منور بوجودك ووجود الشباب والشابة الوحيدة الفعالةالمشاركة الأصلية كتبت بواسطة توشيبا
نورت المنتدى ياصديق جدي الثالث
وين هالغيبه ان شاء الله صحتك تمام وامورك عال العال
بخصوص اخر سطر من ردك تراني احس ان البيئه والثروه الحيوانيه تراقبني عشان كذا مسوي تمويه شوي
من عقب هوشتي وياهم عشان ابغي ترخيص ادخل لحم حيوان مفترس
طلعت مفترس المفترسين وتلعب على كبير وتوقعي في محله عيل العضوة المحترمة سين جيم مسكينة عندك
أيام بريئة كانت كنا نضحك ونشاغب مشاغبة طيبة أكثر الوقت ونعز مدرسينا مع إننا نرفع ضغطهم .. كنا وقتها من شلتنا الكاتب فيصل المرزوقي وكانت سيارته رياضية سليكا التيوتا حمراء أذكرها .. وكانت وكالة في شارع السد خاصة معرض بالأصح يبيع كم سيارة رياضية من اللي نحلم بهم .. مرينا وشفنا فيه لمبرغيني كونتاش اللي أبوابها تنفتح على فوق وندخل الصف نهاذي بإسمها لامبورغيني وبصوت عالي يطلع من القلب واستوت هذي نغمتنا أيام طويلة
كان وقتها عندنا مدرس رياضيات حبوب اسمه أحمد سلام مصري وراعي نكتة وسوالف لين عذبناه شوي يهاذي ببيت شعر ولا ألقطه وحاولت يعيده قال لا حتضيعنا دأ بيت سياسي .. الظاهر قاله واحد في مصر وتبهدل .. المهم ركزت وعرفت شقول وكتبت البيت على لوح قماشي اللي يدبسون فيه الورق وبالطبشور ولا يطير بسهولة .. كان البيت حمير بلدنا في النعيم متمرغة وأهل المعارف في الشوارع متسرحة .. يوم شافه أتذكر شلون تنافصت عيونه وقال ايه دأ من اللي كتبه لا وأظن كتبت الشاعر أحمد سلام .. وربعي بلسوا علي اني اللي كاتبه والمدرس مسكين قام يمحيه بسرعة ضيع كم دقيقة من الحصة وتذكر سالفة قالها لنا موتتنا من الضحك عن إنه كان معيد في الجامعة وفي كلية البنات .. يقول دخلت وكتبت ميكانيكا وكانت تعتبر فرع من الرياضيات ويدرسها يقول نادوني الادارة ورحت شوي ورجعت حصلت محرفين الكلمة وشاطبين منها وسالفته ضيعت مع المسح حول نص الحصة
دخلت المنتدى باسم الزاجل ورديت الزاجل احمل رسايل روز لكل عضو في المنتدى..
من وين طالع انتي ؟
ياحي المنتدى وحي ايامه
احلى واجمل ايام عمري
وما اختلف معاك كنت دايما وأبدا اعتبر المنتدى بيتي الثاني .. الحين ما عاد عندي بيت ثاني
من عقبه ..
ايام حلوة و اعضاء طيبين .. عرفنا على صحبة طيبة خارج المنتدى متواصلة مع
البعض بشكل مستمر والبعض الاخر شغلتهم وشغلتنا الحياة عنهم..
"حسبنا الله ونعم الوكيل"
كـلنا قطـــر وكـلنا تمـيـم الـمـجـد
اخوي المعماري .. صدقت براءة حياة المدرسة ما مثلها براءة..
رغم مخططاتنا الجهنمية والافكار العوية والمقالب المدمرة
الا انك تضحك عليها واتحس صادرة من نفوس وقلوب مب ناضجة..
كل ما لقيت حد يشتكي من المدرسة اقول لهم
تراها احلى ايام .. عيشوها بشغف وحب مافي شي يوازي مثل هالايام..
هذا احنا كبرنا نتذكر ايام المدرسة اكثر من ايام زواجنا وقدوم اول مولود لنا
وزواج عيالنا وقدوم احفاد لنا ..
لان الافراح لما تتكرر الواحد يعتادها الحمدلله رب العالمين عليها.. لكن لما تروح من غير رجعة الحنيين لها يزيد من غلاها ويسترجع ذكرياتها .........> اشعندها يمامة القباني؟
"حسبنا الله ونعم الوكيل"
كـلنا قطـــر وكـلنا تمـيـم الـمـجـد
يامرحبا ومسهلا
بالسعف والجن والعفاريت
الله يسلمك ياروز ويطمن قلبك
بالنسبه للزاجل اللي يصيده له مائة الف ريال وجيب لكزس
يا قدس يا منارة الشرائع، يا طفلة جميلة محروقة الأصابع، حزينة عيناك يا مدينة البتول، يا واحة ظليلة مرّ بها الرسول، حزينة حجارة الشوارع.. حزينة مآذن الجوامع.. فلسطين عربيّة والقدس لنا
فروخ الزاجل من افضل انواع الحمام للاكل والباكستانيات ايضا
الحمام الكبير بعد زين لكن يحتاج طهي اكثر
فروخ الزاجل من عمره 16 الى 18 يوم يصلح الاكل لحمه ابيض وفل شحم خاصه اذا الابوين موفر لهم ذره صفرا وبروتين < فيه فروخ يوصل حجمها فوق 300 جرام
اما الحمام البكستاني اول مره اسمع انه يوكل حجمه صغير
اما الحمام الفرنسي اللاحم فنان وفيه ازواج يوصل سعرها فوق 800 دولار على حسب التهجين بس تعطيك فرخ حجمه فوق 500 جرام
ممنوع التدخين التوقيع مكيف
(▓▓▓(̅(_̅_̅_̅_̅_̅_̅_̅_̅_̅_̅_̅_̅()ڪے
ايه والله حركات عفوية كانت أوقات عندنا كارثية .. دوم أذكر سالفة ثالث ابتدائي وكنت بريء وقتها ومعصقل ما فيني قوة بس تفكيري خبيث .. كان يقعد جنبي واحد ضخم وطويل وكبير يسمونه الكسارة وأظن بسبب لعبه يكسر الخصوم ويمكن اللي في فريقه .. كنت متأذي منه ولا ابغيه جنبي قمت بريت قلم رصاص عدل وركزته له مكان البرغي وقعد المسكين ما يدري وما فيه الا قومة مرة وحدة من الألم وفخوذه ضربت في الدرج الخشبي القوي وإستوى يصارخ ويتألم من الصوبين وانا مسوي نفسي ما ادري شصار .. سئلني المدرس قلت ما ادري وبس عرف اني ابيه يقعد مكان ثاني وغيروا محله ونجحت العملية السرية
ألحين كل ما اتذكر السالفة أقول يا ليتني ما فكرت بهالطريقة
هالو ياصديق جدي الثالث
عندي سوال شبه شخصي
ذكرت ثالث ابتدائي
ممكن تذكر عدد تلاميذ المدرسه او الفصل اللي انت فيه
ملاحظه . لو قلت انك في الروضه كلمه بريء مهب مقتنع
ممنوع التدخين التوقيع مكيف
(▓▓▓(̅(_̅_̅_̅_̅_̅_̅_̅_̅_̅_̅_̅_̅()ڪے
ضوابط المشاركة
رد مع اقتباس
