ولو وافق تاخذ منه تعهد إنه خذ أتعابه كلها ولا بيطالبك بشيء .. عاد مسئلة توقيعه الرسمي ومن مخول بالتوقيع هذا يدققها الإستشاري والا انت لو عندك المعرفة كيف .. بعضهم يرسل لك شهص غير مخول بالتوقيع وممكن يوقع لك توقيع مب صحيح الا يكون عندك كتاب التخويل من إدارة الشركة مختوم وموقع وفيه نموذج توقيع الشخص المخول .. الموضوع قانوني هندسي من هشكل قلت لك عن طريق الاستشاري
المقصد حق يطلعون معاك مهندس لازم أسباب مقنعة عندهم أما تأخير الله أعلم وحتى للتأخير مراسلات من قبل الإستشاري وتحديد الأسباب وبعدين لتطبيق الغرامات آلية ولازم عبر كتب تحدد التأخير والغرامة عن كل يوم تأخير كما في العقد
ترى إذا نتيجة الفحص للخرسانة المسلحة بتكون راسبه
واذا الخرسانة للاساسات لازم ما تقل عن 40 نيوتن للكيوب
هم ياخذون ثلاث عينات أو أكثر حسب متطلبات الاختبار وطلب المالك أو استشاريه ويفحصونها ممكن تجي وحدة 18 كيلو نيوتن في المتر المربع هذي ما تعتمد وممكن وحدة تطلع 40 أعتقد ياخذون ثلاث ومنهم يطلعون المعدل يشيلون أقل شيء وأعلى شيء لو 5 مثلاً .. 23 في 28 يوم أشوفها مقبولة لو خرسانة التصميم 30 وبتوصل ال 30 وممكن فوق خلال فترة .. الخرسانة تفاعلها يستمر سنوات وظروف التفاعل كثيرة حتى صعب يحددها القياس العلمي بسهولة منها مكونات التربة وكيميائيتها ونوعية الحديد وحمايته والمياه ومياهنا مليانة كلور والكلور عدو حديد التسليح والأملاح عدوة الإسمنت
المهم الخرسانة بعد 10 سنين تكون أقوى من شهر في غالب الدول اللي فيها ظروف طبيعية .. في قطر بسبب أملاح التربة والكلور في ماي الخلط والشغل الرديء عند بعض المقاولين تضعف .. البيت اللي يصمد 10 أو 15 سنة بدون مشاكل كراكات واضحة وتبغي تشتريه إذا ما فيه مشاكل مياه أو صيانة عظمى إخذه وانت متطمن
بعض الناس يقطون اللوم على الجو وهذا جايز في حالة تفاوت الحرارة بين حرارة عالية تسبب تمدد وبرودة قوية تسبب انكماش وعلى دورات متعددة .. البيت اللي معزولة خرساناته وجدرانه عزل جيد قليل اللي تجيه هذي التأثيرات وفيه بيوت في قطر وصلت أعتقد 70 سنة بدون مشاكل صيانة للخرسانات واستبدال منها مثل ما أشوف القصر اللي في الريان قديم جداً وبيوت في السد قديمة أتوقع عمرها 50 سنة على الأقل وأكثر وأذكرها وانا أقل من 10 سنوات .. قصر سمو الأمير وقصر الضيافة في ارميلة ويميزه سقفه المنحني لأعلى وفيه فتحات إنارة صغيرة زجاجية .. أشوفه تحفة معمارية بنيت من الزمن القديم وصامدة للآن
من يقول الظروف تغيرت والأرض ريحت نعطيه هذي الأمثلة الواضحة وكلها خرسانية وطابوق وفي قطر وفي وقت الحديد عادي وضعيف والطابوق بعضه بماء بحر والرمل كله أملاح بس الشغل نظيف وقتها
شفت مبنى من أيام الإنجليز أعمدة ليوانه 15 في 15 سم خرسانية صج متهالكة ومتكسرة وخفت أركب فوق بس عايش كان وأعتقد هدموه من فترة لأنهم يبنون بنيان حديث في المنطقة
ياهلا اخوي.. والله مادري سويت فحص تست كور للخرسانه وطلعت هءي النتيجه يقول التيسر انها مقبوبه
ضوابط المشاركة
رد مع اقتباس