انشاء قسم جديد للمحاكم لتسريع امور القضاء

[صاحي ضميره]

السلام عليكم ورحمة الله وبركاته
افكر اشتكي ع شركه مقاولات وقالوا لي شركه بيننا محايده..(........) قالوا لي لا تحمل اجراءات المحكمه وتطول
واستمر مع المقاول وخلك معهم،،
المهم سئلت صديق لي شغال ف المحاكم عن ليش طول المده
فقالي النظام تغير الحين وما تاخذ الا كم شهر
وكلها معاملات اكترونيه
والله يجزاه خير الوزير الجديد
فاعتقد اخواني ان اغلب الشركات تحاول تركز ع المحاكم وانها تطول فضغطون عليك. فتستمر ع اساس شغلك ما يوقف
اما اذا فعلا تفعل القرار فلامور الحمدلله طيبه وخبر جدا حلو ابي تجاربكم
هذا الرابط
https://www.sjc.gov.qa/ar/pages/news...spx?ItemId=146

[Dana’1]

ما ضيع الناس الا عدم وجود وقت محدد.

فقالي النظام تغير الحين وما تاخذ الا كم شهر

االا كم شهر؟!
يعني ممكن 1,2,12,18,24 شهر فأكثر.

الله يرد الحقوق لأهلها و بوقت وجيز

[صاحي ضميره]

من تجربه لي شخصيا..
ع صاحب كراج.. قعدت 5 شهور

[شموخ دائم]

,

,


مرحبا


انا شفت موضوعك والي حصل معاك ولاني صاحب تجارب في المقاولات والتقاضي

انصحك تحل الموضوع ( ودي ) خاصه ان حل موضوعك جدا سهل
والتاخير عندك بسيط وفسخ العقد سهل وديا اذا تنازلت عن التاخير الكم شهر

احنا نروح المحكمه اذا الموضوع يستاهل وفي فرق سعر 150 الى 400 الف لصالحك بعد خصم اتعاب المحامين والخبراء هناك

المحاكم ( سريعه ) الان مقارنه بالسابق تطمن خلال كم شهر بتخلص باذن الله
بعد عمل تقرير اثبات الحاله خلال شهرين بتكون خالص وتقدر تحط مقاول جديد

ولكن وحط تحت لاكن 3 خطوط

المحكمه بتطلب خبير يعاين الموقع ( واثبات حاله ) يصورون المكان
ويسوون تقرير للقاضي خلال شهر ( بتخلص )

من حق المقاول يقول انه ( صرف على الموقع ) اكثر من الدفعه الي استلمها منك
ويقدر يرفض تقرير الخبير الاول

من حق المقاول ( يرفض ) تقرير الخبير ويعين خبير اخر
وبيروخ الموضوع تاجيل شهر اخر

بتحتاج ( محامي ) بيكلفك من 20 الى 30 الف
حتى يرفع المذكرات الدفاعيه اذا احتجت على النت اون لاين الان كل شي اون لاين
بياخذ الموضوع 3 شهور تقريبا وهي فتتره ليست بالطويله
وبنفس الوقت تقدر وديا تخلص ( اسرع ) من المحكمه
اذا دفعت 18 الف للشركه وطلعت

اذا المقاول ( سمح ) وطيب بيخلصك بسرعه
واذا المقاول متضرر يقدر يطلب تعويض

والسبب الان ( كورونا ) على طول القاضي بيراعي وضع كورونا
وصعوبه تنقل العمال لما كان حظر نقلهم بالباصات
وحظر السكن
وفي قرار طلع العمل بالموقع 4 ساعات فقط
كل هذا بياخذ فيه القاضي لان الوباء امر واقع في البلد واثر على كثير اعمال في البلد
وانا جربت وكان هذا سبب كثير له وفع في المحاكم

تقدر انت تحظر المحكمه بنفسك وتقدم المذكرات اذا تعرف محامي يسوي المذكره وانت تحظر الجلسات
بتوفر 10 الاف ريال
لكن لازم تحظر الجلسات وتحظر المكتب لتجهيز الورق الاداري في المحكمه المدنيه


وبعدها بتحط استشاري جديد ومقاول جديد ( الاسعار الان غاليه ) لان الحديد ومواد الكهرباء والبيب فيتر زادت ب 50%
طبيعي بتلاقي عروض اسعار غاليه عن عقدك الاولي حط في بالك بتحتاج تزيد العقد 30% اقل شي عن اسعارك السابقه

هذا بشكل مختصر وضعك الان والحلول الي امامك

محكمه مع محامي
محكمه بدون محامي
حل ودي



موفق يارب


شموخ دائم

[معماري قطري]

صحيح فيه إجراءات سريعة بس البطيء هو الدراسة والتقارير والإحالة على المختصين والدفاع وقصة طويلة مثل ما ذكر إخوي شموخ دائم .. ولد عمي قدم قضية حددوا موعد الجلسة بعد اسبوع ومستغرب من سرعتهم وله تاريخ مع قضايا ثانية كانت تطول

المحكمين الهندسيين كثروا وعينوا وايد ويجتهدون بس مهما يكون صعب على مهندس واحد يلم بكل شيء كهرباء وميكانيك وانشائي وتفاصيل هندسية لكل شيء ولازم يظلمون المقاول أو المالك وصعب يحددون الحق بدقة .. فيه شيء بعد لو المقاول ما رضى بتقرير المحكم الهندسي يتعين غيره ويدرس الموضوع مرة ثانية والقاضي يقارن بين التقريرين ويشوف التفاوت والتشابه ويحكم بعدين

قضايا البناء المستعجلة صارت وبتصير مستعجلة أكثر لأن رتبوا لها حلول

نصيحة للمالك التأخير موضوعه سهل وبسيط وللمقاول أعذاره اللي إحنا نشوفها مقبولة .. لكن مطالبات إضافية هذي يفتي فيها القضاء وأوقات تصير بسبب قلة التفاصيل ونقص في العقد والمخططات وفي الغالب المقاول الفائز في هذي وله الحق .. لو المطالبات شفت إن له حق فيها حاول تتحاسب معاه على مراحل الإنجاز وقيمة كل مرحلة وخله هو يسعر كل مرحلة حسب تقديره ويوثق التسعير بحيث السعر التراكمي يوصل لمبلغ العقد ولا يزيد وتعامل معاه بالمراحل يخلص مرحلة بالكامل يطلب قيمتها حتى لو بدأ في مرحلة ثانية قبل ليخلص الأولى لازم يخلص الثانية بالكامل وياخذ قيمتها ما يحق له يطالب بشيء جزئي .. بعدين حاول تدخل موضوع الصيانة ودفعتها المحتجزة بس للبنيان عظم هذي ما تصير وكلٍ يفتك منها