صفحة 1 من 2 12 الأخيرةالأخيرة
النتائج 1 إلى 10 من 12

الموضوع: محتاجين مبلط للبيت

  1. #1
    عضو
    رقم العضوية
    57489
    تاريخ التسجيل
    Apr 2022
    المشاركات
    93

    Angry محتاجين مبلط للبيت

    السلام عليكم ورحمة الله وبركاته
    اخواني محتاج مبلط للبيت
    لقيت بنغالي قالي الاغراض علي وشغل يده المتر 26
    ولا ادري كيف نظام التبليط هل له طريقه تركيب معين

  2. #2
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    عليكم السلام ورحمة الله وبركاته

    الله يعينك .. إحسبها عدل قبل لتقدم هل البلاط خارجي أو داخلي ونوعيته وشي .. لو بيتك 400 متر مسطح الأرضي وتبيه داخلي بتكون التكلفة 10400 لهذا الدور فقط وشغل يد فقط البلاط بيجيك سعره مختلف حسب اللي تبيه + سعر الدفان لو تبي تدفن والسكريد واللاصق والمونة أو القراوت بعدين .. واحد من الربع حسب له المقاول الدفان ب 11000 أعتقد أو رقم قريب قلت له حرامي ذيه السكريد كامل بدون دفان ما يكلفك هذا المبلغ وعمل سكريد لكامل البيت داخل وناوي يعمله للخارج .. سكريد سميك قصدي مب الرقيق 5 سم انا مسوي لبيتي بين 10 و 15 سم للداخل وللخارج وبدون حديد تقوية بفيبر .. وألحين بعض شركات الردي مكس توفره بهذي المواصفات

    المهم هو طلع حق بيته السكريد أقل سعره من الدفان اللي في غالبه شوائب ونمل أبيض وغيره وبعدين يكون بيئة للنمل وكتبت وايد عن طريقته ما ودي أكرر

  3. #3
    عضو
    رقم العضوية
    57489
    تاريخ التسجيل
    Apr 2022
    المشاركات
    93
    مساك الله بالخير اخوي معماري.. والله واحد قالي كل شي عليه المتر 45
    والثاني قال كل شي عليه 60
    واذا باجيب كل شي ع حسابي يحسب المتر 26

  4. #4
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    صباح النور إخوي صاحي ضميره

    ركز على مواصفات التركيب والمواد أهم من السعر بوايد .. أذكر بلاط الحوش شاريه بس ب 38 وعمر معاي للحين 17 سنة بس مركب على خرسانة 15 سم ولا نزلت بلاطة .. وجاري بنى عقبي وخلص عقبي بفترة اشتغل في حوشه مرات

    كان ضمن العقد عمل قار استبدلناه بالسكريد وتركيب البلاط على المقاول وعلي بس توريد البلاط وكله شامل مواد التركيب على المقاول من دفان ودك وعمل ميول مناسب وعمل حماية للخرسانة بلاستيك سميك والخرسانة بدون حديد وعمل فواصل تمدد .. إنت تختصر القصة كلها في أسعار بدون توضيحات وانا أشرح ما وراء المواصفات للكل يستفيد

    أقدر أقول لك اختار اللي سعره 45 ريال بس نصيحتي بتكون ناقصة وبعدين بيصير هبوط وتكسر للبلاط وبتقول ما وضحت لك وانا اكرر كلام قلته مرات ومرات ووضحته بالصور والفيديوهات

  5. #5
    عضو
    رقم العضوية
    57489
    تاريخ التسجيل
    Apr 2022
    المشاركات
    93
    اقتباس المشاركة الأصلية كتبت بواسطة معماري قطري مشاهدة المشاركة
    صباح النور إخوي صاحي ضميره

    ركز على مواصفات التركيب والمواد أهم من السعر بوايد .. أذكر بلاط الحوش شاريه بس ب 38 وعمر معاي للحين 17 سنة بس مركب على خرسانة 15 سم ولا نزلت بلاطة .. وجاري بنى عقبي وخلص عقبي بفترة اشتغل في حوشه مرات

    كان ضمن العقد عمل قار استبدلناه بالسكريد وتركيب البلاط على المقاول وعلي بس توريد البلاط وكله شامل مواد التركيب على المقاول من دفان ودك وعمل ميول مناسب وعمل حماية للخرسانة بلاستيك سميك والخرسانة بدون حديد وعمل فواصل تمدد .. إنت تختصر القصة كلها في أسعار بدون توضيحات وانا أشرح ما وراء المواصفات للكل يستفيد

    أقدر أقول لك اختار اللي سعره 45 ريال بس نصيحتي بتكون ناقصة وبعدين بيصير هبوط وتكسر للبلاط وبتقول ما وضحت لك وانا اكرر كلام قلته مرات ومرات ووضحته بالصور والفيديوهات
    الله يجزاك كل خير.. يالغالي للامانه انا اجهل بهذي الامور
    اذا قالي كل شي علي
    ايش المفروض اركز عليه بالضبط عشان اقوله

