أتوقع يا اخوي شلة متفقين ينزلون السوق وقدروا سواء محافظ أو أفراد
أفرادنا جهة الشراء ب 27.3 مليون وأكيد اللي صار في آخر السوق بيع أفراد خروج من بعض الأسهم ودخول في غيرها .. محافظنا بيع بما يعادل 34 مليون
الخليجيين محافظهم جهة الشراء بحول 10 مليون وافرادهم جهة البيع بحدود 350000 ريال
العرب أفرادهم شراء بحدود 12 مليون ومحافظهم 0
الأجانب الافراد شراء 4 مليون والمحافظ شراء حول 23 مليون
هذي إحصائية موقع السوق ما اتوقع يألفون والعلة واضحة وين
سبحان من يغير ولا يتغير ..
المشكلة ليست في الازمات التي كلما سقطنا نبحث عنها لنبرر السقوط ونشبع الفضول الغريزي .
ايضاً لو واصل المؤشر ل 16000 كنا وجدنا اسباب كثيره نقتنع بها ان الارتفاع سيستمر ... اما حاليا نبحث عن ضمان بأن الهبوط لن يستمر !
رغم كبح هبوط المؤشر بكم سهم قيادي على حساب غرق اسهم اخرى وهذا شيئ مستفز .. الا ان الحق يقال وهو ان بعض الاسهم لا يمكن ان تستمر في الارتفاع لاكثر مما وصلت اليه دون تصحيح كبير .. كمثال سهم استثمار القابضه او قامكو .. السهم خرج من قاع تحت ال .0.50 ثم نهض واقترب ل 3 ريالات يعني ارتفع من قاعه بما يعادل 600% ومن سعر الاكتتاب بما يعادل 270% تقريباً ..نعم اساسياته تدعمه لكن خلاص تشبع سوقياً وكفى و وفى وملأ المحافظ بأرباح استحقت الجني .
عن نفسي بعته من اكثر من سنه ولم افكر في الرجعه له مادام هناك اسهم اخرى تحقق لي الآمان النفسي على الاقل .. آخذ سهم ارتفع بنسبة 100%من قاعه افضل ما اشتري سهم ارتفع اكثر من اربع اضعاف ..طبعا مع الاعتماد على الاساسيات ونسب النمو .
بعتقد رغم هبوط الاسهم الا ان اكبر الخسائر لم يحظى بها الا الطامعين .. اما المتوازنين خسائرهم اقل بكثير وتتعوض خلال اقل من شهر بإذن الله .
يعطيك العافية اخوي شراع وما شاء الله كلامك درر وتسطر من الذهب
بالنسبة لسهم قامكو صحح من اعلى قمة وصل له تقريبا 47% وللعلم ريع السهم في الربع الاول تقريبا 42 درهم على السعر القديم
يعني ممكن اخر السنة ان شاء الله يكون التوزيع 10% وللعلم توزيع العام الماضي كان 8% فاتوقع هذا السهم من الاسهم الامنة للدخول حاليا وان شاء الله ممكن اعدل فيه اذا نزل لتحت
وتقبل مروري
قال أفلاطون: من يأبى اليوم قبول النصيحة التي لاتكلفه شيئا فسوف يضطر في الغد إلى شراء الأسف بأغلى سعر
نزول عشوائي مضر للجميع ناس واجد سكرت حساباتها وطلعت من السوق
لابد من ارتداد مرضي والا لن تجد حد بالسوق المحافظ لوحدها
بعضنا دخل بقليل من محفظته في استثمار وغيره .. إغتر في السوق بس القليل ما يضر ممكن يعدل المتوسط .. إستثمار كل اللي خذته فيه 44000 وكنت بايع مليون سهم بربح قوي ولله الحمد يغطي قيمة الشراء ذي مرات .. كل واحد له استراتيجية والخسارة تتحقق لين بعت وطلعت
واثق إن سوقنا بيرجع يرتفع سريع وإن الظروف بتتحسن للأسواق ككل وبيتم التركيز على الإيجابيات .. ممكن مع بداية شهر 8
غلطان ما بعت أكيد غلطان وكانت فرصة أحقق ربح كبير وأشتري أسهم بس استثمارية للفترة القادمة خصوصاً صناعات ووقود والخليج الدولية متأكد لها مستقبل وقامكو على هذا السعر والريان وغيرهم كثير
أمس الداو محلق في الأخضر واليوم غالبية الأسواق خضراء وبرنت أخضر
سوقنا جزء من العالم واللاعب القوي الوحيد فيه جهاز قطر للإستثمار أو المحافظ القطرية ككل وكانت تبيع لها فترة 3 شهور ببيع ممنهج وشكله متفق عليه وما زال للبيع بقية صافي بيعهم أمس 107 ملايين ريال من مجموع 679,566,717.24 .. وايد مؤثرة خصوصاً بيعهم في أسهم استثمارية
أقردانا دخول سيولة بحدود 20 مليون والأجانب شراء قوي من المؤسسات
الله يعافيك ويبارك فيك .
واتفق معك بخصوص قامكو 1.5 الآن وصل لسعر يصلح للبدء في بناء مراكز و تعديل متوسطات .
1.9 رقم حائر في رحلة السهم بدأ كمقاومه واصبح دعم ثم كُسرَ كدعم والآن يصلح مقاومة من جديد ان شاء الله .
ومع تحسن الاجواء العالمية سيصبح مغري حتى للمضاربين بربح 20% خلال فترة زمنية قليله حدود الشهر او الى اول اسبوع تداول بعد العيد .
ليس قامكو فحسب ..ايضاً اسهم اخرى مستوياتها الآن آمنه (للبدء) في اعادة التمركز .
اي مغامره في هذه المناطق هي مغامره محسوبه ومطلوبه ..لكن البعض يفضل الانتظار الى ان ترتد وترتفع الاسهم من سعرها الحالي ب نسب 15% ليطمئن ويدخل . وكلٍ له سياساته الخاصه في التداول ..والله يوفق الجميع لكل خير .