السوق البلدي أم الميرة ؟

[نديم القلم]

إستفسار للمقارنة ..

البعض يؤيد ارتفاع أسعار الميرة عن أسعار السوق البلدي والبعض الآخر يؤيد العكس .. شارك برأيك حول هذا الموضوع لتعم الفائدة ؟

[قطريه ماركه]

بالفعل اسعار الميرة مرتفعة
و اسعار البلدي مناسبة جداً ،، و البضائع منوعة ،،

[sara jsm]

مارحت البلدي الا مرة وحدة لكن الميره اسعارهم عاليه جدا ..
والبديل بالنسبه لي اللولو هايبرماركت ( سعر أقل ومنتجات فرش وتنوع اكثر ) ..
وانا ضد دعم المنتج الوطني على حساب فلوسي

[Dana’1]

الميرة مبالغين بالأسعار البلدي أسعارهم معقوله مقارنه بالميرة
مسكر بعد معقولين الأسعار.

[سعود.]

الميره غالية جدًا مقارنة بنظرائها

[معماري قطري]

مارحت البلدي الا مرة وحدة لكن الميره اسعارهم عاليه جدا ..
والبديل بالنسبه لي اللولو هايبرماركت ( سعر أقل ومنتجات فرش وتنوع اكثر ) ..
وانا ضد دعم المنتج الوطني على حساب فلوسي

عاد انتي تحبين تندسين بين الهنود

[نديم القلم]

نتائج الآراء واضحة بأن البلدي أرخص من الميرة .. ونتابع ارآء المشاركين .

[ابو عبدالله.]

صباح الخير

بعض الشغلات بالديره سعرها مناسب مثل المنظفات و امور اخرى
الهايبر ماركت ما يحطون العروض الخاصه مثل الميره لبعض المنتجات مثلا ما تحصل منظف مثل الديتول اسمه فايكنج مع انه ب 12بالميره
يحطون منتج قطري ب 15 ريال. هذا عرض يعني. و سعره الاصلي ب 21 وهذا ايضا موجود بالميره لكن الارخص فايكنج و نفس الجوده
لما اشتري 60 حبه تفرق معاي دوم اشتري جمله

لكن يامور اخرى تحصل الهايبرماركت كاسرين الاسعار. الكلنكس مثلا

البلدي ما اروح له لكن اذا فيه شي بسعر مناسب اكيد بروح. لكن السؤال ايش فيه البلدي غير الخضره و الفواكه. هالامور اما اشتري جمله

اذا مكسرات و هالامور بحصولها بمحل جنب الميره و سعر نفس سوق واقف

علمونا اذا في منتجات بالبلدي تسوى نطق له مشوار

[فيصل99]

البلدي افضل وخيارات اكثر من البضاعه خاصة الخضروات والفواكه

[توشيبا]

انا اروح البلدي عشان جنبه مطعم يمني اكل فيه

اسعارهم نفس الشي