القاع المعتاد كان 7.8 الى 8.3المشاركة الأصلية كتبت بواسطة معماري قطري
المفترض الحين بعد التوزيع يصير ضغط
واعتقد يوصل للقاع المعتاد
بعدها يهدي شوي البيع ويرجع الشراء
المفترض القاع الجديد يكون فوق 8.9 الى 9.2
هالسنه غير التوزيع الي صار، في بعد اعلانات
الربع الثالث راح تكون قويه والعائد على السهم قوي
من وجهة نظري بعد اعلان الربع الثالث ممكن السهم
يطب شوي الى 11 ويرد تحت لل 10-10.2
لين قبل التوزيعات السنويه احتمال كبير يرد أسعاره الي راح لها
يعني 12 الى 12.5
عطيتك السيناريو حق 7 شهور
الصراحة سهم غريب عجيب يوزع 315%
ومن يملك السهم بعد الإعلان خسران التوزيع وزيادة
للاسف اللي كسبته باليمين .. خسرته بالشمال
سبحان الله وبحمده ، سبحان الله العظيم
للعلم كانت الديون 8.07 مليار
وتم تسديد نص الديون
صارت 4.03 مليار وليس 600 مليون اخوي
فيه مثل بيقولك الي ربي خير من الي اشتري
الحمد لله هنشارك في المنتدي
-اقبل بخسارة صغيرة تجنبا لخسارة أكبر
-الأرباح الكبرى تتحقق من خلال الحركات الكبرى
[QUOTE=ahmed saleh;10876709]فيه مثل بيقولك الي ربي خير من الي اشتري
الي ربى هو الي اخذ السهم من 9 وتحت وباع على 12.5ريال وفوق وأخذ ربحه
والي اشترى منهم يوم وصل 12.5 عشان الربح اخذ الربح ونزل عليه السهم اكثر
من التوزيع وما ربحوا شي.. هذا الي فهمته من المثل اخوي أحمد
الله يبارك فيكم ، وانشاءالله اسهمكم تتدبل مرتين
بصراحة اسهم المناعي ما كنت افكر ابيعها ابدا
بس السعر كان مغري للبيع
المهم الحين افكر اشتري في السهم
بس برأيكم شنو السعر المناسب
حسب متابعتي للسهم اشوف عنده فجوه حاليًا لين سعر 11.08
اتوقع يغلقها مع خبر قوي مثل اعلانات الربع الثالث ان شاء الله
او ممكن مع التوزيع السنوي ان كان سخي لان العائد راح يكون مرتفع
والحين صار في مقاومه قويه جدًا جدًا جدًا في 12.5 وفوق
نجي ل تحت وأفضل سعر للشراء،
السهم بكره اتوقع راح يفك ال س.س
بس راح يستمر البيع والتطفيش
وجهة نظري ممكن السهم يوصل 7.8 سعر حلو للشراء خلال هالفتره
والانتظار الى اعلانات الربع الثالث ان شاء الله تبيعه 11
للعلم السهم له فجوه هابطه عند 6.1 شخصيا استبعد إغلاقها الى
مابعد اعلانات الربع الرابع لان اثر الصفقه راح ينتهي وقتها
ويبدا السهم يرجع لأرقامه الطبيعية من ارباح وعوائد وتوزيع
الله يوفقك وتاخذ القرار الصح مثل ماخذيته في وقت البيع
بخصوص توقعي لرجوع السهم لأرقامه الطبيعية
من ارباح و عوائد وتوزيع
رغم سداد الشركه 50% من ديونها
لكن استنتجت هالنقطه لان الشركه في بيانها قالت
بيع انتيم حقق عائد قوي "لكن" في المستقبل راح تقل ايرادات الشركه
لان "انتيم" كانت تحقق ارباح كبيره وتدعم الشركه في النتائج
يعني صحيح راح يقل على الشركه تسديد الديون وتضاف للأرباح
لكن في نفس الوقت الشركه خسرت انتيم الي كانت تحقق لها عائد كبير
انا عندي سؤال أتمنى الاجابه عليه،
الحين الشركه صرحت ان الارباح المحققة راح تضاف للربع الثالث
طيب هم في بيانهم قالو ان الارباح استخدمو منها مليار وشوي ريال للتوزيع المرحلي،
ونفس الوقت الجزء الباقي 4 مليار ريال سددو فيه 50% من الديون الي كانت 8 مليار وصارت 4 مليار
السؤال المهم كيف راح تضاف هذي الصفقه لأرباح الشركه؟
وكيف راح تنحسب على انها عائد للسهم؟
والأهم من بينهم كلهم "كيف راح يوزعون منها"
واصلًا استخدموا المتبقي من الربح كامل في سداد الديون؟
^ لازم ننتبه لهذي النقاطع قبل الدخول فالسهم
لانه ممكن يضيفون الصفقه للبيانات القادمه على انها سداد ديون فقط
وماراح تاثر على التوزيع وعلى العائد للسهم وتخليه اقوى
الا لو انا كنت فاهم غلط!
ضوابط المشاركة
رد مع اقتباس