العمرة و كأس العالم

[SouthK]

السلام عليكم و رحمة الله و بركاته

وصلني المقطع التالي:

https://twitter.com/i/status/1531760232300302336

من المعيب تشبيه كأس العالم بشعيرة دينية سامية لتبرير أي شيء مهما كانت الاسباب و الدوافع!

مجرد رأي!

[سعود.]

في رائي ان كلامة جدًا منطقي هو ماتحدث بستهزاء في الدين . فقط اعطى مثال ان الاسعار وقت المواسم ترتفع

[sara jsm]

وعليكم السلام ..

اشدعوه اخوي ساوث ترى يتكلم عن الموسم مب الشعائر ..
وعدل كلامه الاحداث الضخمة هي اللي ترفع الاسعار في كل مكان لقلة المعروض ..

[أبوماجد]

.. وعليكمـ السلامـ ورحمة الله وبركاته ..

يا هلا وغلا فيك اخوي العزيز ( كــاف الـجـنــــوب ) وفي كل موضوع جديد ومُفيد ؛

وقد راقَ لي كثيراً ما قاله وكانَ موضوعياً للغاية، وأفضل التشبيه حينما تتم المُبالغة فيه

وحينما يستخدم اللي يصف الشيء شيئاً يعرفه الجميع في كل حَدبٍ وصَوب وقدَ وُفّقَ في ذلك

تقبّل أرَق تحيّة وتقدير ،، ودُمتَ بخير

<><><><><>

[Dana’1]

أهم شي يضرب مثال على وقت المواسم و يعطي مبرر للإرتفاع
ما يدري إن حتى من جاء لقطر قبل كاس العالم و خارج نطاق أي موسم للسياحة تكون الأسعاار مرتفعه نوعما وو اللي اعرفهم المسوا هالشي بالسكن بالفنادق و المطاعم وحده أذكر قالت لي الله يعينكم عالزحمة هذي أول ملاحظه و الثانيه انها زارت كذا دولة بالخليج و الفرق بالأسعار واضح مع إن جودة المطاعم عندنا أقل من الكويت بس حيل رافعين الأسعار ليش؟!
هالكلام تقريبا بين 2008-2010 هي جات بهالفتره.
عاد الحين الغلاء سيطر عالجميع أتوقع ماعاد به فرق بالخليج إلا كان الكويت و عمان ممكن بعد مو أكيد

هو ماقارن الشعيرة نفسها بلعب الكوره او كاس العالم
هو يبرر أو يوضح للناس إن ارتفاع الأسعار اللي بيصير لأن فيه حدث كروي عالمي و تجمع كبيير لمحبين كرة القدم من كل العالم...فما يجي إلا اللي بيدفع و كل شي بسعره.

كان يقدر يقارن مع الدول اللي سبق و نظمت كاس العالم مثل روسيا و غيرها بس عاد هو اختار تنظيم العمره مع ان التنظيمين فيهم فرق و فرق السماء عن الأرض
بالعمره التجمع يكون بمكان واحد و إن كانت الأوقات متفرقة
و إقامة الصلوات بوقت واحد و لا تنسى وقت الخروج لأداء هذه الصلوات وزحمة الطرق و قتها*
الكوره أمرها يختلف الملاعب متفرقة و الفرق تلعب بجدول محدد و أيام متفرقة يعني فيه اختلاف في طريقة التنظيم و الأسعار و غيرها

[توشيبا]

ان شاء الله يجي يوم اشتري فندق واسوي لكم خصم 1‎%‎ بدون استثناء

[أبوماجد]

مع إن جودة المطاعم عندنا أقل من الكويت بس حيل رافعين الأسعار ليش؟!

100% كلامك صحيح وسؤال مطروح ، والسبب طبعاً أنه في ناس يشترون ويدفعون وهم مغمضين عَن السعر

يقول لي صَديق بأنه كان في الخياط مع صديقه واحتمال أن الخياط باكستاني ، ويقول أثناء حديثي معاه عَن قماش "شاكيبو"

دَخَل علينا شاب صغير في السن ولعله طالب، وسأل الخياط وهو واقف عند الباب: أغلى طاقة خلق عندك ((بكم)) ؟؟

ورأساً قال له الخياط هذي اللي قدامي ؛ يقول لي بأن سعرها كان تقريباً 800 ريال وباعها عليه بـ 2500 أو شي مقارب !!

يقول لي يوم طلع الشاب سألت الخياط ليش عطتني بسعر وعطته بأضعاف السعر اللي عطتني إياه ؟؟

رَد عليه الخياط بأن هذا النوع مِن الزباين ما تهمه الخامة قد ما يهمه السعر العالي !! لأني لو قلت له 800 ما راح يشتريها

يُقال مَن أمِنَ العُقوبة أساء الأدب ؛ وهذي مُصيبة تجارنا "الله يهديهم" ولكن المصيبة الأكبر هُم اللي يحبون يزابون.

[Dana’1]

100% كلامك صحيح وسؤال مطروح ، والسبب طبعاً أنه في ناس يشترون ويدفعون وهم مغمضين عَن السعر

يقول لي صَديق بأنه كان في الخياط مع صديقه واحتمال أن الخياط باكستاني ، ويقول أثناء حديثي معاه عَن قماش "شاكيبو"

دَخَل علينا شاب صغير في السن ولعله طالب، وسأل الخياط وهو واقف عند الباب: أغلى طاقة خلق عندك ((بكم)) ؟؟

ورأساً قال له الخياط هذي اللي قدامي ؛ يقول لي بأن سعرها كان تقريباً 800 ريال وباعها عليه بـ 2500 أو شي مقارب !!

يقول لي يوم طلع الشاب سألت الخياط ليش عطتني بسعر وعطته بأضعاف السعر اللي عطتني إياه ؟؟

رَد عليه الخياط بأن هذا النوع مِن الزباين ما تهمه الخامة قد ما يهمه السعر العالي !! لأني لو قلت له 800 ما راح يشتريها

يُقال مَن أمِنَ العُقوبة أساء الأدب ؛ وهذي مُصيبة تجارنا "الله يهديهم" ولكن المصيبة الأكبر هُم اللي يحبون يزابون.

نعم اللي ذكرته بعد حاصل من البعض.

[معماري قطري]

ما قصر المانع في وصفه هو وصف الإيجارات وقت الحدث وحتى ثرى المناطق اللي حوالينا رجعوا يدورون فايدتهم من هذا الحدث وأعلنوا عن طائرات تيسر سفر الراغبين لقطر من بلدانهم حتى تستفيد فنادقهم ممكن بشوي أرخص عن فنادقنا

عمار وعز يا قطر وكلها شهر وممكن مع الإستعدادات ثلاث شهور وتنتهي

[SouthK]

يؤسفني اني اقرا ردودكم لكني احترمها و إن ما اعجبتني!

الغاية لا تبرر الوسيلة و المغروض نتجنب ادراج أي شعائر دينية و تشبيهها بأي أنشطة لأن مكانتها و الهدف منها أعلى و أسمى بمراحل من اللهو و اللعب و عاقبتها مؤكد أفضل!