صحيح العرض والطلب هو من يحدد اسعار العقارات خلال بعد انتهاء كاس العالم
الآن الاسعار فلكية وليس باستطاعة الطبقة المتوسطة والكادحة الشراء بهذه الأسعار خصوصًا بعد رفع الفائدة البنكية في الآونة الأخيرة
صحيح العرض والطلب هو من يحدد اسعار العقارات خلال بعد انتهاء كاس العالم
الآن الاسعار فلكية وليس باستطاعة الطبقة المتوسطة والكادحة الشراء بهذه الأسعار خصوصًا بعد رفع الفائدة البنكية في الآونة الأخيرة
التعديل الأخير تم بواسطة بوجبر ; 03-12-2022 الساعة 11:28 AM
الصبر جميل
اللي عندنا ناس بالآلاف للحين يرددون العقارات الابن البار رغم ان هذه المقوله كانت تمشي الى ما قبل 2013
وكانت الاسعار ذهبيه قبل 2007
حاليا كما هو حال جميع الدول وخاصة تركيا ودبي كمثال
تبني كثير يعني انخفاض الاسعار
ناس كثير يشترون عقارات على اساس مقولة الابن البار ولكن فعليا ايراد العقارات للكثير منهم يكون اقل من 3.5% كلن على حسب سعر الشراء للعقار
وحاليا اشوف وقبل كاس العالم ب 5 شهور مثلا عقارات كثيره فاااااضيه والعرض كان اكبر من الطلب
صار فيه زخم بعد ذلك واستئجار لكأس العالم وما الى ذلك ولكن واضح ان بعد كاس العالم سنعود لمرحلة تحديد اسعار العقارات
كيف يصير تحديد لاسعار العقارات
لما يكون الايجار الشهري × 12 شهر = 5% من قيمة شراء العقار حينها يكون سعر العقار مناسب وايراده جيد بالتالي
اذا كان سعر الايجار الشهري ×12 = حول 4% من سعر شراء العقار معناه المردود يا دوب نقدر تقول عنه مقبول ولكن مخاطره عاليه
لما يكون سعر الايجار يعطي5% سنويا من سعر العقار تكون المخاطر منخفضه واذا تاثر السوق شوي هنا او هنا يكون الوضع مقبول اذا وصل الى 4%
على عكس اللي من البدايه 4% عيل لو تاثر السوق كم بتوصل مستويات ما تحت 3.5% تعتبر غير مقبوله
اللي فعليا ينطقون بكلمة الابن البار هم اللي شروا قبل 2007
وعاشوا 15 سنه او اكثر العقارات تعطيهم بعضهم 7% وبعضهم يصل الى اكثر من 10% سنويا
اعتقد نحن سندخل مرحلة انخفاض للعقارات وليس ارتفاع
لاننا وصلنا لمرحلة عاليه جدا من البناااء + لنكن منطقيين كثير من المقيمين تاثرت رواتبهم بالسلب السنين الاخيره بالتالي صاروا يضطرون للتشارك في السكن سواء كان كل عايله دور او التقسيمات اللي اصبحت امر واقع وبدونه لن يسكن احد عقار لحاله
وانتشار بناء الشقق صار اكبر بكثير
وصار يستهوي الكثيرين
التعديل الأخير تم بواسطة مضارب دوسري ; 03-12-2022 الساعة 01:28 PM
بصراحه اخوي بو جبر انت ماشاء الله عليك ملم بالعقارات اذا كان عندك وقت او غير ملتزم بوظيفه ف اعتقد فتح مكتب عقاري وبناء علاقات يعطي ارباح فوق الممتاز خصوصا مع قوانين واشتراطات فتح مكتب عقاري. ممكن بداية مرحلة تحديد اسعار السوق يكون ركود شوي في هذا البزنس في البدايه _ وهذا اللي يساعد على بناء العلاقات_
