جلسة التداول ليوم الأثنين 2023.01.09

[alkaldi]

الظاهر يالخالدي قامكو وقت صعودها المضبوط مع الاعلانات الاخيره
اشوفها ها ساكنه وجالسين يجمعون للدعثه بعدين
الله اعلم بما تخبيه لنا قامكو بما ان توزيعاتها اتوقعها زينه

ابشر ان شاء الله باللي يسرك في سهمك
ويبشرون الكل بالخير والعوض والربح
وربي يرزقنا جميع

[فيصل99]

صباح الخيــر على الجميع

[بو هيا88]

تتوقعون مستثمرين يتحرك ولا سبات شتوي

[ابومبارك]

اخي الكريم في اسهم حاليا اشوفها بالاحلام ما حان الواحد يتوقع توصل لها خصوصا بعد اعلانات الربع الثالث ، عائد قامكو والدولية بالنسبة لسعر السهم الحالي تقريبا 11%, وهذه نسبة ما تشوفها في الوطني ولا بصناعات ، لذلك من المستحيل البقاء ع هذه الاسعار وقت الاعلان والتوزيع ، القفزات رح تكون سريعة ووقتها يا تلحق يا ما تلحق ، والعلم عند الله

هذا الي انا اقصده وقت الاعلانات الاخيره وقتها بيكون قامكو له كلمه
وارباحه جدا ممتازه

[roma27]

السلام عليكم ورحمة الله وبركاته الخليج الدوليه مازال سعرها فرصه أتصور هذه السنه في توزيع

[كلمة طيبة]

السلام عليكم ورحمة الله وبركاته الخليج الدوليه مازال سعرها فرصه أتصور هذه السنه في توزيع

اخي هذه الاسعار ما شفناها من قريب السنة ونصف ، وقت كانت تعلن عن خسائر الحين ارباح ومن افضل الاعلانات اللي بالسوق ، فلك ان تتفكر

[مضارب دوسري]

مازال المؤشر لثالث مره يعدي 11385 ويرجع لها

نبيه يشد حيله شويتين ويتركها خلف ظهره ورديروح صوب ال11500

[كلمة طيبة]

مازال المؤشر لثالث مره يعدي 11385 ويرجع لها

نبيه يشد حيله شويتين ويتركها خلف ظهره ورديروح صوب ال11500

هي بسيطة اذا الوطني بفكر يطلع صوب ال 19.5 وفوق

[كلمة طيبة]

بس بصراحة ابو محمد المؤشر ارتفع صحيح بس لازم الحين يعطي نفس للاسهم الشعبية تتحرك ، وهذه الاسهم اللي تشجع اللي جالس بالمدرجات انه يدخل

[مضارب دوسري]

ممكن وقت تصحيح المؤشر يكون هناك تحرك للاسهم الصغيره والشعبيه

هذا في حال كان التصحيح طبيعي وصحي وان القادم افضل