باذكر نقطة مهمة ما ودي أذكرها لحساسيتها وقرب حدوثها
صار حادث شنيع كلنا سمعنا به اصطدام واحتراق والتحقيقات تقول خطأ فردي وانا اقول نظام أمان الطريق مفقود والسبب عندي طريق مفتوح وسريع نظام حمايته يسبب اصطدام مباشر هذا يتحاسب عليه مصمم الطريق أو مصمم حاجز الحماية حتى لو مؤقت ومعمول للصيانة .. اللي ما يعرف الاصطدام بجسم ثقيل وصلب وحاد في الشارع حتى على سرعة 30 يشوف فيديوهات التجارب وبيعرف
الله يرحم جميع من رحلوا والسبب شغل مشي حالك وحصية على حصية نبني البيت يا بنية
صادق ياخوي نعم هناك اخطأء كثيرة في معظم الشوارع علشان كذا لازم التركيز في الطريق وعدم الانشغال سؤ بجوال او غيره الواحد مايدري شنو لي يصادفه الله يحفظ الجميعالمشاركة الأصلية كتبت بواسطة معماري قطري
الفكرة جيدة لكن اتمنى المرور يركز على السائقين حسب نسبتهم في الشارع.. الشباب نسبتهم بسيطة مقارنة مع الشاحنات والباصات والتكاسي والبياكم الخ.. ليش المرور ناسينهم وكل تركيزهم على تصوير مخالفات السرعة. هالسائقين نسبتهم 90% من الشارع ويتسببون ب 90% من الحوادث .
يا اخوي تعال شوف الأرصفة اللي تصادفك فاصلة الطريق مخفية ما تبين لا مصبوغة بصبغ الحمار الوحشي مال أول ابيض وأسود ولا فيها انارة تزيينية وتوضح الرصيف وعلى الأقل في مقدمته .. وشوف شكثر ضاربينها وتبقى فترات طويلة يعجزون عن صبغها بالصبغ التعيس .. في دول كثيرة الصبغ من خلطة الخرسانة ويصبون الرصيف في الموقع ووالله بشوفة عيني ما ياخذ يومين الا مكملينه وصبغته منه وفيه
التجديد المفروض يطال كل شيء ومنها الطرق والارصفة .. فيه نظام تغليف ألحين بمادة اليو بي في سي يبين جديد وابيض ناصع تشوفه بوضوح .. لبنان اللي يالله يالله يتنفس اقتصادياً والله يعينهم ويرزقهم حاطين ليتات صغار قبل الرصيف تخليه يبين بسهولة
هذا شيء وبعدين العوائق اللي تسبب اصطدام مباشر مهما كانت لازم تزال وترتب حتى شوارعنا تستوي آمنة
من وين جايب النسب ذي؟
صحيح سكان قطر قليل 18% ولنفترض نسبة الشباب حول النص أو أكثر شوي نسبتك صحيحة ما شاء الله
بس اللي أشوفه في كل طريق مشكلة الشباب اللي يسرعون ويقتربون بصورة خطرة من السيارات اللي جدامهم وأشوف الظاهرة قامت تزيد مع العرب بنسبة أكبر ومع الهنود وبقية الآسيويين بنسبة أقل شوي بس تزيد والمرور ما فيه معلوم
الشباب اللي موجودين حتى لو عددهم بسيط وايد منهم يسوقون بدون ليسن وطايرين فوق ال140
المشكله في قلة الوعي (( وعدم ادراك الاخطار اللاحقة )) ..
انا كـ بنت سقت اول مرة وعمري 15 على خط لفان وسرعتي 120 .. ومستاااااانسه حدي مع المطر والغيم ..
بس لو عيالي يفكرون يسوقون بهالعمر قصيت رجولهم ..
لازم نحن عليهم ونفهمهم ان الشارع مب ملك ابوهم .. وفي ارواح ثانيه حولك غير روحك اللي ممكن تروح ..
هالسلسله ماراح نخلص منها لا هي ولا حوادث الطعوس ..
الله يحفظ عيالنا وعيالكم بحفظه ..
تُنسى ، كأنَّكَ لم تَكُنْ ..
النسب عاد كل سنة وانت طيب .. القمندة ان المرور مافي معلوم
تعجبني شرطة بوظبي ..تحصلهم طول الخط من دبي الى الحدود متواجدين ويوقفون المخالفين وتشوف التزام الشاحنات باقصى اليمين رغم طول المسافة.. عندنا سلامتك الشاحنة مثل السيارة
يوم كنتي 15 كان راس لفان موجود وله شارع؟
هنا السر يا اخوي فرض القانون وللشرطة هيبة ويوقفون ويحسابون وممكن بس انذار حسب المخالفة
بعد يحطون فيديوهات توعوية عن بعض الحوادث
الله يكفينا ويكفي الجميع شر الحوادث
ضوابط المشاركة
رد مع اقتباس