بس له مستقبل بعد ان يكون الامر واقع
اذكر مع بداية الحصار كثر الكلام لاحد يشتري عقار لانها قريب بتطيح وخلاص الحين الوضع مب شكل قبل
فيه ناس صدقت هذا الكلام وتمت تنطر على امل تنزل الاسعار وماصار شي
العقار يصحح نعم اكيد يصير فيه تصحيح اذا فيه مبالغه غير طبيعيه لكن ينهار كما يتم التسويق له فهذا امر غير منطقي
يعني شقه تتاجر ب 20-30 الف في الشهر خلال فترة المونديال اكيد بعد انتهاء البطوله بترد اسعارها الطبيعيه
وطالما اقتصاد الدوله في نمو متزايد طبيعي يكون فيه اقبال على العقار لانه سلعه اساسيه
نشوف نسبة الخريجين سنويا من الجامعات والكليات والمقبلين على الزواج هل هذولا ماراح يحتاجون عقار يلم شملهم مع مرور الوقت
على فكره اسعار العقارات حتى في الدول الي تعرضت للحروب وعدم الاستقرار السياسي جنونيه حتى اليوم مثل العراق لبنان واغلب سكانهم راحوا تركيا واشتروا عقارات هناك والحين حتى تركيا ارتفعت اسعار العقارات عندهم ووصلت ارقام جنونيه
احد الاصدقاء اشترى شقه في مكان سياحي في تركيا عام 2019 بقيمة 400 الف ريال واكثرنا ضحك عليه وانا كنت اكثر واحد فيهم ضحكت عليه
وقلنا له قصوا عليك وشكلك تورطت وووو
والله يا اخوان ان فيه عروض شراء لعقاره وشرايين جادين حروة مليون ونص
طبعا حرب روسيا و اوكرانيا وازمة الغاز خلت تركيا هدف لرؤوس الاموال وتم استهداف عقاراتهم هناك
فما بالنا بمستقبل العقار في دولة نجحت في استضافة اكبر مونديال رياضي نجاح باهر ادهش الحضور بدون استثناء
يكفي انه غير فكرت العالم للافضل عن حال العرب والمسلمين كافه ودرجة الامان التي تفتقدها العديد من الدول الكبرى
الخلاصة التقارير ستظل ايجابيه والعقار حاله حال الاسهم سيمر بموجات ارتفاع وتصحيح واستقرار
ويظل العقار الابن البار مهما قل مردوده وهذا ملموس لاصحابه مع مرور الوقت
وجهة نظر والله الموفق
تعحبني لغة الارقام التي تتحدث بها ماشاء الله عليك .
اتفق معك فيما تفضلت وان تلك النسب هي النسب المقبولة والمتعارف عليها والمنطقية ايضاً .
بل ان العائد السنوي الناتج عن الايجار لاي عقار حتى وان وصل ل 4% فانا اعتبره مشجع جدا وخاصة في مرحلة ما بعد كأس العالم لانها مرحلة انتقالية لتهيئة نفسية الملاك للنزول على ارض الواقع والحدود المنطقية .
4% دخل سنوي من عقارك بجانب انك تحفظ اموالك من التآكل بفعل التضخم يعتبر شيئ ممتاز .
بمعنى ان العائد السنوي البالغ 4% ليس هو العائد الوحيد ولكنه هو السيولة والعائد الجاهزه الآن والذي يمكنك التصرف به كما تشاء ..لكن على المدى البعيد هناك عائد آخر يمكن حصاده والناتج من اعادة البيع وهو القيمة السوقية حينها والفرق السعري يعتبر هو الربح الرأسمالي .
4% + ربح مُأجل على رأس المال = استثمار ناجح ومقبول ونستطيع مع هذه النسب ان نطلق عليه من جديد مسمى ( الابن البار ) .