  6. #6
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة صاحي ضميره مشاهدة المشاركة
    الله يجزاك كل خير.. يالغالي للامانه انا اجهل بهذي الامور
    اذا قالي كل شي علي
    ايش المفروض اركز عليه بالضبط عشان اقوله
    توني ذاكر لك يا اخوي

    أول شيء الدفان ونوعيته وتدرجه بحيث ما يكون فيه حصى كبار 5 سم أو 7 سم بالكثير ويسوون لهم غربلة بالشبك الحديد الخاص معروف عند كل المقاولين .. لو قال لك بودرة لتوافق حتى لو يحلف إنها أفضل دفان لأن البودرة ناتج هدم في الغالب وتحتوي شوائب وخشب والكسارة تخلطها وخصائصها تختلف عن التربة العادية

    ثاني شيء تهتم به أماكن الدفن والمناسيب وتحدد أماكن أحواض الزراعة ولو حبيت أكثر تحدد مكان بايبات الصرف وغيرها بطابوق حتى ما يأثر عليها الدفان وتدفنها برمل ما يخدشها وبدون دك في مكانها الدك في باقي الأرض

    ثالث شيء إذا بتسوي سكريد بسيط أو صبية خرسانية بسمك معين لو فرضاً سويتها بسمك 15 سم تقدر تسوي فواصل التمدد كل 15 متر في الإتجاهين الطولي والعرضي .. ولو سويتها 10 سم تحتاج فواصل تمدد كل 10 متر

    رابع شيء نوعية اللاصق اللي بيستخدمه وكم سعره

    نوعية البلاط وسعره بعد

    ونوعية القراوت وسعره ونوعية فواصل التمدد وطريقة تنفيذها والضمان عليها

    أي مقاول فاهم يقدر يعطيك جرد كميات وسعر معين لكل كمية ومواصفات تركيبها بس قليلين الذمة يتركون الشغل مبهم حتى يلعبون بعدين في مواصفات الشغل والتركيب براحتهم ويوفرون على حسابك .. ببساطة كلما قلل الشغل وقال احنا ما اتفقنا على هالشيء تبيه ادفع زيادة كلما زاد ربحه

    يعني مثال انا بيتي ما سويته كله بلاط وتكلفت في ارتداد خلفي ركبت بلاط شعبي والسكريد كان بسيط سمكه ما تدخل سيارة هناك ومخطط أزيله وأسوي حوض سباحة كنت .. وفي ارتداد جانبي مب مهم ما ركبت بلاط كلش سكريد 5 سم وبس وعلى دفان متدرج السمك ونظيف ومدكوك عدل .. هشكل تكون حددت العمل المطلوب بوضوح ووفرت على نفسك

  7. #7
    عضو
    رقم العضوية
    57489
    تاريخ التسجيل
    Apr 2022
    المشاركات
    93
    ماشالله عليك اخوي معماري اثراء معلومات كبيره
    انا قلت هالسؤال اللي سئلتك اياه للاستشاري قالي دفان وصمغ وخلطه وخلاص
    موب نفس المعلومات اللي ذكرتها
    الله يطول في عمرك يالشيخ

  8. #8
    تميم المجد الصورة الرمزية معماري قطري
    رقم العضوية
    42697
    تاريخ التسجيل
    Apr 2012
    الدولة
    قـــــــــــــــــطر
    المشاركات
    62,558
    اقتباس المشاركة الأصلية كتبت بواسطة صاحي ضميره مشاهدة المشاركة
    ماشالله عليك اخوي معماري اثراء معلومات كبيره
    انا قلت هالسؤال اللي سئلتك اياه للاستشاري قالي دفان وصمغ وخلطه وخلاص
    موب نفس المعلومات اللي ذكرتها
    الله يطول في عمرك يالشيخ
    وعمرك الله يسلمك

    بعضهم ما يبغون يدوشون راس العميل ويسون المطلوب وبعضهم لا شغلهم على الطريقة القديمة اللي نشوفها واضحة في أرصفة شوارعنا ويطبقون أرخص وأقل مواصفات والفرق بين الشغل الجيد والرديء إنك بتضطر تصلح بعدين هبوطات وكراكات مهما يكون البلاط قوي وتجمعات مياه وقت المطر ووقت غسيل الحوش

  9. #9
    عضو
    رقم العضوية
    57489
    تاريخ التسجيل
    Apr 2022
    المشاركات
    93
    بارك الله فيك اخوي الغالي معماري

  10. #10
    عضو فعال الصورة الرمزية ولد المنصور
    رقم العضوية
    34581
    تاريخ التسجيل
    Oct 2010
    المشاركات
    1,979
    اخوي عندي هندي ممتاز وقديم , بس شغال عندي الحين اذا بتصبر اسبوعين بالكثير ابشر ..
    ونصيحه سواء بتبلط داخل او خارج اسبوعين يوم وراء يوم تغرق الارض وادك الارض عدل

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •