هم لو شروا كل اللي باعوه رابحين ورابحين وايد .. عندك الوطني كان حول 25 والمصرف 26 وهم بيع لين وصلوا حول ال 16 وال 18 .. وغير قيس على ذلك تقريباً كل سهم حتى اللي ما فكروا في بيعه نزل .. شوف المصرف نزلوه يوم الخميس 9.66% .. الميرة من 18 وفوق لين 15.64 وتوزيعها واثق بيكون زين بس بعد ممكن ياخذون سعر السهم مقياس وهنا المشكلة
سوقنا معروف من يقوم به ويرفعه الأجانب ما يقدرون مهما يسوون طول ما الرش موجود من ربعنا .. بعضهم يتمشون ويسمعون مسيطرة لأنهم عارفين سيطرتهم .. المشكلة الثانية الأجانب لوبيات ولهم في بورصات كثيرة عادي يوقفون خسارتهم ويبيعون ويطلعون سوق ثاني بيعطيهم أكثر لذلك أتوقع حركة رفع السوق قريبة جداً والرابحين الأكبر محافظنا وكبار مستثمرينا لو باعوا قبل ورجعوا يشترون ألحين أو قريب .. هبوط الخميس قاسي ومرعب للي في السوق ومفرح للي برا بعضهم ممكن يقولون للحين ما شفتوا شيء
صدقت اخوي معماري
قال أفلاطون: من يأبى اليوم قبول النصيحة التي لاتكلفه شيئا فسوف يضطر في الغد إلى شراء الأسف بأغلى سعر
تصريح وزير المالية قبل حوالي شهرين كان واضح بهذا الخصوص.
(قال سعادة السيد علي بن أحمد الكواري وزير المالية، إن فائض موازنة دولة قطر سيتم توجيهه لسداد الدين العام، ودعم احتياطيات مصرف قطر المركزي، وزيادة رأس مال جهاز قطر للاستثمار.)
دوم التصريحات شيء والواقع شيء آخر .. عمر الموازنة ما انصرفت بالضبط كما خطط لها .. يصير يبتدون في مشروع على سبيل المثال آخر السنة وكان مخطط له بداية السنة وترحل الميزانية الخاصة بالمشروع سنة ثانية وتزيد أشياء في المشروع ما كانت محسوبة كلش
اللاعبين في دخل الدولة كثيرين منهم النفط ومنهم الغاز ومنهم الصناعات اللي للآن حكر للحكومة وشيء منها استوى مساهمة عامة .. ومنهم الإستثمار العالمي ومنهم المحلي ومنهم الرسوم وضرائب الدولة والجمرك .. وأوجه الصرف كثيرة كذلك صعب نوصل لها بس في الغالب موازنات الوزارات هذي بعضها تحقق فائض لعدم استخدام الموازنة المطلوبة بسبب صعوبة بدء بعض المشاريع أو عدم الحاجة لها ويكون هذا الفائض فائض شكلي فقط
الزبدة تنقل الموازنة من بند لبند سهل وسريع وحسب الحاجة والله يزيد بلادنا خير ويحفظها نعمة وييسر سياسيينا في صرفها في ما يرفع شأن قطر ومن على أرضها