اللي يكتب كتب حق الشركات المرتفعة قاعد يتابع الشاشة وحاط ريل على ريل ومرجع الكرسي ورا ومستانس ما عنده شغل مجهز كم كتاب باقي التوقيع بس لكن يشوف الوضع مستتب طول ما السوق أحمر
السلام عليكم الله يصبرنااااا
اتوقع احتجاجات الصين لها التاثير البالغ
بورصة مصر في ارتفاع مستمر بعد استثمارات ربعنا واستثمارات جيراننا عندهم واسواقنا في انخفاض مستمر جوفوا مؤشرات اسواقنا ومؤشر سوقهم من بداية السنه
يا اخوي صج الوضع غريب واللعب من محافظنا أكثر شيء .. بترجع تلم ما عليك وبترفع السوق وبنفسه بيرتفع للتوزيع وحتى ما بعد التوزيع كعادة السوق .. الوضع غريب ليش؟
لأن الكل تقريباً متفائل بهذا الحدث عندنا بس بعد الصدمة تزيد من بيع المحافظ القطرية هل التوزيع بيكون قليل والا غالبه بيكون مخصصات وحط تحت مخصصات ألف خط .. وين تروح وفي مخبأ من وكل سنة مخصصات وبالمليارات .. الثبات ممل فما بالك بالهبوط الكبير والمستمر
مرت علينا ظروف مشابهة وطلعوا البطل جهاز قطر للإستثمار اللي كان يبيع كأنه مب هو رجع يشتري برخيص وألحين نفس الشيء بيتكرر
السنة جهات كثيرة تمثل المحافظ القطرية منها البنوك وأكيد بيعهم بخطة وشراءهم بيكون بخطة ورفعهم للسوق بيكون بخطة وهم المستفيدين
خل ناخذ البنوك مثلاً بيشترون صناعات ب 14 ريال والسهم يوزع ريال وممكن السنة أكثر بيدخل عليهم 7% وبيعطون أصحاب الودائع منها 3% والباقي ربح يضاف لربحهم الكبير وبعدين بيبيعون بربح مضاعف لين رفعوا السوق
بعد ما ننسى جهاز قطر للإستثمار دعم السوق دعم مباشر وكبير في 2008 ومهما يبيع ألحين ربحه مضمون وكبير .. وقتها سعر سهم الريان وصل 70 درهم على تقسيم اليوم حتى لو يبيع بريال ونص رابح 100% غير عن ربحه من التوزيعات
يبدو انه لابد من البيع وانتظار الفرج للدخول
رأى شخصى مش دعوة لحد