إذا كان الغاليين سعود و بوعبدالله يقلبون أي موضوع لموضوع خرسانة واسمنت وطابوق .. الخ
فما بال موضوع مثل موضوعك الشيق ياخوي ابو ضمير صاحي .. جعل من جابوك الجنة
تعال معاي نصفط على جنب ونستمتع معاهم ولعل ابو عبدالله لاعب مُحترف واخوي سعود لاعب صاعد
لا عدمناكم ولا عدمنا مثل هذي الأُطروحات المفيدة والإثرائية يا حبيبنا "صاحي ضميرة"
جزاكَ الله خير وجعله في ميزان حسناتك ، وانت منورنا بحضورك الأنيق وطرحك المُوفق
تقبل كل الود والورد والتقدير ،، ودُمتَ بخير
<><><><><><>
الخرسانات إخوي بو ماجد ضروري تحاول تصب من شهر 10 لين شهر 4 حول ست شهور تخلص فيها الهيكل الخرساني وبعدين براحتك مع شغل الطابوق وباقي الشغلات .. لو بديت شهر 9 تجهز وتحفر بتضمن تصب مع تحسن حرارة الجو .. وما اشوف في الخرسانات الشغل المزعج الكبير الا لو المقاول علة على الآخر
التأسيس والحفر ضروري زيارات متعددة من الإستشاري والحضور مع مساح لتأكيد مواقع الأساسات والأعمدة والمستويات للدفان والتأسيس وللأرضية للدور الأرضي
لا اخوي الغالي.. صح كلامك يفتحون حفره بسيطه بس اخوي اذا دريت ان غاشينك ف الخرسانه وحاطين ماي. ما يكشفها الا التست كور. تابع المهندس عبدالغني وعن التست كور ودوره المهمالمشاركة الأصلية كتبت بواسطة معماري قطري
بارك الله فيك يا بوماجد.. والله يجزاك خير ياخويإذا كان الغاليين سعود و بوعبدالله يقلبون أي موضوع لموضوع خرسانة واسمنت وطابوق .. الخ
فما بال موضوع مثل موضوعك الشيق ياخوي ابو ضمير صاحي .. جعل من جابوك الجنة
تعال معاي نصفط على جنب ونستمتع معاهم ولعل ابو عبدالله لاعب مُحترف واخوي سعود لاعب صاعد
لا عدمناكم ولا عدمنا مثل هذي الأُطروحات المفيدة والإثرائية يا حبيبنا "صاحي ضميرة"
جزاكَ الله خير وجعله في ميزان حسناتك ، وانت منورنا بحضورك الأنيق وطرحك المُوفق
تقبل كل الود والورد والتقدير ،، ودُمتَ بخير
<><><><><><>
اخوي الغالي انتبه من نقطه ومن تجربه //انت الي ماشاءالله عليك انا فهمت ان قصده فحص المكعبات الي ياخذونها من الموقع
فعلا التست كور اخبره يسونه اذا مبني قديم ويحتاجون معرفة قوة الخرسانه اذا يحتاجون بناءً طابق اضافي . وسالفة الفحص في المعامل انا مش واثق فيها كلش . اشوف اهم شي :
1. كرت الخلاط اول مايوصل لازم مايتعدى ساعتين
2. عمل اختبار الهبوط
3. مطور الهزاز
4. رش الخرسانه بالماء ع حسب فصول السنه
الباقى في ذمة المقاول والاستشاري
بخصوص فحص المكعبات.. تدري وش يسون وهذا وهذا اللي صار معاي
ياخذون العينه المكعبات وبعدها.. يحطونها ع الارض ويقولون للسواق يالله حط ماي ف الخرسانه
لتسهيل صبها فقط. وتطلع سلسه
للاسف تضعف من قوه الخرسانه
الاغلب للاسف يحطون ماء..
المكعبات خلاص خذوها من الخلاطه امورها تمام.. لاكن بعد مايخلصون يحطون ماء ف الخلاط وهذا الغش
كلام سليم وممكن يصير كذا .
بس اذا المقاول والمهندس ذمتهم وسيعه كذا مصيبه .