صحيح واللي يحدد النسب اخوي شراع هو سعر الشراء
وجهة نظري الشخصيه 4% من سعر شراء العقار يعتبر عندي مخاطر عاليه لان الواحد يكون على الحافه ما بين وبين
المستقبل بالطبع سيزيد البناء وزيادة البناء تعني المستقبل غير مقبول+ انتشرت في اخر 4 سنوات الحيتان الكبااااار صاروا يبنون عماير وشقق وبعضهم يبني 3 ادوار شقق وكثير منهم لحد الان في مراحل التشطيب مانوا ينوون مع كاس العالم ولكن اعتقد واجهوا مصاعب
وهذا بعد يؤثر سلبا على العقار كوجهة نظر شخصيه
التعديل الأخير تم بواسطة مضارب دوسري ; 03-12-2022 الساعة 01:40 PM
غالب التقسيم صار واقع ومن غير تدخل الملاك والملاك بعضهم دروا به وصعب ياخذون حقهم من اللي قام بالفعل
فيه دراسة لتقنين التقسيم وعمل شقق مرتبة ومطابقة للمواصفات وكل شقة بعداد ماء وكهرباء وهذا الحل المناسب أشوفه لكل العقارات القديمة والكبيرة اللي يصعب هدمها وهي جيدة ومؤدية لغرض اسكان فئات معينة من الناس .. بيتنا القديم مثال كنا فيه ثلاث عوائل انا واخوي متزوجين مع عيالنا وبيت الوالد الله يغفر له وكله بنيان الحكومة جزء شعبي واضافات من الديوان وجزء بسيط منا قبل لنطلع .. طلعنا واستفدنا منه وجاء عليه قرار هدم على أساس انه آيل للسقوط وطلبت صيانته ووافقوا لي وألحين من أفضل ما يمكن وحتى التقسيم من زمان وأثناء البناء كان عبارة عن فلل وملاحق مستقلة بكهرباء وماء غير والبيت على شارعين وسكتين كان يعتبر على 4 شوارع بس سووا تعديل للمنطقة وكنسلوا الشوارع الجانبية خلوها سكك خدمية
هذا مثال وغيره أمثلة كثيرة
جدام بيتي الحالي على طريق الوعب توجد بيوت خدمية وراها جهة الفريج كان ممنوع يفتحون أبواب بعضهم بأعذار فتحوا وألحين أشوف في الخلف بانيين مخازن كبيرة وتجي أوقات سيارات آخر الليل تنزل مواد في كراتين تبين معدات كهربية تحتاج حماية .. بس استوت البيوت من جدام لها شغل معين وتستقبل عملاء ومن ورا تخصص غير .. نفس الحال ينطبق على حضانة أطفال تتحول بعد الظهر لسكن عمال خاص يجلسون من فجر ويطلعون والتجاوزات كلها ما يقوم بها قطري الا قليل والجهات المختصة لازم تكون عندها تحقيقات وتحريات وتضبط الوضع وفوق هذا قوانين تجرم بدون توجيه اللوم للملاك بس
المشكلة تجرأوا وجابوا شاحنة تقرقع مكينتها ديزل ومخلينها شغالة أذية للساكنين وينزلون منها ساعات طويلة يدوي وبفوركلفت صغير لأن الباب الخلفي صغير .. الحكومة من جهة ثانية في آخر التحضيرات حق كاس العالم سكروا سور الحديقة القديم من جهة الشمال بحايط خرساني وخلوا فتحة مطلة على الفريج تدخل منها الشاحنات وسووا الأرض داخل مكب لبقايا حواجز الطرق والكبائن المنتهية والمكسرة بكرة ممكن يسوون مزاد للنفايات وراء بيوتنا
دوم المواطن مب مهم والمهمة الفشخرة جدام اللي غير وهذا الحق احنا لازم نضحي
حاليًا بانسبة لي أفضل اقتناص الفرص والمضاربة في الأسهم والذهب افضل من الابن البار بعد وصولة لاسعار فلكية
الصبر جميل