بشاوركم

[أمة الله]

السلام عليكم ورحمة الله وبركاته


أخواني بغيت أعرف اللاب توب اللي بحط مواصفاته كم يسوى برايكم؟

[sulai6i]

السلام عليكم ..

اذا كان جديد من 3400 الى 4000
اذا مستعمل لا يزيد عن الــ 2500

تأكدي أمة الله من مواصفات أخرى مهمة
مثلا :
كرت الشبكة ( وايرلس نت وورك )
هل فيه بلوتوث وإنفراريد
حجم الذاكره كم ؟ هل هي 60 غيغا وأعلى



والله أعلم

[أمة الله]

الله يجزاك كل الخير أخوي عالرّد......أنا بصراحه ماعرف لهالأمور فياريت تشوف المرفق وان شاء الله تكون فيه المعلومات المطلوبه


(( مرفق ))

[sulai6i]

السلام عليكم ..

هذا كما هو واضح في ما ارفقتيه Toshiba Satellite 2410

الــ Hard Drive واضح انه 60GB

اتوقع بأن سعره كما ذكرته آنفا

تأكدي من السيدي روم .. هل هي CD-RW/DVD-ROM ام لا
يعني هل يحتوي الجهاز على سيدي رايتر ام لا لأنه مهم جدا


والسلام عليكم

[أمة الله]

نعم أخوي يحتوي على سي دي رايتر بس اليوم سمته في محل بالسوفيتيل قهرني وقال لي حده 1700! إذا على السعر أعطيه هديه حق حد من عيالنا أبرك والا اشرايك

[جود]

السلام عليكم اختي

انا باشتريه منك بـ2000 ريال

إذا انك ناوية تبيعينه؟؟؟؟؟؟؟

[عزيز]

أختي أذا اللاب توب للبيع أنا بشتريه ب2500

لأني محتاجه أوديه معاي الدوام أضيع وقت فيه :d

ومعليج من سوفتيل حراميه يشترونه ب 1700 وينظفونه ويبيعونه علي غيرج بأغلي حركاتهم والله(عارفهم عدل)

وأذا مالج نيه تبيعينه علي حد من المنتدي(نظرا لكتمان الهويه)أعرف واحد عنده محل كمبيوتر بالغرافه أذا تحبين باكلمه تحطين اللاب توب عنده وراح يعطيج ال2500ريال وعقب أنا باخذه بدون مايسجل أسمج ولا رقمج ولا شي من هالأشياء

وأتمني لج التوفيق أختي مهما كان القرار ألي راح تتخذينه

[أمة الله]

هاموره

وعليكم السلام ورحمة الله وبركاته

أختي بشوف أنا شو السعر الزين اللي بيوصلني وبتوكل على الله ان شاء الله


عزيز

فالك طيب أخوي.....ان شاء الله إذا مب اليوم فالليل رديت الخبر...باجر بإذن الله بخبرك وإذا الله كتب وتيسرت الأمور مب مشكله بنشوف سالفة التسليم

الله يجزاك الخير

[جود]

الله يهديك عزيز انشالله (أنا ابي اساوم )

المهم اختي أمة الله شوفي اللي صالح لج وربي يوفقج

[أمة الله]

أختي هاموره حرام عليج مآخذته بسته وشوي ولو ان مادش خاطري بغيره ان جان ما غيرته والله