هنا دور الاستشاري لازم يحضر جميع الصبيات والمالك ايضا اذا امكن انا يوم البناء كنت احضر جميع الصبيات واقف ع راسهم واشيك مع المهندس بحضور الاستشاري فحص هبوط الخرسانة وكذا مره رجعنا خلاطات فشلة في الاختبار واتابع رش الماى وتقارير الخرسانة . من الحفر البيت الى ان سكنت قريب سنتين ونص ركض وراهم .
عليك بطريق الحق ولا تستوحش لقلة السالكين، وإياك وطريق الباطل ولا تغتر بكثرة الهالكين ..”
أكيد يا اخوي أتابعه وانتقده في معلومات كثيرة وشوف موضوع اليوتيوب بتعرف .. شحادني أسوي كور تست والفحوصات الثانية موجودة فحص القمع أهمها وورقة معمل الردي مكس متى طلعت الشاحنة وشمكونات الشحنة .. فحص القمع يدلك على محتوى المياه وقوة الخرسانة بعد .. الكور تست تحتاجه في الغالب لبعد عمر من البناء وأخذه لازم بآلة متطورة وبخبرات خاصة حتى مستغرب إن سعره 700 ريال ممكن يكون أغلى أما سعر فحص الكيوب تست المفروض وايد أرخص لأنك انت تسوي غالبية الشغل كمقاول أو مالك والفحص في دقايق في المختبر
عاد مقاولك غرق العينة بالماي أو غرق الخلاط بالماي هذا مقاول خبل ولا يعرف يسوي صالونة سيستمه شوربة خفيفة بس وعنده الماي هو الحياة .. وين الإستشاري وقت الصب ووين المالك لو مطلع وفاهم والأهم رؤيتك للخرسانة بعد صبها هل هي ما فيها فجوات تعشيش وشلوخ واضحة حتى لو شعرية .. الجودة تبين وترقيع المقاول بمواد خاصة بعد يبين وهناك تقدر تاخذ كشطة من فوق وتوديها المختبر لإختبار كيميائي ولو طلع حاط مواد تغطي الكراكات مؤقت تطلب كور تست والمفروض هذا مكتوب في عقدك وعقد الإستشارات والمفروض أكثر هذا إجراء روتيني متسلسل موجود في المواصفات القطرية ويتحمله المقاول كقيمة وقت الشك في التلاعب
ما شاء الله عليك انت فاهم وتسوي شغلك صح
اخوي معماري. تقول انك تنتقده المهندس عبدالغني. ليش هل عليه ملاحظات
إنتقادي يا اخوي مب دوم سلبي أوقات سلبي وأوقات ايجابي وأوقات أنقل المعلومة للإطلاع وتكون صحيحة .. هو وغيره من اللي يعرضون يفيدون الكل بس أوقات قليلة تكون فيه مبالغة منهم أو إختلاف وأوضحه
على سبيل المثال يقول هو لازم تسوي فحص تربة وهذا ممكن لبعض الأراضي وبعض المشاريع بس مب لكل بيت عادي .. من تحفر الأرض تبين لك قوتها ومكوناتها لو مثلاً طينية خالصة وهذي نادرة في قطر وحفرت لمترين وللحين طين وهذي شبه مستحيلة .. هنا معناها تغير حتى نظام الأساسات لكن أرض صخرية متر ونص وكفاية وأسس ودوم تحصلهم مبالغين في مساحة وقوة التأسيس ومقللين من قوة ضغط الأرض .. ولو تبغي تحسبها بدقة هنا بقول سو فحص انضغاط لكل أساس ممكن توفر نص كمية الخرسانات والحديد تحت بس شبتستفيد؟
إذا عرفت إن الأساسات ممكن تكلف 40 الى 50 ألف ريال وانت بهالطريقة بتدفع فلوس للفحص وممكن توفر 5000 أو 10000 وتخسر قيمة الفحص أياً كانت وتخسر وقت ومتابعة
انا اللي يثبت إني غلطان في رأي ينتقدني وأكون مشكور له مب معنى اني أنتقده أقلل من مجهوده هذا نقاش علمي
ضوابط المشاركة
رد مع اقتباس